حب وسط الدماء

البارت 16

أنا: (يالاه حليت عيني كانشوف فالسقف) كرزة.. مسكينة غاتكون مقلقة مني هي غير ضحكات معايا وأنا ندمتها بفف خصني نوض نمشي عندها..نضت مشيت للدوش عمرت لبانيو وبقيت مرخية فيه شي ساعة عاد نضت تحمحمت..لويت عليا فوطة وخرجت مشيت جبدت سروال قصير فلكرونة وقاميجة قصيرة فالأسود ولبست بانطوفة على شكل ليبوط فلون لقاميجة على حساب رجلي ..نشفت شعري وخليتو على راحتو درت ماسكارا وتوجهت لبيت كرزة..
أنا: (حليت لباب) كرزة!
كرزة: (كاتمشط شعرها قدام لمراية) وي أسماء
أنا: (سديت لباب ودخلت) جيت نطلب السماحة حيت غوت عليك لبارح والله ماقصدت كنت معصبة شوية
كرزة: عرفت... نتي اللي سمحيلي راك عارفة فمي سابقني
أنا: (مشيت عنقتها) ههههه وخا هكاك كانموت عليك
كرزة: ويلي على خرية وا رصاااي شعككتيني
أنا: ههههه صافي صافي هانا
كرزة: ايوة اش طرا لبارح
أنا: (تفكرت مجد ورجعت تزيرت) مشيت أنا وأسد للبحر وطلب مني السماحة...(ماقلتش ليها على مجد)
كرزة: 😨 وهاااااادي جديدة...هاي هاي
أنا: كيفاش هاي هاي عادي😏
كرزة: عادي!!!! راه ماموالفاااش لسي أسد.. هانتي غامن لينا وجبد عمرو خرج معاها هاكا من ديما وهو كايمرد فيها ضور ضور وتوحوح
انا: هههههههههههه علام نتي ..شفتك لابسة سبور فين غادة؟
كرزة: نجري راه ولات عندي لكرش
أنا: فالجردة نيت؟ هانا نهبط معاك نتي جري وأنا نتفرج
كرزة: ايوا هي دابا نوضي يالاه...هبطت أنا وكرزة للجردة ومشيت جلست وهي بدات تجري ودردك
سهام: صباح النووور بنتي شفتك صابحة ناشطة وجالسة فالجردة (جلسات حدايا)
أنا: صباح الورد..راه نزلت نتفرج فكرزة كاتجري هههه
سهام: هههه حمقة هاديك...بنتي فين مشيتو لبارح نتي وأسد
أنا: مشينا ل.....
أسد: مشينا لمكتب صاحبي صايبنا شي وراق.....ضرت لقيتو واقف مورانا لابس سروال ديال سبور فالأسود وتيشورط بيض لاسق ..داير كاسكيط فالأسود والسبرديلة فلون التيشورط..كان باين عليه العيا من الجري وكاينهج...
سهام: بصاااح مزيان.. ولدي طلع دوش باش نفطرو مجموعين
أسد: (كايشوف فيا) لا ماما غاندوش وغانمشي للشركة وديك الساعة نفطر تما
سهام: صافي اللي بغيتي (غوبشات)
أسد: (باسها فحنكها) والله حتى مشغول
سهام: هه صافي صافي غير سير الله يعاونك...مشا أسد دخل للدار وحنا بقينا فالجردة ...عيطات مدام سهام على فاطمة جابت لينا لفطور للجردة
سهام: كرزة (كاتغوت) زيدي تفطري.....شتي ا بنتي أسماء تاواحد مابقا كايبغي يتجمع على لماكلة
أنا: (ابتسامة) خالتي فين بنتك وبابات أسد
سهام: (كانت كاتشرب لقهوة ووحلات ليها)
أنا: (عطيتها لما ) هاكي هاكي واش شوية دبا؟
سهام: اه شكرا.. المهم هانا غانوض نخرج ابنتي... بقاي موانسة مع كرزة وخودي راحتك
أنا: شكرا.......بفف علاش فينما كانجبد ليها بنتها كاتهرب مني واش واقعة ليها شي حاجة مافهمتش..خصني نسول كرزة هي اللي غاتجاوبني
كرزة: (جاية كاتنهج) اوف اوف اوف لمووووت يالحبيبة ولكن فخاطر لاطاي كلشي يهون
أنا: كرزة حبيبة😍
كرزة: مالك😒
أنا: فين أخت أسد شفت حتى واحد مكايجبدها
كرزة: ياكما سولتي لمدام😨؟
أنا: اه جوج مرات ولكن كاتهرب مني...
كرزة: ختي هي اللي مها ماتجاوبش وأنا نجاوب سمحيلي ولكن ديك الأمور عائلية😕
أنا: على خاطرك ......ضرني راسي بزاف من جيهت هاد الموضوع ولكن بصح هاد الأمور عائلية أنا مالي ومالهم..
دوزنا النهار فالدار أنا وكرزة مرة ناكلو مرة نتفرجو مرة نصايبو لماكياج ونمسحوه مرة تعلمني شي كليمات بالانجليزية حتى جا الليل...
وصل الليل مشيت أنا وكرزة للكوزينة كلينا بيتزا..خليتها كاتفرج لتحت وطلعت حتى وقفني صوت لينا..
لينا: وقفي!
أنا: نعام؟
لينا: (قربات لعندي) عنداك يسحابلك بدوك لعينين وبديك لاطاي غاطيحي أسد ههههههه هاد التقحبين اللي كاديري راني عارفاه احبيبة..وعنداااك يسحابلك حيت خرجتي معاه لبارح راك قطعتي لواد ونشفو رجليك هه لا لا ماتحلميش بزاف.. أنا بغيت غانفهم اش مزال كاديري فهاد الدار..عتقناك من لخلا ودرنا فيك خير صدقتي باغا تورتينا ولا شنو؟
أنا: (لبكية شاداني ولكن مثلت القوة وبتاسمت) شكرا 😊..لا غانمشي ان شاء الله متخافيش..تصبحي على خير😉
مشيت دخلت لبيتي وخليتها..
لينا: 😠😠😠😠 ناري شحال نفسها باردة خلاتني كانتقلا ولكن والله لابقات فيها
أنا: (جالسة فوق الناموسية) اهئ اهئ لقحبة لوخرا مسحات فيا رجليها كيبغات ..ولكن ماقديتش نجاوبها حيت كيفما قالت أنا غير لاسقة فيهم هنا..ولكن مزيان خليها تقلا فسمها يخ على بشااار..
نضت حيدت حوايجي ومشيت للماريو باش نجبد بيجامة حتى سمعت الباب تحل
أنا: (خاشية وجهي فلماريو) عرفتي ياكرزة ديك بنت لحرام شبعات فيا معيور ماخلات ماقالت..وقالتلي أنا لاسقة فأسد..ههههههه قلت ليها فخاطري تسحابيني بحالك.. تبات توحوح عليه وشادها غيرفالدروج الله يعطيها الدل يخ جالسة عليه..اوووف ااااح بيبي ممممم يخخخخخخ الله يعطيها شي مصيبة و..و..مالكي ساكتة؟ هزيت راسي وأنا نشوف الشي اللي خلاني نضربها بغوتة عالمية
أنا: وااااااااااااع😨😨😨😨😨
أسد: (مربع يدو وكايشوف فيا وأنا واقفة بدوبياس) شكون هادي اللي كادير هاد الأصوات فالدروج؟
أنا: (جريت لغطا على الناموسية وتلويت فيه) يا..يا..ك ياك قلت ليه بقا دق الباب
أسد: وانا قلت ليك هادي داري وندير فيها مابغيت😉
أنا: علاش جيتي عندي؟
أسد: جيت نفكرك فالموعد ديالنا غدا ماغايكونش مع ل5 دالصباح ولكن تال لعشية (كايطلع فيا ويهبط)
أنا: صافي صافي وخا ودبا ممكن تخليني نبدل
أسد: (بسخرية) ههه.........حل لباب وخرج بلاما يزيد حتى كلمة
أنا: ويلي ويلي على شوهة عاودت ليه كلشي وجالسة مممم احححح بيبي وييييلي غايقول هادي كاتجسس علينا ويييييلي وشافني عريانة تفووو على موقف غانحشم نبقى نشوف فيه
#عند_أسد:
أسد: (فالدوش طالق عليه الرشاشة) ههه برهوشة.. حسيييت أن داك النهار فالدروج كان شي واحد كان كايطل علينا ولكن مايسحابليش هي..جالسة تعاير كيشي حمقة وعريانة من لفوق..مسطية صافي (تفكر قرارو) ولكن أنا قررت مصير هاد البنت... اه وعندي الصح فهادشي اللي غاندير غدا...حيت هو الصواب وفصالح عائلتي....
#عند_أسماء:
لبست بيجامة فلحمر مطلوقة حد الركابي وتخشيت فلفراش
أنا: (خاشية وجهي فلمخدة وكانهضر) عمري نسا هاد الشوهة 😢 (تفكرت هضرتو) اه وعلاش مابقيناش غانمشيو فالصباح.. ناري متشششششوقة نعرف فين غايديني ..ولكن راه مغانقدرش نهز فيه راسي من كثرة الحشمة..الله يخرج غدا على خير وصافي..😪
صباح جديد..فقت مشيت دوشت ولبست كيطمة كيف العادة..نزلت لتحت لقيتهم كايفطرو..فوزية ولينا كون كانو نظراتهم قرطاس كون تقبوني كاملة..مدام سهام كاتشرب القهوة فهدوءها المعتاد ..كرزة كاتصرط وتفيبري بحالا فيها الدودة😂 أما سفيان وأسد مبانوليش..لحقت عليهم للطبلة  وسلمت عليهم ، جاوبتني غا قزمتي الزوينة ومدام سهام ولوخرين خنزرو فيا😏 ..فطرت بسرعة وغمزت كرزة باش تبعني ..
#فبيتي:
أنا: كرزة شوفي بغيتك تختاري معايا شي لبسة واااااااعرة😈
كرزة: (كاتشوف فيا بنضرات ديال عتارفي) تعتارفي بالخاطر ولا نلتاجىء للعنف
أنا: كيفاش..باش..باش نعتارف اويلي
كرزة: فين غادة وعلاش ناوية
أنا:(تفكرت أسد مللي قالي بسرية) دبا الى بغيت نلبس خصني نكون خارجة😕 وراه غابغيت نتفركس باش نفقص ليك لينا
كرزة: ممممم لينا واخا زيدي نختارو.......هاد لمرة بغيت نلبس على دوق كرزة اللي جبدات ليا سروال بيض لاسق طاي هوت وواحد لعيبة من لفوق حتى هي فلبيض قصيرة وتاتبين لكريشة وسبرديلة فلبيض (شوفو الصورة👇👇)
أنا: أوييييلي مالكي على كلشي فلبيض مالي شادة حق الله
كرزة: (عطاتني الصبع كيف ديما) وهااااكي ..شكاتعرفي نتي فاللبس اش اش
أنا: ايييه ضربيني يايدي على خدي..صافي كلامك هو لكبير الالة........لبست ديك اللبسة اللي جاتني وااااعرة بزاف مع فورمتي وستيل زوين
كرزة: ودبا اش بان ليك😠
أنا:(بستها) عندك الحق ودبا شعري😕
كرزة: أنا نصيبو ليك جلسي.....شداتني وبدات مضاربة ليا مع شعري حتى صايباتو ليا بوكلي ..خلاتو مطلوق ودارت ليا النفيخة من القدام صرعاااتو
أنا: واو جا واعر برافو عليك صدمتيني
كرزة: اه اه اه على زنطيط العودة واكثير عندك هادشي عذبني
أنا: حبيبة ولماكياج
كرزة: لقلا..... لا؟
أنا: ناااااري لميمة بغيتي لينا ضحك عليا
كرزة: 😨 اوكي أنا نصايب ليك....دارت ليا كريم أساس ..فاراجو ...عكر غوز ماط ..ايلاينر وماسكارا وعيني من لداخل دارت ليهم قلم بيض...
كرزة: نزيد ولا باراك
أنا: لا صااااافي يخليك ليلي يالاه سيري كولي ولا تفرجي
كرزة: ايااااااه كاتجري عليا😢 نتي مانعرف اش كايضور فراسك ليوم... لمهم هانا غادة
أنا: (عنقتها بالجهد) شكرا كرزة..شكرا بزاف
كرزة: امالكي طاح عليك لحنان صافي طلقي خليني نمشي..
خرجات كرزة وأنا نضت شفت فالساعة لقيتها 13:00 مابقا والو للعشية..خرجت جلست فلبالكون وأنا تفكيري كلو فأسد وفين غانمشيو..
بقيت هاكاك حتى غفيت ماعرفتش شحال وأنا ناعسة تما حتى فيقوني لمسات على وجهي..حليت عيني شفت أسد كايلعب بصباعو على وجهي وحيدهم بالزربة مللي شافني فقت
أسد: (بتلعثم) احم سمحيلي فيقتك ولكن راه خصنا نمشيو دابا
أنا: (مقلوبة بالنعاس) واخا هبط هانا تابعاك
أسد: هبطي وخرجي عندي نيشان غانكون فالطوموبيل😊
أنا: صافي واخا....خرج أسد وأنا نضت مشيت قاديت شعري وعاودت لعكر..رشيت ريحة ودرت ساعة فيدي وهبطت ....
مابان ليا حتى واحد لتحت وأنا نخرج نيشان لعندو كيما طلب مني..حليت الطوموبيل وركبت
أسد: ماشافك حد؟
أنا: (بنوع من الإستغراب) لا ولكن علاش هادشي..
أسد: مولات لأصوات غاتغير منك مثلا
أنا:(طلعات معايا الحرارة بالحشمة وحنيت راسي)
ديمارا أسد الطوموبيل وخرجنا من الفيلا فاتجاه المكان اللي معارفاهش أنا...بقينا غاديين فصمت مدة طويييلة حتى بانلي خرجنا من المدينة... كنا غاديين فطريق وسط الغابة..للحظة جات فبالي الغابة اللي كنت هاربة فيها ديك الليلة وتزير عليا قلبي لكن ماقدرتش نسولو فين غانمشيو ..حاولت نرخي فيا النفس ونتصرف عادي..
حوالي شي ساعتين وحنا شادين الطريق بلا حتى شي كلمة حتى وقف أسد الطوموبيل فجنب الطريق اللي كانت وسط غابة ولكن كانت زوينة ماشي بحال اللي كانو خاطفيني فيها...نزل وضار حل عليا لباب...نزلت حتى أنا فصمت...بقا واقف كايشوف فيا..بادلتو النظرات مدة 3 دقائق وماعرفتوش علاش كايشوف  حتى نطق...
أسد: أسماء...
أنا: نعام...
أسد: سمحيلي بزاف
أنا: علاش؟
أسد: ليووووووو خرج عندي
لحظة صمت جسمي برد ..قلبي وقف مع انتهاء هاد الجملة.."ليو خرج عندي" ليو هو مجد ..ومجد كاين هنا .. وأسد جابني ليه..أي جابني للمنظمة..يعني ليوم هو آخر يوم فحياتي..يعني تغدرت 2 مرات .. يعني أنا أكبر حمارة..يعني مصيري هو نموت تحت يدين هاد المجرمين
أنا: (كانشوف فعينين أسد) ههههههههههههه ههههههه حتى نتا؟ نتا؟ نتا جبتيني هنا باش تسلمني للمنظمة اللي عتقتيني منها النهار الأول؟ (تفكرت مللي قلب ليا الهضرة فالمطعم مللي شفنا مجد تما) ههههه برافو عليك والله طلعتي بحالهم وحسن منهم (بديت غانغوت على حر جهدي ) لاااااااااااااااااااااا شنو بغيتو مني علاش علاش أنا بالضبط كاتلعبو ليا بحياتي هاكا علاش أنا شنو درت ليكم أنا غير درويشة عمري آديت نملة علاش مصرين تقتلوني بأبشع طريقة علااااش...بقيت كانغوت حتى ضرني حلقي وأسد واقف بلا أي حركة
مجد: بوس .....(سمعت صوتو مورايا وأنا نطيح على ركابيا بلاما نضور)
أسد: فيناهيا؟
مجد: دقائق وتكون هنا..كانتمنى ماتغدرنيش
أسد: راه هضرنا فهادشي ودبا غبر عليا وجهك مانشوفكش هنا حتى تكون معاك..
مجد: و..و..وأسماء؟
أسد: قلت ليك غبر من قدامي....
هادشي كامل داز على وذني وانا مزال تحت تأثير الصدمة..شكوناهيا؟ وكيفاش أسد كايغوت على مجد بحالا هو الرئيس ديالو.. وفين سكينة والرجال ديالهم...بقيت كانفكر حتى حسيت بأسد وقفني وقابلني معاه
أسد: أسماء سمحيلي بزاف نتي ماتستاهليش هادشي اللي غايوقع ليك ولكن ماعنديش حل آخر وللضرورة أحكام
أنا: (كانشوف فيه ودموعي شلال) شكرا بزاف... شكرا على كلشي
بقا أسد كايشوف فيا مدة وأنا غير دموعي هوما اللي كايهضرو حتى حط شفايفو على شفايفي بكل حنان وبقا ملصق فمو مع فمي بلاما يتحرك حتى واحد فينا
أسد: (حيد فمو من على فمي) سمحيلي مرة أخرى
أنا: (واقفة كانشوف فيه ومصدومة من هادشي اللي طرا دابا) امتا غايجيو بغيت نموت
أسد: ...يالاه غايهضر حتى شفت ملامحو تبدلو وصدمة كبيرة بانت على وجهو.. خلاني واقفة ومشا كايجري بحال شي سبع..ضرت نشوف شنو واقع حتى بانلي مجد واقف وحداه بنت قدي فالطول..رقيقة وشعرها كحل وطويل..مربوطة من يديها وكاتبكي بالجهد
البنت: أسااااااااااااااد اهئ اهئ اهئ......مشا أسد عنقها بالجهد وهزها بين يديه وكايبكي ..حطها وفك ليها يديها وعاودو تعانقو وكايبوسها فراسها ويديها.. أنا بقيت غا حالة فيهم فمي حتى حسيت بيد شداتني
مجد: أسومتي.. وأخييييرا
أنا: (بديت نغوووت على حر جهدي حتى ضار شاف فيا أسد) عافاك عتقني عفاااااك أسد عفاك ماتخلينيش ليهم اهئ اهئ....بقيت نطلب فأسد حتى حسيت بشي مشوار تحط على نيفي الشي اللي خلاني نغيب عن العالم...
🏵🏵🏵🏵🏵🏵🏵🏵🏵🏵🏵🏵🏵🏵🏵🏵🏵🏵
بالرجولة تعاملت معاكم و الله ما كينة تا وحدة لاحت ليكم  2  بارت ف دقة لذلك تنتوما عاونوني votes10 مقدرتوش عليها  حشوما عليكم و الله 😢😢
نتلاقاو ان شاء الله بعد  10  votes  و 15 commentaire
تهلاااااو 😘😘😘😇