#بعد_مرور_أسبوع:
مجد: أسماء أميرتي نوضي تفطري
أنا: مجد خرج عليا عفاك خليني نوض ندوش بلاما تعصبني الصباح هذا
مجد: واخا سمحيليا هانا خارج مللي تسالي خرجي نفطرو..
خرج مجد وأنا نضت دخلت للحمام ..حيدت حوايجي ووقفت تحت الرشاشة
أنا: اهئ اهئ ياربي تال امتا وأنا غانبقى محبوسة هنا بين يدين هاد الحمق😢 حياتي تقلابات كلها فهاد السيمانة
#فلاش_باك:
من بعد ماتحط منوم على نيفي غبت عن الوعي...كان كايصحابلي صافي عمري غانعاود نفيق ولكن فقت ..اه حليت عيني على غرفة زوينة فاللون البنفسجي..كانت كبيرة بزاف وفيها أثات زوين وراقي.. شفت فحوايجي لقيت راسي مزال لابسة نفس اللبسة!! واش أسد عتقني وجابني للدار؟ ولكن هادا ماشي بيتي.. فين أنا وشنو وقع..نضت من فراشي بغيت نحل لباب كان مسدود بالساروت والشرجم حليتو لكن كان كولو داير بالشبيك والسلوكا!!! مافهمتش اش هادشي! طليت كاتبانلي الجردة والدنيا خاوية..
أنا: (كاضرب فالباب) هييييه واش كاين شي واحد هناااااا فين أنااااااااا
مجد: (حل لباب ودخل) أسماء فقتي
أنا: (راجعة باللور) نتا هنا .. لاش جبتيني هنا لاش مزال ماقتلتينيش وريحتيني من هاد العذاب ولا كاتسناني حتى نفيق باش تلذذ بعذابي
مجد: (قرب وعنقني بالجهد) أسماء آخر مرة تجبدي القتل والموت على فمك أنا جبتك هنا حيت..حيت..كانبغيك أ أسماء
أنا: (كنت كنحاول نتفك منو حتى صدمتني هضرتو) طلق مني الحمق طلق مني يسحاب ليك غانتيقك القتال
مجد: أسماء أنا ماغانبقاش قتال على ودك أنا هربت من المنظمة وهربت على ختي وخليت كلشي وجيت هنا وجبتك معايا باش نعيشو غير حنا بزوج
أنا: (بصدمة) فين حنا؟
مجد: فرنسا.. وبالضبط فباريس.. فهاد الفيلا الصغيرة اللي كريت على ودنا ..جات وسط الطبيعة باش مايصدعنا حد
أنا: كذااااب كذااااب فين سكينة وفين رجالك يالاه قتلوني وجبدو قلبي..و..
مجد: (سد فمي بيدو) لا ا أسماء قلبك بغيتو يكون ديالي بمعنى تبغيني ماشي نقتلك...مايمكنش نقتل الإنسانة اللي كانبغيها.. عمري حسيت هاد الإحساس حتى حسيتو معاك (طاح على ركابيه وكايبكي) عفاك سمحيليا كنت غانقتلك وعذبتك ولكن ديك الساعة ماكنتش فاهم اللي واقع ليا.. حتى هربتي وبعدتي عاد حسيت..عييت مانقلب عليك.. ماشي باش نديك للمنظمة لا لكن باش نهرب أنا وياك صافي أنا خليت ختي وخدمتي وبلادي وكلشي غير باش نكون معاك..من أول نهار شفتك حسيت بشي حاجة ماشي طبيعية جيهتك ... وداك النهار فالمستودع مللي طلبتي مني لماكلة وطلبتي نفكك لبيت رغبتك بلاما نفكر وخا عمرها كانت ليا.. وماكنتش باغيك تموتي ولكن راه المنظمة اللي كاتقرر.. حتى ماعرفتش كيفاش هربتي (كيضحك بحال شي حمق) عبرتي هه عبرتي عليهم كون ماهربتيش كون ماكناش دبا..هههههههه
أنا: (كانشوف فيه ومصدومة) الله أكبر هادشي اللي بقا غير يبغيني واحد قتال كايسلخ بنادم ومريض نفسي من لفوق..وجابني تال فرنسا ومطرق عليا لبيبان صافي هذا هو قبري..ولكن شنو علاقتو بأسد؟ علاش أسد داني ليه؟ شكون ديك البنت؟ مابقيت فاهمة والو
مجد: (ناض وقف) راه الدوش كاين وراه شريت ليك بزززاف دلحوايج ههه دوشي ولبسي وهانا غانجيب ليك لماكلة راه من لبارح ماكليتي
أنا: مجد.. مابغيتش نكون هنا ديني للمغرب وبعد مني عفاك
مجد: (عينيه حمارو وجا شدني من كتافي بالجهد) نتي ديالي وغاتبقاي هنا حياتك كاملة حتى نموتو بزوج فهمتي.. بلاما تحاولي تهربي حيت ماغاتقدريش..
أنا:(كانبكي) ونتا مخايفش من المنظمة ؟ سير رجع قبل مايعيقو بيك وينتاقمو منك اهئ اهئ عفاك رجع وخليني تانا نرجع لبلادي و حياتي لبسيطة
مجد: هههههههههههه الى رجعت غايقتلوني بأبشع الطرق حيت غدرتهم ودرت كارثة كبيرة....أنا وياك بزوج هاربين من المنظمة دبا..اللهم خلينا هنا حتى واحد مغايطيح علينا فهاد لبلاصة
أنا: (كانبكي) اهئ اهئ اهئ لا ماتقوليش غانبقا معاك هنا لا
مجد: (غادي فاتجاه الباب) هادا هو الواقع وخصك تقبليه حيت ماعندك حتى حل.. دوشي وبدلي هانا غانوجد الماكلة..
أنت تقرأ
حب وسط الدماء
Hororقصة مغربية تحكي عن معاناة شابة و العذاب الذي مرت به و فقدانها التقة في البشر ... بعدما تقراو القصة تعرفوا علاش
