تخوى ليا لما على وجهي وأنا نفيق مخلوعة لكن عينيا ماقادراش نفتحهم.. بديت نحلهم بشوية حتى كانلقا وجه سكينة وعينيها الزرقين مفيكسيين مع عينيا.. سكينة: تفوووو (دفلات ليا على وجهي) أنا: (مزال كانحاول نستوعب) ف..ف..فين أنا سكينة: فجهنم الكحلة هزيت عيني فيها مزيان وتأكدت أن للي كاتهضر قدامي راها سكينة.. ماهضرت مابكيت مادرت حتى شي حركة ، بقيت منزلة راسي وساكتة حيت بحال هاد الصدمات صافي ولفتهم ووليت نتوقعهم فأي لحظة صافي سنيت على راسي أنني ماعندي حياة وعمر فرحتي غاتكمل.. أكيد غانموت..حيت صافي طحت بين يدين هاد الزوج للي مابغاوش يتفرقو عليا.. اللهم نموت بهدوء بلاما نعذب راسي كثر ما أنا معذبة.. كان المكان عبارة على بيت صغير مهجور ولحيوطا ديالو من لخشب.. رجعولي ذكريات المستودع خصوصا مع أنني مربوطة بنفس الطريقة.. كتافيت بابتسامة فقط.. ابتسامة كاتحمل كل مشاعر الخوف والألم والصدمة والاحساس باقتراب النهاية.. نفس المشهد كايتعاود غير المرة لولا ماكنت فاهمة والو.. أما دبا فاهمة كلشي.. سكينة: (تكات فالأرض وكاتشوف فالسقف) من نهار تسلطتي علينا انا وخويا تقلبات حياتنا.. كان كايصحاب لينا صيدناك كضحية لكن حنا كنا هوما الضحايا.. صيفطك أسد باش تجي فطريق مجد ويجيبك عندنا للدار وحنا نضنو اننا ربحنا جثة جديدة.. خليتينا مكملين الدور وتانتي كنتي لاعبة علينا الدور ببراعة..ديناك لمستودع الموت ونهار غانقتلوك هربتي بطريقة غريبة.. أنا ومجد ماكناش فاهمين أنك دايرة يدك فيد الرئيس أسد وكاتلعبو علينا وهادشي كامل باش تهربو ختو وتخليو المنظمة تقتلنا..من بعد ماهربتي جاتني معلومات أن الزعيم الثاني للمنظمة كايقلب عليا أنا ومجد حيت كايضن بللي حنا للي خطفنا شيماء وعطيناها لأسد.. خويا كان غابر ديك الفترة ومن بعد مدة اكتاشفت أنه كان فالحبس حيت نتي دخلتيه ليه وتما حقدت عليك وقررت أنني نقتلك.. كنت هاربة من المنظمة وجيت للمغرب ..تيريت فيك بالقرطاس لكن مامتيش ومع ذلك بقيت مواعدة نفسي أنك غاطيحي غاطيحي بين يدي وهادشي للي طرا .. ليوم أنا أسعد وحدة حيت غاندمك ونتاقم منك على هاد اللعبة للي لعبتي مع كاطا وليو.. غانتاقم ليا ولخويا كانت كاتهضر وأنا غير كانسمع وكانتصدم فكل كلمة قالتها.. كيفاش هاد الأحداث للي كاتعاود وللي لا أساس لهم من الصحة واش من نيتها هادي.. واقيلة حماقت بحال خوها.. كيفاش كنت دايرة يدي مع أسد وكنت كانلعب عليهم!!!! أنا: اش كاتقولي واش حماقيتي.. هادشي للي كاتقولي كلو كذوب أنا عمري فكرت نلعب على شي واحد نتوما للي من ديما كاتعذبوني وتخرجو فطريقي.. مجد: (دخل) اوااااه.. نكري وقولي أنك ماشي نتي وأسد للي هربتو ختو من عند الزعيم ولصقتوها فيا أنا وختي أنا: (خرجت فيه عيني) كيفااااش؟؟ ياك نتا للي... مجد: (بالغوات ) سدي فمك الكلبة (قرب حدايا وغمزني بمكر) آخر مرة نسمع صوتك سكتت وبديت نفهم الفيلم كامل.. للي هو أن مجد كايكذب على ختو باش يبرأ راسو ويخليها توقف جنبو.. مجد هو للي هرب شيماء وعطاها لأسد مقابل ياخدني أنا وهرب على ختو وخلاها.. ودبا قنعها أنهم كانو بزوج ضحية خطة للي كانت من تصميمي أنا وأسد باش نطيحوهم فالفخ بزوج ونخليو الزعيم يضن أنهم هوما للي خانوه ورجعو لأسد ختو.. سكينة: (ناضت وجبدات جنوي كبير من سروالها) أنا مغانبقاش نكثر الهضرة ونرتاكب نفس الغلط الأول.. غانذبحك دبا ونرميك للكلاب يفتارسو لحمك.. بدات سكينة كاتقرب جيهتي ومجد كايشوف فيا ويبتاسم ... شداتني من شعري ووقفات ليا راسي ..صافي عرفتها غاتذبحني.. غمضت عيني وكانتسنا ديك التدويزة ديال الجنوي على عنقي.. شهدت وجاتلي فبالي ماما مسكينة للي مزال مافرحات بيا..يالاه حطات سكينة لموس على عنقي وأنا نسمع صوت طلقة ديال الرصاص... أسد: (بلغوات) كاطا لوحي لموس ولا غانعاود نتيري فيه سكينة: (كاترعد) مجد... مجد خويا اهئ اهئ اهئ أنا حليت عيني لقيت أسد واقف قدامي بلباس أسود وهاز فيدو فردي وحداه لينا وحسام وموراهم بزاف ديال الرجال.. شفت مجد للي كايتوجع بشدة الألم ديال الرصاصة للي ختارقات رجلو... سكينة: (مزال حاطة الجنوي على عنقي) غانقتلها سمعتي.. نتا وياها لعبتو عليا أنا وخويا وأنا دبا غانتاقم.. أسد: داكشي كامل للي فبالك راه غالط ا كاطا.. أسماء كانت ضحية لا أكثر وعمرها لعبات هاد اللعب الموسخ ديالنا.. سكينة: ههههههه يسحابلك خويا ماعاود ليا والو أسد: اه عارفو عاود ليك.. ولكن راه كلشي كذوب فكذوب سكينة: مايمكنش ليو يكذب عليا..هو قالي أنكم ستغليتونا باش توصلو لختك وتهربوها ومن بعد صيفطتوه للحبس.. أسد: ممممم استغليناكم... وخا.. حسام عطيني داكشي حسام: (عطاه) هاك أسد خدا شي حاجة من عند حسام للي كانظن أنه مسجل صوت.. خدمو وهو كايبتاسم.. حتى بدا الصوت كايتسمع لينا كاملين.. كان مجد كايهضر مع أسد وكايطلبو يعطيني ليه وانه فالمقابل يدير ليه للي بغا.. وأسد طلب منو يهرب ليه ختو ويجيبها ليه! مجد جاوب أنه غايدير هاد الخطوة ومن بعد غايخلي ختو ضبر راسها مع المنضمة ويهرب..من بعد أسد سد التسجيل أسد: ودبا اش كاتقول الآنسة اللطيفة كاطا فهادشي (غمزها) سكينة: (كاتشوف فمجد) مجد.. مجد غدرتيني.. مجد خنتيني ا مجد (كاتغوت) خنتييينييي حيدات ليا سكينة الموس على عنقي ومشات كاتجري جيهت مجد للي كان خايف بزاف وكايتوجع بألم الرصاصة.. شفتها حتى خشات فيه الجنوية وجبداتها وعاود خشاتها وجبداتها .. حبسات حتى تيرا ليها حسام فظهرها وهي طيح حدا مجد للي كان صافي مات.. أنا بديت نغوت لبشاعة المشهد ونتركل بالخلعة حتى جا أسد بدا يعنق فيا وكايحل ليا رباطي..شوية سمعت صوت رصاصة أخرى ماعرفتها فيمن ضربات.. بقيت كانسمع غا السقيل وأنا فحضن أسد حتى شفتو طاح عليا وترخى.. حسام: لينااااااااااا.. أنا: أ...أسد مالك.. أسد مالك ساكت جاو شي رجال هزو عليا أسد للي كان بدا كايسد عينيه وشفت موراه لينا واقفة شادة المسدس ديالو بيديها وكاترعد..حتى جاو رجال حسام (الشرطة) شدوها... تيرات فأسد الحقيرة تيرات فولد عمها وخطيبها.. عيط حسام للإسعاف للي كانو برا كانظن جابوهم معاهم من الأول.. وجا فكني.. مشيت كانفيق فأسد للي صافي سد عينيه وضهرو عمر بالدم.. أنا: أسد اهئ اهئ أسد فيييق😢😢 حسام: أسماء تهدني مغايطرى والو وخا.. جاو رجال الاسعاف هزو مجد وسكينة وأسد داوهم.. البوليس داو لينا للي مافهمتش علاش باغا تقتل أسد. وأنا ركبت مع حسام فطوموبيلتو وتبعنا الإسعاف.. عيط للدار علمهم باش يتبعونا للصبيطار... الطريق كاملة ماسكتش من لبكا وكانترعد غا بوحدي كاع هاد الأحداث دازو فصباح واحد وفرمشة عين..كنت غانتذبح مجد مات وختو هي للي قتلاتو وأسد تصاوب بالرصاص ولينا ولات مجرمة..مافهمت والو ، فعلا هادشي بزاف عليا. جالسة ومتكية على ماما..حدايا شيماء متكية على مدام سهام وكرزة غادة جاية قدامنا..كانتسناو فالمصحة شي خبار على أسد حتى جا الطبيب ومعاه حسام... سهام: (كاتبكي) قولولي اش طرا لولدي الطبيب: سي أسد ماطرا ليه والو..الرصاصة جات فكتفو و مكانتش عميقة جبدناها بسهولة وراه دبا كايرتاح .. سهام: الحمد لله يا ربي واش نقدرو نشوفوه الطبيب: دبا لا..لكن مللي يفيق تقدرو دخلو عندو.. فرحنا بهاد الخبر وبدينا نضحكو ونبكيو ونتعانقو.. خليتهم ومشيت عند حسام.. أنا: حسام اش طرا لدوك المجرمين.. حسام: مجد مات فلبلاصة.. وسكينة ماتت عاد دبا شوية هنا فالصبيطار أنا: هذا مصير للي كايدير فالناس الشر ويآذي الأبرياء حسام: وي هاهوما خداو جزائهم أنا: ولكن كيفاش هرب مجد من الحبس وكيفاش وصلو ليا حسام: هادو تفاصيل غاتعرفيهم من بعد وماشي أنا للي غانعاودهم ليك 😉 أنا: وخا شكرا بقينا جالسين تما كانتسناو أسد يفيق حتى جات عندي كرزة كرزة: (بصوت خافت) مبروك راك ديتي لباك ب 14 أنا: خبر كنت كانحلم بيه لكن مانقدرش نفرح بيه فهاد الظرف ا كرزة كرزة: وي عرفت.. دبا يفوت هادشي ويبقا غا تعاويد.. ونفرحو مزيان بهاد النجاح أنا: ان شاء الله.. حسيت بالسخفة بزاف حيت ماكنت واكلة والو زيادة على المخدر للي ضرب ليا مجد كنت غانطيح حتى جات ماما.. نجمة: أسماء بنتي نوضي يالاه للدار أنا: لا أسد ... سهام: بنتي سمعي لهضرة وسيري ترتاحي أنا: لا ولكن راه مانقدرش نخليه ثاني.. هادي المرة الثانية للي غايوصل للصبيطار بسبابي .. مانقدرش نخليه يفيق ومايلقانيش.. نجمة: ابنتي راه .....(طحت سخفت) كرزة: ها للي قالت الشوافة.. سهام: نجمة ها الشيفور غايوصلكم للدار وغانهضر مع المصحة تصيفط معاكم ممرضة.. ديها وخليها ترتاح وتاكل راه عيات بزاف نجمة: (كاتبكي) وخا وخا.. #بعد_3ساعات: نجمة: بنتي فقتي.. باش كاتحسي.. أنا: (كانحك فعيني) أسد.. اش وقع لأسد ا ماما.. واش كاندير فالدار (السيروم فيدي) نجمة: أسد ماوقع ليه والو راه فاق وصحتو مزيانة.. حنا فالدار حيت سخفتي بكثرة الضغط ولعيا وجبتك باش ترتاحي أنا: بغيت نمشي نشوفو عافاك ا ماما.. نجمة: غاتشوفيه لكن قبل خاص بنتي الزوينة دوش وتاكل أنا: وخا.. نوضاتني ماما للدوش وهي للي غسلات ليا شعري حيت طويل وعاوناتني حتى كملت .. جبدات ليا تريكو خفيف فالرمادي وسروال فضفاض فالأبيض لبستهم.. نشفات ليا شعري وخلاتو ليا مطلوق ووصاتني نبقا فبلاصتي حتى تجيب ليا الماكلة....بقيت جالسة كانفكر فأسد وكانحمد الله على سلامتنا من هاد اليوم الدموي حتى جات ماما وبدات توكلني وأنا غادايرة ليها خاطرها حيت ماعنديش حس الشهية.. كليت وساليت وبديت نشوفيها شوفات ديال التبوحيط زعمة شوفي كيديري ديني عندو .. كنت ميتة باش نشوفو أولا بغيت نطمئن عليه وثانيا حيت تواحشتو بزاااف بزاف.. نجمة: راه ظلام الحال😒 أنا: ماما عافاك 😒 نجمة: وخا يالاه نوضي.. فرحت ونضت قفزت وبديت نجر فيها.. لبسات جلابتها وبدينا هابطين فالدروج حتى سمعنا باب الدار تحل والهضرة.. شفت مدام سهام وشيماء وكرزة وحسام وأسد داخلين.. بقيت واقفة وماما خلاتني وهبطات عندهم..هزو فيا عينيهم وبتاسمو وأنا عيني غير على أسد للي لابس كيطمة فالرمادي.. شعرو هابط مخربق على وجهو وعويناتو ناعسين..بقيت حالة فيه فمي عاد ضرباتني الفيقة ماعرفت ماندير وأنا نضربها بجرية لبيتي😨 حتى دخلت وسديت عليا لباب عاد بديت نقول اويلي أنا لاش جيت هنا😨 ياك من الصباح وأنا كانطلب باش نشوفو ودبا مللي جا قدامي هربت وجيت تخشيت هنا اويييلي😂 مشيت جلست فوق ناموسيتي وكانترطا غا بوحدي.. بغيت غا ماما ولا كرزة يجيو يطلو عليا ويجيبولي التبركيكة حتى سمعت الباب تحل.. هزيت عيني بالزربة حتى كانلقا أسد واقف وشاد فالباب وكايشوف فيا... نضت وقفت وبقيت حتى أنا كانشوفيه... حتى حل يديه بحالا كايقولي اجي عندي.. بتاسمت وعينيا عمرو بالدموع ومشيت كانجري تلاحيت فحضنو بدا كايعنقني ويبوس فراسي وفحنكي ويعاود يعنق ويزير عليا.. أنا بقيت كانبكي ونتنخصص ونزير ليه على ظهرو حتى غوت.. أسد: وااااع أنا:( حيدت عليه بالزربة حيت قفزني) مالك أسد: وركتي عليا وصحيحتي غا على قد الحال (شاف فتكتفو) أنا: ناري سمحلي نسيت والله أسد: مممم واش نساك؟ 😉 أنا: (كانضور فعيني ) و..والو.. اجي اجي جلس ماتبقاش واقف أسد: لا لا ماشي ضعيف تال ديك الدرجة.. (حط يدو على حنكي) غدا مع 6 دلعشية قدام الباب اوكي أنا: كيفاش؟ أسد: تصبحي على خير (خرج وسد موراه الباب) أنا: 😨 هذا مالو.. غير خرج أسد وأنا نشد فقلبي وبديت نقيس فوجهي ونضحك.. طلعت فوق الناموسية وبديت نقز ونطير شعري ونضحك حتى تحل لباب ثاني وأنا نكرم كايصحابلي أسد رجع .. كرزة: 😒😒😒😒😒 أنا: 😓 كرزة: ايوا باز لوجهك شحال مقزدر وا بااااااااز... مالك كاتنقزي واش فيك الدودة.. راه قالوها جوج حوايج مكايعلموش أنا: دبا مالنا على هاد الهضرة كرزة: (سدات الباب) مالكي كاتنقزي غابوحدك هادي هي للي مريضة والصباح كانو غايعيدو بيها بجنوية من لوذن تال لوذن.. ودبا هاربة لبيتك اه حقا حشمانة😕 أنا: ماحشماناش كرزة: ومالك ؟ أنا: والو غا ضهشرت.. اجي نتي واش سوقك كرزة: بغيت ليك غا حبوبة فديك الطرمة هادشي للي غانقولك ا بتي ا أسماء أنا: بلاصة ماتقوليلي الحمد لله على سلامتك وتعاملي معايا زوين جالسة دعي فيا بالحبوب...هذا هو المضمون فيك ا بتي ا كرزة كرزة: شوفي أنا المحاسيس ديالي مكانبغيش نعبر عليهم .. أنا عندي سياسة القمع اوكي بب أنا: ايوا الله يعطيك غبارة كرزة: تغبرك.. المهم صافي بلا ضحك دبا.. تخلعنا عليكم بزاف ليوم وعارفاه كان نهار صعيب بالنسبة ليك.. نخليك دبا تنعسي تال غدا ونتلاقاو صافي أنا: صافي.. اجي عنقيني كرزة: هانا (عنقاتني وباستني فحنكي) يالاه هانا مشيت أنا: بون نوي 😘 تكيت ففراشي وأنا مزال كانضحك ونتفكر التعنيقة للي تعانقنا..قلبي كان كايشطح بالفرحة..وتفكرت آخر جملة قال "غدا مع 6 حدا لباب" كيفاش زعمة واش غانتلاقاو نخرجو😍 بقيت كانتخايل فشنو غانلبس وكيفاش غانتصرف وعلاش بغا يتلاقاني حتى داني النعاس.. يوم جديد وأحداث جديدة.. فقت كلي نشاط وحيوية وفقلبي فرحة كبيرة بزاف.. دخلت دوشت وخرجت لبست كيطمة فالسومو لاصقة.. جمعت شعري ديل حصان ، رشيت بارفان وهبطت لتحت نيشان للكوزينة لقيت ماما جالسة تاتشوف فشي تقدية عاد وصلات وأنا نعنقها من للور.. أنا: صبااااحو❤ نجمة: صباح الزين.. بنتي صابحة منورة أنا: بنورك يا نجيمتي نجمة: هاي هاي اشنو السبب فهاد النشاط على الصباح.. ياكما الطلعة للي طلع عندك أسد لبارح😉 أنا: (حماريت) اويلي اش كاتقولي نجمة: ايوا لبارح شفتيهم وهربتي.. قالينا أنه غايطلع عندك يشوفك.. من بعد هبط وجهو منور بحااالك دبا أنا: (احح على منور واش حتى هو فرح بحالي😍) ايوا مزيان وحنا مالنا.. المهم اش درتي للفطور نجمة: درت الفرحة مع النشاط ودردرت عليهم شوية د الحشمة مع بزاف ديال التحرميات أنا: ماااامااااا نجمة: 😂😂😂😂😂😂😂 أنا: أنا غادة نشوف كرزة خليت ماما وطلعت نشوف كرزة حيت هي للي كاتعاوني فبحال هاد المواقف (الخرجة ديال لعشية).. دخلت عليها ولقيتها ناعسة بدوبياس بحال ديما.. أنا: (كانحركها) كرزة كرزة نوضي راه خمرتي كرزة: (مغمضة عينيها) وا بعدي مني وا بعدي مني (بحالا غاتبكي😂) أنا: كااااااارااااااااااازااااااااااااااا كرزة: (ناضت جلسات) ياربي أنا اش درت فحياتي واش مانعس فخاطري ماناكل فخاطري.. لا راجل لا حب لا كوا لا خرا وزدتيها عليا بهاد خشبة جهنم واش أنا مسخوطة؟ لا أنا مسخوطة أنا: كرزة أسد عارض عليا نخرجو😍 كرزة: شوفي ابنت العبد.. يعرض عليييك يكويك يخورك... (قفزات) هااااا😨😨 عرض عليييك؟؟؟ أنا: 😒 كرزة: نااااري مك باينة غايعاود ليك كلشي نيت راه ضارني راسي من جهة لينا وسفيان وفوزية راه من لبارح مابانو فالدار.. أنا: اه كانتمنى يعاود ليا حيت حتى أنا عندي بزاف ديال التساءلات فراسي خصهم جوواب.. وهو الشخص الوحيد للي عندو جميع الأجوبة كرزة: وهو الشخص الوحيد للي غايبقا حتى يكويك اخشبة جهنم أنا: لاش كاتبدلي ل ح بل ك... غاخرجيها نيشان كرزة: هااااااااا.. هادي عجباتك الهاربة ايوا الله يعطيك غا غبارة دبا لاش جاية مفيقاني أنا: اسيري اش كايعجبني راه غير ضاحكين.. بغيت تعاونيني على ود لعشية كرزة: اللبس ودوك الأتواش؟ أنا: اه كرزة: قودي دبا راه النبوري هذا تال ورا لغدا عاد هضري أنا: ويقد الوقت؟ كرزة: واش دينمك غاتبرزي راك غير خارجة يخ أنا: ايييه يا ليام وليتي تمسحي بيا الأرض وأنا ساكتة.. مصبرني غا داك الطيران ديالك فالتصاويب دالشعر والماكياج اما كون نضت... كرزة: (قاطعاتني) ماعندكش باش تكويني غا سيري دبا خليني نعس أنا: تفو كرزة: تفو على دينمك خليت كرزة الكلبة تنعس ومشيت لبيتي جبدت لpc ودخلت نشوف نتيجتي والنقط ديالي للي عجبوني بزاف حتى عيطو عليا نفطر.. كانت غير مدام سهام وشيماء للي على الطابلة... باين أسد ناعس وحتى كرزة مزال مابغات تفيق..جلست معاهم فطرنا فجو هادئ سولوني كيبقيت من لبارح وجبدو فوزية وسفيان..على مافهمت أنهم واقفين مع لينا فالكوميسارية للي حتى هوما مزال مافاهمين علاش تيرات فأسد.. #فبيتي: أنا: ولا ولا مازويناش غاشوفي وحدة أخرى كرزة: حمقتي جد بويا هاد النهار راسي غايتفرقع أنا: واش مابانش ليك أسد شفتو مابان لا ففطور لا فغدا كرزة: لا مابانليش راه مكاينش فالدار أنا: مريض وخارج كرزة: ايوا باز.. مريض على لخروج دبا ومع 6 مغايكونش مريض أنا: صافي لميمة بلاما تبداي.. واصافي ختاريلي شي لبسة دبا.. كرزة: صبري بقات كرزة تشوف هادي وهادي وأنا جالسة وكانشوف فالساعة للي ولات 2.. كرزة: هادي.. هادي مقودة غاتجيك اللبسة كانت سروال قندريصي فالأحمر وميني بوط فالأسود عندو كم اه وكم لا وكايبري..مع صباط بلا فالأسود.. أنا: اويلي مابانت ليك غا هادي.. جبدي جبدي شي كسوة ولا شي حاجة كرزة: (كاتعيبني) مال عقلك فيه كاكا.. هو ديما كايشوفك بكسوة والسراول مزيرين ولينا تاهي ديما كاتلبس غا لكساوي قصار.. فيا مانجبد ليك كسوة ولكن بغيتك تباني مختالفة خص بنادم يضرو راسو😈 أنا: (كانشوف فاللبسة) على حسابك؟ كرزة: اه غا نوضي دبا غسلي جنابك هانا غانوجد داكشي دالشعر والماكياج نضت دوشت وخرجت عند كرزة سلمتها راسي هههه بدات ليا الشعر للي صايباتولي بوكلي سبيسيال ودازت للمكياج للي طلبت منها يكون خفيف... دارتلي كريم أساس..طراسات ليا حجباني..ايلاينر مجبببد وماسكارا وكحلات ليا عينيا من لداخل..فاراجو قهوي بارد..مع عكر أحمر ماط..خدات يدي صبغات ليا ضفاري بالأسود وضفر واحد صبغاتو أحمر.. كانت الساعة وصلات ل 4:30.. أنا: كرزة ناري مك فيا الخلعة.. كرزة: هانية تهدني اجي نتفرجو نتلفو الوقت.. جلسنا فالناموسية كانتفرجو فالpc حتى وصلات ل 5:30..نضت لبست اللبسة للي جاتني واعرة بزااف ..طلقت شعري وعاودت التعكيرة..درت حلقات ورشيت بارفان.. أنا: تيرارااااا كرزة: (كاتبوس يديها) مواح مواااح عليكم .. الابداع أنا راني ضايعة حق سيدي ربي أنا: اجي نبوسك (مواح) البطلة ديالي..خاص نزل ياك كرزة: امالكي مدودة راه مزال ماوصلات 6 نيشان راه خاص هو للي ينزل الأول ماشي نتي أنا: مانعرف واش كاين ولا لا كرزة: ضروري غايكون.. بقيت شوية حتى وصلات 6:02 حيت كرزة قاتلك المهم فوتي 6 وخا غا بدقيقة عاد هبطي.. هزيت بوشيط فالأسود وخليت كرزة للي شجعاتني باش مانتوترش...هبطت بخطوات ثابتة وخا حاسة برجلي كايترعدو الحمد لله كرزة ماعطاتنيش الطالون..كان السقيل فالدار ضورت عيني وهو يبانلي أسد واقف فالشرجم للي حدا الباب مربع يديه وكايطل.. كان لابس قاميجة فالأسود وسروال جينز فالأسود...سبرديلة بيضة وهاز فيست فيدو..أنا صافي حواليت وهادشي غا عاطيني بالضهر..تمشيت جيهتو حتى وصلت موراه وهي ضربني ريحتو الرجولية للي صطاتني.. أسد: مالابساش الطالون باش مانحصلكش مللي تحركي أنا: 😨 (اويلي هادا عاطيني بالضهر فين شافني) أسد: (ضار عندي وهو يطلعني وهبطني) زيدي ا علي بابا (شدني من كتفي وغادي جهة الباب) أنا: (فنفسي) علي بابا؟ سيري ا كرزة بغيت ليك الحكة سيري بغيت ليك غا طيارة شوهتيني هاهو شبع فيا غا ضحك ويلي وليييييلي على علي بابا (السروال قندريصي) خرجنا لبرا وجاب ليه الشيفور طوموبيلتو (الرونج كحلة) حل ليا لباب طلعت عاد ركب هو وتحركنا.. بقينا غاديين وكانشوف فيه بنص عين الصراحة بان كايحمق مصايب شعرو بطريقة زوينة وحتى اللحية مطراسيها مزيان.. عاد لابس لكحل للي كايجيه كايهبل حيت هو بيض.. أسد: شوفي نيشان لاش كاطلي عليا بنص عين أنا: (تصدمت) ها.. لا لا ماشفتش فيك غير... أسد: (قاطعني) ههه غاضحكك اححح على ضحيكة أذووووب.. بقينا غاديين حتى وقفنا قدام واحد الأوطيل..نزلنا ودخلنا ليه ومشينا ل لاسانسور.. ركبنا بزوج ووجودي معاه بوحدنا كايوترني مكانعرف كيفاش نتصرف ولا فاش نشوف.. بقيت حادرة راسي ونشوف فالصباغة وكانطلب ايمتا غايتحل الباب..بقا مطول بزاااف عاد حبس.. تصدمت مللي حبس بينا و لقيت راسي فالسطح ديال الأوطيل 😨 كان سطح عالي وكبييير بزاف وزوين...بانتلي طبلة لوسط فيها 2 كراسا..كانت مقادة زوينة وفهمت أن أسد هو للي مقادها باش نجلسو فيها.. أسد: اجي معايا.. تمشينا لكن ماشي جهة الطابلة .. مشينا لواحد الفوتوي كان فالجنب طلب مني أسد نجلس فيه وجلس حدايا وبدا يشوف فيا ويبتاسم..أنا بقيت كانضور فعيني ماعرفت ماندير..حتى صدمني مللي حط راسو على فخادي وتجبد نعس وغمض عينيه.. أنا: اش كادير😨 أسد: (مغمض عينيه) لينا مللي كانت مشات لأمريكا هي وفوزية ماعرفتش كيفاش حتى طاحت على أدلة صحيحة ضد المنظمة وبموجبها تقدر تصيفطني أنا والزعيم الثاني لحبل المشنقة نيشان..من بعد جات وجابتلي نسخة كاتهددني بيها وأنه الى مادرتش داكشي للي بغات غاتعطي لأصلية للشرطة الأمريكية...كان طلبها هو نتزوج بيها ونبغيها ونعترف بيها على أساس هي حبيبتي الوحيدة...طبعا أنا نفظل نموت ومانعيش تحت رحمة وسلطة مونيكة ديال جوج دريال😉...عاودت لحسام المشكل وطلب مني أنني ندير ليها خاطرها ونسايس معاها حتى نشوف كي ندير نطيح على دوك الأدلة...كيما شفتي قررت نسافر أنا وياها لرومانيا تحت طلبها ونيت تما نرتب أفكاري.. واحد النهار سمعتها كاتهضر فالتيليفون وكتاشفت أنها كاتهضر مع كاطا (سكينة) وكايخططو أنهم يخطفوك ويقتلوك..أنا سجلتها فيديو وانا مصدوم كيفاش صدقات كاتعرف كاطا.. المهم درت مافراسي والو وطبعا علمت حسام للي ديما معاه فتواصل حيت عرفت أنهم غايحاولو يهربو ليو (مجد)..بقيت عايش معاها كيفما بغات وانا ديما مراقبها ومركب كاميرات ومسجلات صوت عالية التكنولوجيا فكل بلاصة حتى طحت على واحد الكود ديال لبلاصة للي كاتحط فيها كل ماكايخصها.. عطيتو لحسام وخليتو يتكلف ومن بعد يومين تاصل وقال أنه لقا داك الكوفر للي فيه فلوسها وراقيها وكلشي ديالها..ومن بين هاد كلشي كان الدليل...مانقولكش ا أسماء الفرحة للي حسيت بيها ومن بعد مشيت عندها مباشرة سلختها عصا حتى بالت فسروالها وقلت ليها بللي لقيت كلشي وبللي عندي حتى الفيديو للي يقدر يصيفطها بتهمة محاولة جريمة قتل وتهريب سجين .. تما بدات تبكي عليا وقالت أنها ندمات وأنها دير للي بغيت باش نسمح ليها.. قلت ليها تعاوني نشد سكينة ومجد وداكشي للي دارت.. دارت يدها فيد سكينة باش يهربو مجد وحتى حسام لعب دور😉 وهربوه.. مهدنا ليه الطريق باش يدخل للدار بسهولة وتما خطفك وداك لديك الدار للي فالخرجة ديال لمدينة.. ولكمالة راك عارفاها.. أنا بقيت غا كانسمع ونحلل فهضرتو وعاد فهمت كاع دوك التصرفات للي كان كايدير مع لينا.. طاح ليا سؤال فبالي وسولتو أنا: علاش لينا تيرات فيك؟! أسد: كانظن أنها بغات تقتلني حيت ماستافدات والو من هادشي.. عرفاتني أنني ماعمري غانكون ليها وأننا مغانبقاوش نعاملوها كيما قبل..تجرآت عليا بزاف ولكن مزال غانوريها شغلها مزيان.. أنا: واش مكاتبغيهاش؟ بقا أسد كاشوف فيا شحال شوية وهو يبتاسم وشاف فكرشي للي عريانة.. هز راسو باسها ورجع تكا أنا ضربني ضو بقيت كارمة فبلاصتي.. أسد: (رجع غمض عينيه) كانبغيك نتي..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هادي اللبسة د أسد و هنا كان كيدرب باش يعترف لحبو ل أسماء
صدمت من هضرتو وبقيت مخرجة فيه عيني.. واش قال كايبغيني؟؟؟؟؟ ماقدرتش نتيق أسد: مالك مخرجة فيا عينيك أنا: كيفاش شفتيني ونتا ساد عينيك أسد: حافظك أنا: اش حافظ أسد: نتي واحد الكذابة... علاش داك النهار مللي سولتك قلتي مكاتبغينيش.. أنا: حيت هاديك هي الحقيقة أسد: متأكدة أنا: اه متأكدة صوت كرزة فبالي فديك اللحظة: ايوا لينعلطبنمك...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قراو داكشي لي ل تحت 😿💔
و تفاعلووووووو ناري حرام عليكم قسما بالله انا غنرمي كلشي ف دقة و نتهنا مهم شكرا بزاااف تفاعل زوين هذا 💔😿 مهم شكرا بزااااف على هاذ التعامل و اخيرا انعلطبنمن ديالكم 😁 بغيت ليك صريصرا يا اللاه 😈
