حب وسط الدماء

part 4

أنا: (بشاااااااااااااااااااخ ناري ناري على داااار هادشي كانشوفو غا فالتلفزة) صالون فالباج والقهوي تقليدي وحداه صالون عصري بلفوطويات فلكري ولكحل والضواو مجهدين بقيت غاكانشوف حتى فيقني مجد بصوتو
مجد: أسماء أجي معايا مشيت معاه ودخلنا للكوزينة كانت فيها مرا تكون عندها ديك 40 سنة كاتغسل لماعن حتى نتابهات لوجودنا
نعيمة: أهلا بولدي (وكاتشوف فيا باستغراب)
مجد: خالتي نعيمة هادي أسماء صديقتي وعندها شي مشاكل مع دارهم وجبتها للدار تبقا معانا بينما حلاتهم
نعيمة: مرحبا ببنتي
مجد: عافاك عطيها تعشا وديها لشي بيت وعطيها شي حوايج من دياول سكينة تلبسهم
نعيمة: وخا وليدي هي لولة
مجد: أسماء نخليك مع خالتي نعيمة راه غاتهلا فيك ليلة سعيدة وعتابري الدار دارك
أنا: شكرا بزاف عمري نسا خيرك
مجد: ههههه صافي ألالة حتى ترديه ليا
مشا مجد وخلاني مع نعيمة اللي علاما فهمت أنها خدامة عندهم ومجد معتابرها بحال شي وحدة من العائلة عطاتني كليت بيتزا طحت فيها عمية كليتها كاملة وشربت عصير دالليمون وساليت
نعيمة: بنتي أسما تبعيني
أنا: (أسما تاني😒) واخا .. طلعت أنا وياها للطابق الثاني اللي كان كلو بيوتا ودخلاتني لواحد لبيت اللي كان متوسط لكن بالنسبة ليا أنا كبييييير كان كلو باللون الأبيض..
نعيمة: بنتي دخلي دوشي وراه مللي غاتخرجي غاتلقايني حاطة ليك كاع اللي خاصك هنا
أنا: وخا ا خالتي الله يكتر خيرك
خرجات نعيمة وأنا دخلت للحمام اللي كان فالغرفة كان حتى هو باللون الأبيض فيه بانيو كبير وعامر بجميع مستعدات الدوش عمرتو بالما دااافي وباندوش وحيدت جلابتي وحوايجي وطلقت شعري وتخشيت فيه وبقيت مغمضة عينيا وكانقول واش أنا غير كانحلم؟ واش بصح درت هاد الخطوة وهربت؟ شكون مجد؟ وشنو مزال كايتسناني؟ بقيت كانتخبط فأفكاري وشوية نضت غسلت شعري ودرت الصابون وتشللت..لقيت فوطة لويتها عليا وخرجت لقيت فوق الناموسية بيجامة سخونة وملابس داخلية جداد كانو فالأسود والبيجامة كانت عبارة على سروال أسود ولفوقي دايالها غوز مغلوق وفيها قطيطة كحلة لوسط..لبستهم وعجبني راسي أول مرة نلبس شي حاجة زوينة وجديدة ومتناسقة.. لقيتها حاطة ليا سوشوار باش نشف شعري نشفتو وتخشيت فالناموسية اللي كانت رطبة ومريحة تغطيت واستسلمت للنوم.
فقت مفزوعة كانقلب على الساعة باش نشوف واش 6 باش نوض نخمل الدار لرقية حتى بديت نضور عيني ونستوعب أنني فدار مجد الدري اللي حماني لبارح من البرد والجوع والتشرد فقت فرحانة وخرجت للبالكون االلي كان كايطل على الجريدة بقيت كانتمنضر ومامتيقاش أنني هنا وا شوف الناس فين عايشين وأنا أيامي كلها دوزتها مع مي رقية فديك لحفرة وفالتالي قاتلك بغات تزوجني ب با منصور مول صايكوك ولااااااااهيلة
مجد: ههههههههههههههه وايلي على صايكوك
تصدمت بقيت قارمة فبلاصتي وكانطلب الله نكون غاكانحلم اويلي على شوهتي أنا لبارح قلت ليه راجل كبير وصافي ماشي مول صايكوك .. ضرت نشوف فيه لقيتو كايضحك وأنا نخنزر حتى جمعها
مجد: احم سمحيلي راه جيت نطل عليك قبل مانمشي للخدمة ونشوف واش ناقصاك شي حاجة
أنا: 😒 اه ماشي مشكل أنا لاباس وماناقصني والو.. فاش خدام؟
مجد: أنا طبيب
أنا: (مي رقية هانا ففيلا ومع طبيب😍) اااه مزيان الله يعاونك المهم أنا غانلبس حوايجي ونمشي شكرا بزاف على لبارح
مجد: (مستحيييل نخليك تخرجي من هنا) لا لا مايمكنش نخليك تمشي نتي غاتبقاي هنا حتى نقلب ليك على خدمة وعلى فين تسكني
أنا: لا ولكن...
مجد: مكاين ما ولكن هدرتي هاني قلتها (قرب ليا حدا ودني وأنا جامدة فبلاصتي) وراه ماغاتمشي حتى تردي ليا لمعروف ديالي (غمزة) وخرج وسد لباب
أنا: اويلي اش عندي مانرد ليه هذا شكايقول ياكما..😨 لا لا لا مبايناش عليه من داك النوع وهاد الزين كامل غاتكون لمخيرة ديالو عاد يتورط معايا أنا فقضية اغتصاب هههه
نضت دخلت للدوش غسلت وجهي ورجعت جلست فوق الناموسية جاني لملل حيت ختكم وجه القهرة تواحشت التسياق ولعجينة بقيت جالسة حتى جاء الفرج ههه زعما خالتي نعيمة
نعيمة: صباح النور بنتي..حطات حدايا بلاطو فيه البيض والفرماج ولشكلاط وعصير ولكريب وخبز بحال هاداك اللي فالأفلام
أنا: الله يخلف عليك ا خالتي
نعيمة: الله يخلف على وليدي مجد أما أنا غاكنتسخر
أنا: خالتي عاوديلي على مجد...
نعيمة: اش غانقولك ا بنتي ولدي مجد يالاه كان عيد ميلادو هادي سيمانة دار 27 سنة الله يطول فعمرو هو ولد هادئ وضريف مع كاع الناس وكايبغي لخير وشحال من مرة جاب المرضى ديالو لهاد لبيت نيت اللي نتي فيه وكايتهلا فيهم حتى يبراو ويمشيو فرحانين عايش هنا مع ختو سكينة أما ماماه وباباه فسويسرا وخطيبتو شدى كاتجي عندو مرة مرة توانس معهم وحتى هي طبيبة معاه فنفس المستشفى
اححح ماعرفت علاش غرت من هاد شدى حيت قالتلي خطيبتو ولكن علاش غانغير هو كايشفق عليا بحالي بحال المرضى ديالو ولاش نغير من البنت؟ السيدة طبيبة بحالو أما أنا شنو ؟
نعيمة: امالك ابنيتي ساهية فاش كاتفكري؟
أنا: آآ لا لا والو اخالتي نعيمة أنا معاك
نعيمة: ايوة يابنيتي راه عاود ليا ولدي مجد قصتك والله ايلا بقيتي فيا وعزيتي عليا
أنا: (عينيا غرغرو) تانتي عزيتي عليا ا خالتي نعيمة
نعيمة: يالاه ابنتي نخليك ترتاحي ونهبط لشغالي
أنا: لا لا راني مرتاحة خليني نهبط نعاونك عفاك راني قنطت بالجلسة وبغيت نتحرك
نعيمة: واخا ابنتي أسما على خاطرك يالاه نوضي
مشينا أنا ونعيمة للكوزينة ولكن ماكاتخليني ندير والو غير لحتيت وعاطياني نقي ليها لخضرة حتى بانت ليا بنت تكون كبر مني بشي عامين داخلة كاتلعب بالسوارت وكاتغني
سكينة: (باستغراب وهي كاتشوف فيا) طاتي نعيمة صباح النور ، شكون هادي واش خدامة جديدة؟
نعيمة: لا ابنتي هادي صديقة ولدي مجد جابها لبارح تبقا معانا حيت عندها شي ظروف خايبة
سكينة: مممم مزيان ولكن علاش لابسة ليا بيجامتي؟
نعيمة: أنا اللي عطيتها ليها أبنتي حيت مكان عندها ماتلبس
سكينة حطات السوارت اللي فيديها وتمات جاية جيهتي وحيدات ليا الموس اللي كنت كانقي بيه لخضرة وحطاتو على عنقي وكاتشوف فيا شوفات كايخلعو
سكينة: ممممممم حبيبة لبستي حوايجي بلاما تشاوري معايا
أنا بديت نترعد اويلي اش هادشي ياربي واش هادي باغا دبحني على بيجامة بقيت كانشوف فيها والدموع نازلين بلا حركة
سكينة: ههههههههههههههههههه ناري ياخالتي نعيمة شو وجهها مسكينة كي ولا
نعيمة: باز ليك عندك 22 عام ومزال مابغيتي تحيدي منك هاد الضحك لباسل كنتي غاتقتلي البنت بالخلعة
وقفاتني سكينة من الكرسي اللي جالسة فيه وعنقاتي
سكينة: سمحيليا بزاف اختي والله حتى غاضحكت معاك
أنا:( والدموع فعيني وكانبتاسم) هه لا لا هانية خودي راحتك
سكينة بنت زوينة كاتشبه لمجد بزاف شعرها زعر وقصير وعينيها بحال لون السما بيضة بزاف وفورمتها متوسطة وزوينة وهي قصر مني شوية ولابسة لبس معري شوية وخا البرد
سكينة: اجي شنو سميتك بعدا؟
أنا: أسماء
سكينة: وانا سكينة..أنا أخت مجد الصغيرة و الوحيدة.. ودبا أجي تبعيني
جراتي من يدي وطلعاتني لبيتها اللي كان كلو فاللون الأحمر وفيه شي تصاور ديال بنات فيهم الدم خارج من فمهم ولكن بشكل زوين
سكينة: ههههه مالكي ياكما خلعوك التصاور هههه ماديش عليا راه كانموت فهاد الأفلام وكانحماق على اللون الأحمر
أنا: لا ماخلعونيش بيتك زوين تبارك الله
سكينة: الله يبارك فيك ودبا غاتلبسي هاد لحوايج باش نخرجو
أنا: فين غانمشيو؟
سكينة: واااع والبسي وسكتينا ا صاحبتي
عطاتني سروال جينز رمادي طاي هوت مقطع من الركابي وشوميز قصيرة فلبيض وكويرة كحلة قصيرة وسبرديلة فلبيض.. الصراحة عمري لبست هاد اللبس كانشوفو غا فالزنقة وفالأفلام ..لبست داكشي اللي عطاطتي وخليت شعري مطلوق..
سكينة: يااااي طايتك واااعرة ا صاحبتي واش كاديري سبور
أنا: ههههه لا اختي السبور ديالي هو الشقا والتخمال
سكينة: طايتك واعرة ولكن خصك تبقاي تلعبي السبور راه مزيان للقلب والدورة الدموية
أنا: (ياويلي تي مال هادي محمقها غا الدم) اه ان شاء الله غانبدا نديرو
تسنيت سكينة لبسات كسوة قصير فلكحل وليبا كحلين وصباط كاط فلكحل ومونطو قصير فالأحمر شعرها خلاتو مطلوق ودارت عكر أحمر أما أنا فامدرتش حس الماكياج..نزلنا بزوج وخرجنا ركبنا فطوموبيلتها اللي حتى هي كانت حمرة هههه وديمارات.. بقينا غاديين مسافة حتى وصلنا لبلاصة عامرة وحدا لبحر
سكينة: تيرارا كيجيتك
أنا: فين حنا؟
سكينة: 😨 اويلي على فين حنا؟ من نيتك؟
أنا: اه علاش
سكينة: (اويلي خلاها مجد خبيزة مغمضة وبزاف كاع..) حنا فMorocco Mall احبيبة واش نتي ماشي بنت كازا
أنا: (حسيت بالإحراج ولحكرة) لا بنت كازا ولكن كنت غير كانسمع بيه عمري جيت ليه
سكينة: ماشي مشكل هاحنا جينا ليه ليوما يالاه زيدي زيدي..
دخلنا للمول وسكينة غاجاراني ندخلو هنا وهنا وتقيس وتعطيني نقيس وأنا غا حالة فمي ماكرهتش نشري كلشي حيت أنا كنت محرومة من لحوايج
سكينة: دخلي دخلي قيسي هاد لكسوة نااااري غاتجي معاك هي هاديك
أنا: هههه اوكي.. عطاتني كسوة طويلة ولاسقة بلا كمام فالأزرق ملكي وطلبات مني نقيسها..
سكينة: ألو ألو راه كانت معايا أسماء عليها مجاوبتش..وي وي هانا كاندير داكشي اللي طلبتي مني كون هاني غانشري ليها اللي بغات يالاه قطع دبا من بعد ونهدرو
قيست لكسوة وبقيت كانشوف شكلي فلمراية ولاهيلا كنت محرومة وبزاف ..خرجت عند سكينة
سكينة: وااااااااااو جيتي قرطاسة ا صاحبتي صافي قولي ليهم يجمعوها ليك.. كملنا نهارنا من محال لمحال ماخلات شرات كساوي سراول صبابط بيجامات وحتى الماكياج ومستحضرات ديال لعناية بالشعر المهم تهلات فيا من بعد دزنا لماكدو اللي فعين الدياب ناكلو وسولاتني سكينة على حياتي وعاودت ليها كلشي وتأثرات بزاف ولكن الحاجة الوحيدة اللي بغيت نعرف هي علاش دارت معايا هكا وخسرات عليا هاد لفلوس كاملين واش كاع هادا زهر عندي طحت فهاد 2 دالناس كايتهلاو فيا واش مزال الناس بحال هادو قلبهم بيض وكايعاونو الناس ضعاف بحالي ..فيقاتني سكنية من أفكاري
سكينة: سمسومة واش عجبك الحال ليوم؟
أنا: بزاف ا ختي شكرا بزززاف على هادشي اللي كاديري معايا خيرك نتي ومجد عمري نساه فحياتي
سكينة: ههههههه ايوة صافي حتى ترديه ان شاء الله
أنا: ههههه الله ياختي واش عندي مانرد
سكينة: (عندك بزاف) ويلي الله يعطيك الدل غا كانضحك يا لحمقة غادعي معايا نلقا شي فارس الأحلام متيتز
أنا: تستاهلي ماكتر والله نتي فنيونة وأكيد راجلك غايكون بحالك
سكينة: ان شاء الله ا حبيبتي ويالاه نوضي راه تعطلنا ومجد غايكون جا وبقا بوحدو
انا: اوكي يلاه .. نضت وعنقتها من قلبي حسيت براسي ولات عندي ختي وصاحبتي اللي عمري كسابيتهم فحياتي.. توجهنا للطوموبيل ركبنا وكسيرات سوكا حتال لفيلا..
وصلنا ودخلنا كانضحكو بالجهد
مجد: هاي هاي هاي دغيا وليتو صحابات أسماء راك عفريتة دغيا كسبتي ختي
سكينة: ناري ا مجد أحسن حاجة درتي فحياتك هي جبتي أسماء تبقا معانا وليت كانحماق عليها من النهار اللول
أنا: مجد لباس عليك كي دوزتي نهارك.. سكينة راه وليت حاسباها ختي وخا يالاه عرفتها ليوم
مجد: مزيان ا لالياتي مبروك عليكم الصداقة الجديدة وأنا نبقا وحداني مسكين
سكينة: نوض الله يمسخك وشدى فين خليتيها
مجد: (باستهزاء) اودي هاديك غا تبعد مني
سكينة: علاش مالها ياكما تخاصمتو تاني
مجد: تفارقنا
سكينة: (بلغوات) اويييييييلي واش نتا حمق مال لبنت اش دارت ليك
مجد: سكينة نتي عارفاني مكانبغيهاش هي اللي ديما لاسقة فيا
سكينة: بببففف دير اللي بغيتي أنا غادة نعس تصبحو على خير
أنا ومجد: تصبحي على خير.... مجد تفارق مع خطيبتو وللي فهمت من كلامو أنه مكانش كايبغيها حسيت بشوية دلفرحة ماعرفتش علاش .. ويلي ياكما ولا كايعجبني
مجد: هيهو وا كازا وااااا مروكو مول وافين ساهية
أنا: آ اه لا هانا ماساهياش
مجد:ممم الناس والسراول تقاطع مايسحابليش راك زوينة هاكا.. تصمدت من هدرتو وحشمت
مجد: هههههه لا لا بلاما تحشمي عادي المهم واخا تجيبي ليا واحد العصير راه خلاتو ليا خالتي نعيمة فالتلاجة
أنا: اه واخا ..مشيت لكوزينة وحيدت لكويرة حيت الدار سخونة حليت الثلاجة وجبدت العصير وهزيت معاه كاس وأنا نسمع مجد قالي جيبي معاك السكر عافاك حطيت لبلاطو ومشيت نقلب على السكر بديت نقلب حتى تار انتباهي صندوق حمر وفيه بحال لطخات ديال الدم كارم ولا لونو كحل يلاه بغيت نحلو حسيت بيد جراتني حتى وقفت مللي ضرت كان مجد كايشوف فيا وهو مزال شاد فجنابي وكان قريب ليا بزاف حسيت بديه تحولات للموخرة ديالي وبدا كايتلمسني بطريقة مثيرة وهو كايشوف فيعيني شوية غمض عينيه وقرب لفمي وأنا مزال مصدومة من التصرف ديالو ومن الموقف اللي أول مرة نتحط فيه..وأنا ندفعو
أنا: نتا شنو كاتحاول دير اش هاد التصرف؟
مجد: (يمثل الإرتباك) أ أنا أسماء سمحيلي بزاف والله ماقصدت والله مانويت سمحيليا والله
أنا: بلا حتى كلمة خرجت من الكوزينة وطلعت لبيتي فهدوء والدموع محجرين فعينيا حسيت بالحكرة هه ولكن شنو نتسنا منو هو كايمكنش يدير معايا هاد الخير لله فسبيل الله و طاحت فبالي اللقطة فاش قالي دبا ترديه ولكن أنا نموت ومانفقدش كرامتي بصح ماعندي عائلة ماعندي دار ماعندي اللي يحميني ولكن عندي شرفي اللي نموت وماياخدو مني حد إلا راجلي حلالي..دخلت للبيت لقيت دوك الحوايج اللي شرينا أنا وسكينة محطوطين هزيت فوطة ودخلت للدوش دوشت وتوضيت وصليت الصلا اللي جمعت النهار كامل الله يسمح ليا لبست بيجامة اللي عبارة على سروال فضفاض فالأزرق بارد وتيشورط ديالو فالأبيض وكتابة لوسط فلون السروال مشطت شعري وخليتو على راحتو وتكيت وأنا كانفكر فتصرف مجد اللي صدمني حتى داني النعاس