حب وسط الدماء

البارت 27

أسد: ممممم وخا ها حنا غانشوفو..
ناض على رجلي وجلس..بدا كايقرب ليا وانا كانكحاز للور حتى وصلت للآخر وكنت غانطيح من على الفوتوي وهو يجرني حتى قرب وجهي لوجهو بزاف وأنفاسو بدات كاضرب فوجهي..حط جبهتو على جبهتي ونيفو على نيفي..
أسد: (فنفس الوضعية) سمحيلي عاملتك خايب ولكن ضربتك باش تكرهيني وأنا عارف أن قلبك قصاح من جيهتي وداكشي للي كنت بغيت فديك الفترة..أسماء أنا بصح كانبغيك ومن شحال هادي..من نهار جات عيني فعينك من نهار دخلتي لداري...عفويتك برائتك قوتك وشخصيتك وجمالك كلك كلك كاتعجبيني..فينما كانقرب ليك ولا كانحط شفايفي عليك كاديريلي الفرحة فقلبي...نهار جيتي بستيني فظهري كنت غانحماق حسيت بقمة النشوة والسعادة ...نتي الوحيدة للي قدرتي تحركي كل مشاعري عكس لبنات لوخرين كانو كايحركو غير ..... أسماء الى قلتي مكاتبغينيش غاتخوني احساسي وحبي ليك...صدقيني أنني غانسولك من قلبي ولآخر مرة..وكنواعدك الى كان جوابك بالنفي عمرك غاتشوفي وجهي مزال... أسماء ، كاتبغيني؟!
أنا: (بستو ففمو بوسة خفيفة) كانبغيك..(عاودت بستو) كانحماق عليك (عاودت بستو) كانموت عليك...
شد أسد وجهي بين يديه وبدا كايبوسني ففمي وأنا تجاوبت معاه..درت يدي مورا عنقو وبديت حتى أنا غادة معاه فنفس الريتم حتى السيد تمجهد وبدا كايخبل شعري بيديه من شدة حر لقبل وبدا كايلعب بيديه فصدري وكرشي وضهري..بقينا هاكاك مدة عاد بدا كايحبس شوية بشوية.. حيد فمو من فمي وباسني فجبهتي وعينيا وحناكي وعاود باس بوسة أخيرة ففمي..
أسد: مانقدرش نعبر على سعادتي فهاد اللحظة
أنا: (خشيت راسي فصدرو بالحشمة) حتى أنا
أسد: حتى نتي شنو
أنا: فرحانة
أسد: كانبغيك (باسني فشعري)
ناض أسد وقف وشد ليا فيدي ومشينا حتى وصلنا للحافة ديال السطح كان بدا يظلام الحال..وقفت وهو مورايا معنق كرشي وحاط لحيتو على كتفي العاري وكايبوس فيه...
أنا: علاش كاتبغيني
أسد: حيت ماما وصاتني نبغي لبنات الزوينات
أنا: 😒
أسد: ماعرفتش علاش...كلك أسباب تقدر تخليني نبغيك..ونتي علاش كاتبغيني؟
أنا: حيت ماما قالتلي ماتبغيش الدراري الزوينين بغي غا لخايبين
أسد: 😒
أنا: ماعرفتش علاش...كلك أسباب تقدر تخليني نبغيك ..ونتا علاش كاتبغيني🙊
أسد: هههههههههههه هاد البعلوكة هادي علاش كاتقلدي هضرتي
أنا: (كانبتاسم ونشوف فالسما) حيت كاتعجبني..
أسد: معلوم كانعجبك... واش أنا بوكوص والعينين زرقين والعضلات واللحية مطراسية ومانطيحش التيتيز😊 (البنات أسد عايق بيكم😂😂😂😂)
أنا: تا أنا عينيا رماديين والشعر طويل والفورمة و...
أسد:( حط يدو على صدري) وهادو😈
أنا: (حماريت وحيدت ليه يدو) ويلي على ماسخ
أسد: هههههههههه غا معاك
بقينا هاكاك واقفين نضحكو ونتحابو وعينينا كايلمعو بالفرحة...أنا كنت كانطير ماشي غا فرحانة وأخيرا جا هاد النهار للي كنت غاكانحلم بيه ومللي تحقق صدق حسن من الحلم بزاااف..جاو شي خدم بداو يجيبو العشا والشموع والورد كانضن أسد للي داير معاهم يجيو..حقير مخطط لكلشي..
أسد:اجي ناكلك..هاء بغيت نقول اجي ناكلو..
أنا: هههههههه وخا
مشينا للطابلة جر ليا أسد الكرسي جلست ومشا تقابل معايا وجلس..بدينا ناكلو فصمت مرة يوكلني ويبتاسم ومرة نوكلو أنا حتى سالينا..
أسد: عجبك
أنا: اه
أسد: بصحة حبيبي
أنا: حبيبي😨
أسد: اه نتي حبيبي وأنا حبيبك
أنا: قول حبيبتي اشمن حبيبي
أسد: لا نتي حبيبي
صوت كرزة فبالي بحال ديما: ايوا الليعطيك حبة ف الطرمة
أسد: حبيبي...خصني نقولك شي حاجة مهمة
أنا: قول
أسد: الدلائل للي عندي غانعطيهم للشرطة الأمريكية
أنا: كيفاش؟؟؟ واش باغي يعدموك
أسد: أسماء راه خاصني نوقف المنظمة واش بغيتي يبقاو الضحايا الأبرياء يموتو..
أنا: لا ولكن نتا...
أسد: ماتخافيش... هضرت مع بزاف دالناس واستاشرتهم فهاد الموضوع وقالو أنني الى بلغت بمنظمة كاملة واعتارفت غادي تخفف عليا العقوبة...وعاد غانحتاج الشهادة ديالك للي غاتقولي فيها أنني عتقتك من لموت وحميتك
أنا: ولكن راك غادخل للحبس
أسد: وي غاندخل...ولكن مدة قليلة مع غرامة مالية وشي اجراءات بساط
دمعو عينيا حيت خفت على أسد بزاف من هادشي للي ناوي يدير..شافني كانبكي وهو يجي حدايا وطاح على ركابيه..
أسد: أسماء راني كنت زعيم منظمة التجارة فالأعضاء البشرية..بخاطري ولا بزز كانبقا مجرم وقتال فنظر العدالة وضروري مغانتعاقب ليوم ولا غذا...اللهم نستغل هاد الأدلة ونتسمى درت يدي فيد القانون حسن مانتشد على غفلة.. وغاتعاوني حتى شهادة القانون المغربي على أنني شديت سكينة ومجد....فهمتيني؟
أنا: (مسحت دموعي وبتاسمت بزز) اه فهمت....امتا غادير هاد الخطوة؟
أسد: بعد غدا
أنا: (قلبي غايطرطق) كلشي غايكون مزيان ان شاء الله ياك؟
أسد: مدام نتي معايا...اه
ماقدرتش نزيد نصبر وأنا نطيح عليه عنقتو وبقيت كانبكي بالصوت وحتى هو معنقني وكايسكتني حتى تهدنت..
أنا: مغانتفارقوش ياك
أسد: لاء مغانتفارقش مع حبيبي
أنا: نتا هو حبيبي
أسد: بزوجنا حبيبي هههه
أنا: هههههههه
أسد: ضوري وهزي شعرك
أنا: علاش
أسد: كوني كاتسمعي الهضرة..
درت كيفما قال أسد وأنا نشوفو كايركب ليا سنسلة..مللي سدها وسالا شديتها باش نشوفها..كانت من الذهب الأبيض ومعلق فيها وجه أسد (سبع) مرصع بأحجارخفيفة وزوينة..
أنا: واااو سبع😍😍😍
أسد: هداك راه أسد للي هو أنا😉
أنا: زوينة بزاااف شكرا (بستو فحنكو)
أسد: هادي لكادو ديال النجاح.. مبروك عليك أسومتي المجتهدة
أنا: الله يبارك فيك 😍
جبد أسد شي حاجة من جيبو وعطاهالي .. كانت واحد لبراسلي ديال الرجال كحل وفيه لبوءة بالذهب الأبيض...
أسد: هاكي لبسيني هادي
أنا: لبوءة؟
أسد: اه لبوءة مرات أسد
نزلت عيني بالحشمة..حليتها ولبستها ليه فيدو جاتو زوينة بزاف هبلاتني..
أسد: عمرنا نحيدهوم وخا يطرا للي يطرا ياك
أنا: كنواعدك عمري نحيدها
أسد: كانبغيك
أنا: حتى أنا كانبغيك
ناض أسد ونوضني باش نرجعو للدار حيت تعطلنا..نزلنا فلاسانسور ثاني وكل مرة يسرق بوسة من حنكي وأنا غا كانفرنس حتى نزلنا لتحت..ركبنا فالطوموبيل وتحركنا للدار.. دخلنا ولقينا مدام سهام وشيماء وكرزة وماما جالسين فالصالون كايشربو عصير أنا غا شفتهم حشمت..
سهام: ولدي..جيتو
أسد: اه ا ماما..😊
سهام: مممم مزيان..المهم اجي معايا بغيت نهضر معاك فموضوع كايخص فوزية وولاد عمك..
أسد: اه حتى أنا بغيت نهضر معاك يالاه (غمزني ومشا)
بقيت واقفة كانبرقق فعيني...شيماء كاتشوف فيا وتبتاسم أما ماما وكرزة فكايديرو فيا شي شوفات غا الله يستر
نجمة وكرزة: 😒😒
أنا: ممم هانا غانطلع لبيتي (حنيت راسي وزدت)
دخلت لبيتي وتكيت على الباب وأنا شادة فقلبي للي كنت حاسة بيه غايطير بالفرحة باقا مقادراش نتيق أن أسد كايبغيني (شديت فالسنسلة) وأخيرا تجمعت أنا وحبيبي😍 ولكن هو بعد غذا غايقدم راسو للبوليس..ويلا حكمو عليه مدة طويلة شنو غاندير 😢😢 بقيت واقفة على نفس الوضعية حتى سمعت الدقان فالباب..
نجمة: أسماء حلي
أنا: (مسحت دموعي) هانا
نجمة: اجي جلسي... فين كنتي نتي وأسد وعلاش ماعلمتينيش أنك خارجة
أنا: مشينا تعشينا على برا.. سمحيلي راه غير مشاتلي من بالي
نجمة: كرزة معاودة ليها كلشي وأنا للي ماماك مشيت ليك من بالك..ولا مامعتابرانيش ماماك
أنا: لا ماما ماتقوليش هاكا عفاك (نفاجرت بلبكا)
نجمة: أسماء اويلي مالك راه غير كانضحك معاك ابنتي
أنا: لا ا ماما راه أصلا ضارني خاطري...حيت (عاودت ليها كلشي)
نجمة: اواه نتي كانو شادينك منظمة خطيرة بحال هادي وأسد رئيسها.. ودبا غايمشي للحبس
أنا: ماشي لخاطرو راه غير على ود ختو اماما.. ودبا راه قرر يعتارف للبوليس.. ماما راه حتى تجمعنا وغانتفارقو (تكيت عليها وكانبكي)
نجمة: راني فهمتك ا بنتي.. يكون خير ان شاء الله
#في_غرفة_سهام:
أسد: صافي هذا حل مزيان باش نبقاو معاهم زوينين... غانعطيهم حقهم ويكملو حياتهم بعاد علينا..التيقار مزيان
سهام: ولدي دير بوجهي وتنازل لبنت عمك راه فوزية وسفيان جاو يطلبو قطعو ليا فقلبي
أسد: لا ا ماما آداتني بزاف مايمكنش نسمح ليها بهاد السهولة.. المهم حتى نحل مشكلي ونشوف لينا من بعد
سهام: اشمن مشكل؟
أسد: بعد غدا غانسلم نفسي للشرطة الأمريكية
سهام: (طاحت على الناموسية) على أساس أنك رئيس المنظمة؟
أسد: اه
سهام: (كاتنذب فحناكها) اويلي واش باغي تموت واش باغي ضيع حياتك هاه واش عندك شي عقل ولا ماتكسابوش.. نتا دخل تعاقب والريوس لكبار يبقاو برا هاه
أسد: (شرح لماماه كيما شرح لأسماء) إذن ماتخافيش ودعي معايا... بغيت نحيد على كتافي هاد الذنب وقفي معايا أ ماما
سهام: (كاتمسح دموعها) عندك الحق.. الله يقويك ويعاونك ا ولدي
أسد: امين
سهام: فين كنتي نتا وأسماء
أسد: ماما أسماء غانتزوج بيها
سهام: حلف؟ ناري أحسن خبر اولدي ماتصورش شحال كنت كانتمنى نسمع من فمك هاد الكلمة.. من ديما وأنا ماكرهتش أسماء تكون مراتك
أسد: ياااك هههه عليها نهار قلت ليك نتزوج بلينا وجهك صفار😂 ماما انا كانبغي أسماء وحتى هي كاتبغيني.. وان شاء الله غير نرجع غانتزوج بيها
سهام: ان شاء الله غاترجع لينا بخير وعلى خير ...ربي معاك
أسد: يالاه نخليك..تصبحي على خير..
مشا كل واحد لبيتو وأسماء نعسات هاد الليلة فحضن ماماها للي بقات كاتواسيها فانتظار يوم جديد وأحداث جديدة...وفانتظار الوقت للي جاي شنو غايكون مخبي ليهم
#في_الصباح:
فقت مالقيتش ماما كانظن نزلات توجد لفطور..نضت من فراشي ونزلت لتحت نشرب حيت كنت عطشانة بزاف..كنت لابسة سروال بيجامة وديباغدوغ فلبيض وشعري كعكة مهملة..يالاه بغيت نحل الثلاجة وأنا نحس بشي يد تلوات على كرشي جيت نضور لقيتو أسد تاهو فايق مبهدل والشعر مخربق يالاه جيت نهضر وهو يبوسني من فمي حتى عينيا خرجو وبديت ندفع فيه..
أنا: (حيدت عليه) راه غايشوفونا
أسد: (كايقرب وجهو ودايخ بالنعاس) لاء ماسوقيش واش مانصبحش على حبيبي
كرزة: وييييييع😨
أنا: ها هي شافتنا
أسد: كرزة تواحشتي السمطة؟
كرزة: لا
أسد: إذن
كرزة: نغبر وجهي؟
أسد: voilà bb
جيت نضور لقيت غا الريح ولاهيلا ماعاوداتش معاه الهضرة...رجع بغا يبوسني لقاني تسلت من بين يديه ..
أسد: وخا عليك.. المهم هانا غانطلع نلبس حيت خصني نمشي نقاد أموري مابقاليش الوقت.. دوزي وقت زوين (باسني فحنكي) i love u
أنا: تهلا فراسك me too
مشا أسد وأنا داك لما مابغاش يتصرط ليا طلعت حتى أنا لبيتي لقيت كرزة جالسة فيه وحاضية لباب
كرزة: جيتي القحبة
أنا: صبحنا على الله ماصبحنا على فمك الموسخ
كرزة: وليتي تباوسي طاي طاي... ولبارح فين مشيتو هاه..
أنا: وخا بلاتي نعيط على أسد يجاوبك
كرزة: ها لااا😨 غاكانضحك..ختي بصحتك نعسي معاه نتي كاع غا ماتعيطيش ليه
أنا: تخافي ما تحشمي .. ندوش ونجي
كرزة: (بصوت منخفض) ممم الجنابة
أنا: مك هادي ماشي الجنابة
كرزة: وذنين ولا رادار يخ
دخلت دوشت بالزربة وخرجت لبست سروال كيطمة لاصق فالرمادي وتيشورط بيض فيه أرنب مرسوم بالرمادي..نشفات ليا كرزة شعري..درت ماسكارا فقط..نزلنا نفطرو لكن ماكانش أسد فالطابلة باين مشا قبل مايفطر..فطرنا وخرجت أنا وكرزة للجردة بقينا غاجالسين كاندوزو الوقت..بقا بالي كلو مع أسد وشنو غايكون كايدير..هاكا داز النهار كلو ملل حتال الليل كتافيت بعصير وطلعت نعس..لبست بيجامة قصيرة ودخلت لفراشي..بقيت نتفرج فاليوتيوب من تيليفوني شوية حتى جاني النعاس وأنا نغمض عيني..
أسد: (بصوت منخفض) أسماء ..أسماء
أنا: مممممم
أسد: حبيبي فيقي
حليت عيني لقيت أسد جالس حدايا وحاط يدو على شعري..كان مزال لابس حوايج لخروج باين يالاه وصل..كانت 2 دالليل
أنا: اش كادير هنا..واش عاد جيتي؟
أسد: اه راه قاديت أموري وغانتحرك مع ل5 دالصباح جيت غير نطمئن عليك ونشبع من شوفتك..
أنا: (نضت عنقتو وهو يهزني وجلسني على رجليه) أسد مغايطرا ليك والو ياك
أسد: ماعرفتش..دعي معايا يدوز كلشي مزيان...غاتبقاي على تواصل مع حسام هو يقولك امتى الحكم باش تجي تشهدي
أنا: خايفة بزاف والله
أسد: (باس ليا راسي) ماتخافيش..تيقي فيا
بقيت كانشوف فيه حتى بدينا نقربو من بعضياتنا.... لقيت شفايفي غارقين فشفايفو..حطني من رجليه على الناموسية وبقا كايبوس بكل حنية ففمي وعنقي وراسي وحناكي وكايحط يدو على صدري وكرشي.. شوية حبس وناض عليا..بقيت كانشوف فيه وتفكرت أنني غانتواحشو بزاف وهي تجيني واحد الجرأة غريبة رجعت شديتو من قميجتو وجريتو عندي...حيد لافيست ديالو ورجع نعسني وطلع فوقي.. بقينا كانتبادلو القبل حتى مابقيناش كانحسو براسنا  حليت ليه الصدايف ديال القميجة وهو كملها فالتحياد حتى بقا عريان من الفوق عضلاتو فتنوني😍 حيد ليا لبيجامة بقيت غير بدوبياس وبدا كايتحسس جسمي كامل بيديه وكانحس بأنفاسو كاتزاد هبط لصدري وجبدو من السوتيامات وبدا يبوس أنا صافي تصطيت بقيت كانلعب ليه فشعرو ونتنفس بصعوبة حتى حسيت بشي حاجة قاصحة خرجات من سروالو وأنا نعرف راسي قفرتها
أنا: أسد صافي حبس
أسد: (مزال مشغول مع صدري )
أنا: (حيدت صدري) أسد صافي
أسد: (ناض عليا بالزربة) سمحي ليا..مانويتش ن...
أنا: (الصمت)
ناض دخل للحمام وأنا لبست بيجامتي دغيا وكنت غانطرطق بالحشمة الله يعطيني لمسخ السيد كان غادي وأنا للي جبدتو..
خرج من الحمام وهو كايمسح فوجهو وشعرو بفوطة..
أسد: (بابتسامة) اجي عندي
نضت تلاحيت فحضنو وبقينا معانقين شحااال عاد تفرقنا
أسد: كانبغيك وعمري غانتخلا عليك..تقدري تفيقي ماتلقاينيش..مانبغيش هاد لعوينات ينزلو عليا شي دميعة راه مانستاهلش هههه (باسني فراسي بوسة مطولة) تهلاي فراسك بسلامة..
يالاه جيت نهضر لقيتو خرج بالزربة وسد الباب..طحت فالأرض وبقيت كانبكي حتى سخفت ونضت لفراشي عنقت لمخدة وتكيت لكن مابغاش يجيني النعاس..
#بعد_مرور_3أشهر
أنا دابا واقفة كانتسنى القاضي يعيط بسميتي على أساس أنني شاهدة..شاهدة على أن أسد ماعندوش نوايا سيئة وعتقني من لموت بين يدين المنضمة..دازت 3 أشهر ماشفتو.. فهاد المدة تهدمات منظمة الإتجار فالأعضاء البشرية بعدما طاحو أدلة صحيحة فيد الشرطة الأمريكية وبعد مساعدة أسد باش يتلقى عليهم القبض كاملين..الزعيم الثاني للمنضمة نتاحر قبل مايوصلو ليه حيت كان كايفضل لموت على أنه يطيح فيد العدالة..3 أشهر دازت جحيم وعزاء عندنا فالدار كلشي حزين وكايتسنى هاد النهار للي غاينطق فيه القاضي بالحكم على أسد..متشوقة نشوف وجهو وعينيه للي كايسحروني ماكرهتش نعنقو ونبكي ونقول ليه أن هاد 3 أشهر دازت وكأنها 3 سنين..
الرجل: (بالانجليزية) أسماء العلوي تفضلي
دخلت لقاعة الحكم وأنا يدي كايرجفو كانت مدام سهام وشيماء وكرزة تما...للحظة ، جات عيني فعينو..شعر مخربق لحية مهملة عينين مهمومين لكن كلهم قوة ..أسد!!
بقيت داخلة وكانشوف غير فيه وحتى هو مفيكسي عينيه عليا..طلعت لمنصة الشهود..أديت القسم وعطاني القاضي الإشارة باش نبدا نهضر..عاودت كلشي من نهار عرفت مجد وسكينة وكيفاش عتقني أسد من الغابة وكيفاش مجد جاب ليه ختو للي كانت مخطوفة وكيفاش حماني من بزاف دلحوايج..كانعاود ونبكي وشفت دمعة نزلات من عينين أسد  لكن رجع مسحها بالزربة ومسح على شعرو..كملت كلامي ورجعت نجلس حدا عائلتي فانتظار الاستماع لعدة أطراف وأسد حتى هو..بعد مدة طويلة سالات الجلسة وكلشي كايتسنى الحكم..
القاضي: بعد الاستماع لجميع الشهود والاطلاع على جميع الأدلة...ونظرا لتعاون المتهم مع القانون وتسليم نفسه بإرادته..ومساعدته للدولة في تهديم منظمة دموية خطيرة.. تحكم عليه المحكمة بسنة سجنا نافذا...رفعت الجلسة...
سهام: (بالغوات) ولدييييييييييييي اهئ اهئ اهئ
تصدمت صدمة قوية الدموع تحجرو فعيني ماعرفت راسي باش تبليت..كنت كانتاظر برائتو لكن القاضي حكم عليه بعام ديال الحبس..مع العلم أن عقوبتو كانت قليلة بزاف بالمقارنة مع العملاء الآخرين للي معظمهم مؤبد ولا من 30 سنة لفوق.. جاو شدوه وتمو غاديين بيه..نضت كانجري عنقتو وهو يديه فيهم المينوط..كايبوس فراسي ووجهي ودموعو هاد المرة خانوه ماقدرش يحبسهم..
أسد: أسماء..أسماء صبري عليا عفاك..أسماء كانقسم ليك أنني غانعوضك على هاد العام.. أسماء نتي مراتي..ماتنساينيش ا أحبيبي..ماتنساينيش..
أنا: (مخنوقة بلبكا) أسد قلتيلي أنك غاترجع دغيا قلتيلي مغايطرا والو علاش غايديوك مني عام.. عام ا أسد عام
أسد: غانتسناك تزوريني شي نهار..أسماء دخلي قراي عافاك وماتبقايش تبكي تهلاي فراسك وماتقهريش هاد لعوينات بالدموع..تهلاي فماما وختي..قراي ا أسماء وكوني قوية..كانبغيك بزاف..
يالاه بغيت نجاوبو جروه دوك الحراس وأنا بقيت تابعاه وكانبكي.. مدام سهام سخفات وهزوها كرزة وشيماء بالجرى للسبيطار..أما أنا فبقيت مرمية تما كانبكي وندب على مكتوبي لعوج..عام!!! عام ديال لحبس..وفأمريكا ماشي حتى حدانا..كيفاش بغاني نكون قوية اهئ اهئ..بقيت كانبكي تما حتى بردت ونضت تبعتهم للسبيطار نطمئن على مدام سهام..الله يحسن عوانها.
مشيت للمصحة باش نشوف مدام سهام للي لقيتها فاقت لكن مابغاتش تسكت لينا من لبكا..قلبها محروق على أسد للي ضربوه بعام ديال الحبس..كلنا ماتقبلناهاش وجاتنا صعيبة ولكن مكتاب الله ماعندنا مانديرو...بتنا ديك الليلة فالفيلا ديال أمريكا وفالغد مشينا زرنا أسد قبل مانرجعو للمغرب..توادعنا معاه بلبكا وهو كايمسح دموعنا ويوصينا على بعضياتنا..شحال صعيبة تخلي روحك فبلاد بعيدة وفظروف صعيبة لكن هادي هي الحياة مرة تعطيك ومرة تاخد منك..رجعنا للمغرب ، أنا ..مدام سهام.. شيماء وكرزة..حنا للي بقينا فالدار حيت فوزية وسفيان سكنو بعاد علينا وحتى لينا ماعرفنا بشحال حكمو عليها..كانت بداية الموسم الدراسي..وخا مدام سهام محطمة لكن حاولات تقويني أنا وشيماء وتكلفات أنها تسجل كل وحدة فينا فالتخصص ديالها..شيماء فمعهد الهندسة وأنا فمعهد اللغات..بصراحة مابقاتش عندي الشهية دلقراية ولكن ماما عاتباتني وقالتلي أن أسد مللي غايرجع مايبغيش يلقاني مزال فنقطة الصفر عليها قررت نبدا ونتوكل على الله..كانفيق كاناخد طوموبيلتي (ميرسيديس فالأبيض) نمشي نحضر لجميع الحصص ونرجع للدار نيشان نجلس معاهم شوية ونعاود لماما كيداز نهاري ونطلع لبيتي نرتاح..نعنق مخدة ونفكر فأسد حتى يديني النعاس..وبعد لمرات كانمشي لبيتو نبقا جالسة فيه ونبكي حتى نغفا فوق حوايجو..أيامنا كلها بحال بحال وديما عايشين نقص..ديما كانتفكروه وعمرو مشا من بالنا..
* * * * * * * * * * * * * * * * * * * * * * * نجمة: أسماء بنتي..
أنا: وي ماما هانا فالحمام بلاتي (خرجت) هانا اش كاين
نجمة: اجي معايا ضروري
أنا: نتي مزال مانعستي
نجمة: يالاه ساليت شغلي ومشيت باش نعس و...
أنا: وشنو
نجمة: وأجي معايا
تبعت ماما للي مافهمتها اش بغات توريني فهاد الليل..دخلت معاها للدار وأنا نتصدم من الديكور للي شفت😨 أسامة ناعس على السداري وناعسة حداه كرزة معنقاه....التلفازة شاعلة والضو طافي وهوما فسابع نومة..
أنا: هادو اش كايديرو بزوج
نجمة: ماعرفت..جيت دبا لقيتهم ناعسين هاكا
أنا: (مشيت حدا كرزة بالشوية) كرزة...كرزة..
كرزة: ممممم
أنا: كرزة فيقي..
فاقت كرزة كاتكسل عاد خرجات فينا عينيها مللي شافتنا كانشوفو فيها..
كرزة: لا راه...ا راه جاني النعاس و..والفيلم كان
أنا: 😒😒😒😒😒😒
ناضت شداتها بجرية معاوداتش شافت موراها عاد فاق أسامة مقلوب بالنعاس عرفنا شفناهم..حسيت بيه حتى هو تزير ودخل لبيتو بالزربة..
نجمة: فهمتي داكشي للي فهمت
أنا: غانمشي نهضر مع كرزة باش نتأكد
نجمة: وحتى أنا غانهضر مع أسامة
أنا: وخا
دخلت عند كرزة لبيتها لقيتها فلبالكون...
أنا: كرزة ممكن نهضرو
كرزة: اه
أنا: ممكن تشرحيلي ديك الوضعية للي كنتي فيها نتي وأسامة
كرزة: عادي غير كنا كانتفرجو ودانا النعاس
أنا: ومن ايمتا ونتي كاتمشي لدار ماما وأسامة ومن ايمتا ونتي كاتفرجي نتي وأسامة ومن ايمتا ونتي....
كرزة: من نهار وليت كانبغيه
أنا: كاتبغيه!!!
كرزة: اه كانبغيه وحتى هو كايبغيني
أنا: 😨😨😨😨😨😨😨😨😨😨
كرزة: جاتك عجب..ولا مانستاهلش يكون عندي حبيبي حتى أنا؟
أنا: لا لا ماشي هاكاك غير حيت عمرك بينتي ليا وعمرك عاودتي ليا
كرزة: نتي هاد المدة كاملة ونتي بعيدة علينا عايشة فعالم ااااخر فيه غير نتي وخيال أسد..
أنا: (الصمت)
كرزة: عارفاك كاتبغيه ومحروقة عليه وماكانلومكش بالعكس..
أنا: ودبا شنو ناوية نتي وأسامة
كرزة: (بخجل) قال أنه باغي يتزوجني
أنا: 😨
كرزة: مالك تصدمتي! ولا جاتك فشكل وحدة قزمة وفايتة تعرضات للإغتصاب غاتزوج؟
أنا: (مشيت عنقتها) لا لا حاشا حاشا ا كرزة عمري شفت ولا نشوف فيك هاد النظرة..نتي انسانة زوينة وقلبك بيض تستاهلي كل خير...حتى أسامة عندو إعاقة وماعمري شفتو نقص من راسو بالعكس متصالح مع نفسو بزاف..
كرزة: اه عارفة..
أنا: كرزة شفتك بحالا مابقيتيش كاتخسري الهضرة
كرزة: نتي راك لوستي خصني نحطارمك😊
أنا: هاي هااااي هاي على حب لملوك ديالي😍
كرزة: ايوا لينعلطبنمك
أنا: ههههههههههههههههههههههههه باز لأسامة مسكين
كرزة: أسامة عارف عليا كلشي وكنا صحاب قبل مانوليو حباب...عارفني مزيان كيدايرة وماعندو حتى مشكل فشخصيتي
أنا: ولاش يكون عندو علاه هو يلقا بحالك
كرزة: نو بب جامي
أنا: الثقة بشاااخ..المهم هانا غانمشي نحط عضامي تال غدا ان شاء الله
كرزة: سيري سيري
مشيت لبيتي وصونيت لماما قلت ليها شنو طاري بين أسامة وكرزة وحتى هي قالتلي أن أسامة قاليها بللي باغي يتزوج كرزة..ضحكنا بزوج وقطعت معاها...دخلت لفراشي وأنا كانفكر فهاد الزوج هههههه الله يكمل عليهم بالخير علاش لا!
#بعد_مرور_سنة:
سهام: أسماء بنتي نوضي راه الطيارة وصلات
حليت عيني بسرعة..نضت كانضور فعيني لقيت الطيارة وقفات فالمطار ديال نيو يورك...مدام سهام وكرزة وشيماء سبقوني هبطو وأنا بقيت شادة فقلبي للي غايطير..فرحة حب دموع.. كاع الأحاسيس مخلطين عليا..واش صافي وصل تاريخ خروج أسد من الحبس..عام وأنا كانتسنى هاد النهار للي وأخيرا وصل..نزلت من الطيارة وأنا لابسة ألواني المفظلة الأسود فالسروال وليبوط والرمادي فالتريكو للي مكتوب فيه love بالأبيض (الصورة👇) شعري مطلوق على راحتو ..نزلنا كلنا فرحة وشوق لرؤية أسد..لقينا الشيفور كايتسنانا وللي ماخليناهش يدينا للدار بل طلبنا منو يدينا نيشان للسجن فين كاين أسد..الطريق كلها وأنا كانتفكر كيف داز هاد العام..نجحت فيه أنا وشيماء الحمد لله بنقط مزيانين وفرحنا مدام سهام للي ديما كاتحرص على قرايتنا.. تفكرت أيضا بعض المضايقات للي كنت كانتعرض ليهم فالشارع ولا فالمعهد لكن كنت ديما كانلقا حسام فجنبي للي وصاه أسد أنه يحمينا...صراحة عمري هزيت عيني فشي رجل وخا يكون كيفما بغا يكون.... قلبي وعقلي مالكهم غير السبع ديالي..على ذكر السبع..السنسلة للي ركب ليا عمري حيدتها فمرة، ديما فعنقي..كنت فينما كانشوف فيها كاتعطيني القوة والصبر وكانحس أنه حتى هو غايكون كايشوف فالكورميط ديال اليد للي ركبت ليه.. بقيت ساهية فالطريق حتى فيقني لفران ديال الطوموبيل قدام السجن..قلبي بدا كايضرب بالجهد ورجليا كايترعدو..كانحس بالدموع فعيني .. بقينا جالسين فالطوموبيل مقابلين مع لباب وعينينا عليه..كانتسناو فوقاش يخرج منو أسد.. بقينا تما شي ساعتين مراقبين الوضع بلاما نملو حتى بان لينا لباب تحل...خرج أسد لابس قبية كحلة وداير القب على راسو..خاشي يد فجيبو ويد هاز بيها الصاك ديالو..البنية هي البنية ماتبدل فيه والو ماغلاض مارقاق...غير شافوه نزلو كايجريو لعندو.. وهو غير شافهم لاح الصاك من يدو وفتح ليهم حضنو ترماو فيه....بقاو يتعانقو ويتباكاو وهو مزير عليهم وكايبوسهم ويشوف فوجهم ويعاود يعنق..نزلت من الطوموبيل بكل هدوء ووقفت كانشوف فيهم حتى هز راسو وجات عيني فعينو..بقا واقف كايشوف فيا وحتى أنا كانشوف فيه .. شوية ماحسينا بريوسنا حتى بدينا كانجريو فاتجاه بعضياتنا و تعانقنا بالجهد حتى طحنا فالأرض...تلاصقنا ديال بصح وغير صوت دقات قلبنا هو للي كايتسمع..كانبكي ونقول مابكيت وهو مزير عليا وخاشي راسو فعنقي..بقينا هاكاك شي 3 دقايق عاد بدينا نتفارقو شوية بشوية..دار وجهي بين يديه وكايشوف فيا بعينين ذابلين..
أسد: أسماء ماتخايليش شحال كنت محتاج لهاد الحضن..تواحشك بزاف كثر من للي كاتصوري..عمري نسيتك وكنت خايف لاتنسايني..
أنا: واش كاين شي واحد كاينسى روحو راك وخا ماشي قدام عيني ولكن راك فقلبي ديما
أسد: (شاف السنسلة) شكرا حيت وفيتي بوعدك وماحيدتيهاش
أنا: (شفت فيدو) وحتى نتا ماحيدتيهاش
أسد: مزال كاتبغيني بحال الأول
أنا: وكثر
سهام: (كاتمسح دموعها) نوضو من الأرض ا دوك الباسلين ولا نجي نجبد ليكم دوك الوذنين
أنا وأسد: ههههههه (نضنا)
عاود أسد جمعنا كاملين فتعنيقة وشكرنا حيت لقانا كانتسناوه..ركبنا فالطوموبيل مجموعين ومشينا للفيلا..طلع أسد نيشان لبيتو يدوش ومدام سهام وشيماء مشاو للكوزينة يطيبو الماكلة بعدما الشيفور جاب التقدية..كرزة مشات تهضر مع أسامة فالتيليفون وأنا بقيت واقفة كانتأمل فالشرجم ونضحك غا بوحدي..كانتفكر التعنيقة العالمية للي درنا قدام الحبس..حسيت بحبو ليا مزال كيفما الأول وخا عام ماتواصلت معاه...