تقدّم نحوهم بخُطى واثبة وثابتة ، حتى وقف امامهم مباشرة وهو يحدّقهم بعينيه المُرعبة .. قذفت الرُعب فى قلب زوجته !! .. تمتم بهدؤء مترقب :
_ اهلا ياسالم امتى رجعت من السفر امال ؟
رمقه بنظرة اشمئزاز مموزجة بالإستحقار ثم هبْ واقفاً وتمتم قائلاً بامتعاض متغطرس :
_ امبارح ، مبرووك مقدرتش ابركلك على جوازك معلش بقى !
فهم ما يُلمح له بكلِماته تلك فحدقه بنظرات جامدة بدون اى تعابير وبداخله أعاصير تكسح اى شئ امامها ، نظر سالم الى رؤية وتمتم بابتسامة هادئة :
_ انا همشى ابقى اكلِمك تانى ونكمل كلامنا
تمتمت بضطراب من نظرات زوجها :
_ لو رايح عند فهد سلملى عليه ياسالم وخليه يكلِمنى
أوما لها فى عذوبة ثم رمق مصعب بنظرة تشع كره وحقد ثم غادر !! ... هتف هو من دون أن يُدير وجهه لها حتى :
_ اطلعى على الاوضة فوق واستنينى
كادت أن تجيبه فأكدّ على حديثه بصياح فى غضب أشد :
_ انا بقول الكلمة مرة وحدة ، اطلعى يلاااا
زمت شفتيها بيأس مموزج بالتوتر ثُمَ أستدارت وسارت مبتعدة عنه وهى تهمسّ لنفسها فى غيظ :
_ اطلع فوق مطلعش ليه وزى العادة اسمعلى زعقتين حلوين منه ومهما احاول أشرح كأنى بكلم حيطة لا بتسمع ولا بتفهم مش جديد عليه مهو ده مصعب طول عمره !!
فتحت باب الغرفة بعنف وسارت متجهة نحو فراشها وجلست عليه ، لم يدم كثيراً انتظارها له حتى وجدته يدلف لها ويغلق الباب فهبّت واقفة حتى تكون فى مواجهته ! ، وجدته يهتف فى نظرات مُلتهبة :
_ كان بيعمل ايه هنا سالم ؟
اجابته فى هدؤء تام :
_ جاى يشوفنى
غمغم شبه منفعلاً :
_ امممم طيب بعد كده لما ياجى يشوفك تانى يبقى السلام من بعيد مفهوم ولو اللى شُفته ده اتكرر تانى وقتها هَيكون ليا تصرف تانى
ارتفعت نبرة صوتها قليلاً وهى تقول مُندفعة :
_ فى ايه يامصعب انت كأنك مش عارف يعنى ان سالم اخويا فى الرضاعة ومتربية معاه ، بعدين هو محرم عليا يعنى لو قعدت قدامه بشعرى عادى
قبضَّ على ذراعها بشدة وهو يهمس بخِفوت مرعب :
_ لا مش عارف ياهانم وبلاش تنرفزينى ، تحطى حدود بعد كده لتعاملك معاه فاهمة ولا افهمك انا !
تمتمت فى نفاذ صبر :
_ أستغفرك ربى وأتوب إليك ، الصبر يارب من عندك .. أحط حدود إيه يامصعب بقولك محرم عليا واخويا زى فهد ايه كمان اروح احط حدود مع فهد !!
صاح بها فى إستياء :
_ فهد حاجة وده حاجة متقرنهوش بيه !
بصياح مُماثل له هتفت هى :
_ وانا مبعتبرش سالم يختلف عن فهد بالنسبالى هو وفهد واحد يامصعب
صرخ بها بصوت يُقشعر لها البدن جعلها تتراجع للوراء قليلاً :
_ متقاوحيش معايا احسلك يابنت الناس انتى عارفة المقاوحة بتجيب معايا بنتيجة عكسية اسمعى الكلام وقولى حاضر كده علشان اليوم يعدى على خير
أنت تقرأ
(( جموح أسد )) ج2 من انقضاض الاسود بقلم ندى محمود
Romance(( جموح أسد )) ج2 من انقضاض الاسود بقلم ندى محمود جروب فيس بوك : (قصص وروايات بقلمى ندى محمود) القسوة ، الحنان ، الغضب .. جميعهم مختلفين !! .. ولكن ماذا أن تجمعوا فى شخص واحد !! .. مؤكد سينتج عن اندماجهم جموح أسد ! 💚💚
