توجهت نحو المِرحاض وغسلت وجهها ثُمَ أرتدت أسدالها وغادرت غرفتها متجهة نحوهم ، وجدتهم اتخذو مجلس لهم على احد الارائك .. نظراتها المُشتعلة كانت تزداد أشتعالاً كلما ترى تلك الفتاة بجوراه ، تحركت نحوهم بخطواطٍ ثابتة حتى وقفت امامهم وهى تتمتم بإبتسامة مُزيفة :
_ السلام عليكم
رفعت نور نظرها لها وتمتمت بإبتسامة شبّه ماكرة :
_ عليكم السلام اكيد انتى مدام رؤية مش كده
رؤية بإبتسامة صفراء :
_ امممم انا .. واضح إن الشغل مهم جداً
نور بنبرة انوثية رقيقة :
_ اه الحقيقة جداً !!
ظهرت علامات الدهشة المُزيفة على وجهها وهى تحدقها بنظرات تحمل الغلْ بينما هو فكان يحملق بزوجته وهو يفهم كُل شئ تابعت رؤية بنظرات شبّه خبيثة :
_ متعرفتش بيكى صحيح
نور بنفس نبرتها السابقة :
_ اه انا نور مديرة الحسابات فى فندق لمصعب بيه فى شرم !
اماءت برأسها فى غيظ واضح ثُمّ أردفت بلؤم ظاهر وهى تتفحصها :
_ هو ده لبسك علطول كده
نظرت الى ملابسها وتمتمت بإيجاب فى إستغراب :
_ اه هو فى حاجة ولا ايه !
رؤية ببرود تام :
_ لا اصل انا مستغربة فى الشتا مش بتبردى يعنى !
نور بإبتسامة مُتصنعة :
_ لا انا بلبس جاكيت او حاجة تقيلة وكده
رؤية بسخرية واضحة :
_ اهاا جاكيت من فوق ومن تحت مفيش ، يمكن برضوا كل واحد وعلى حسب ماتعود
أشار لها مصعب بعينها فى حدة بأن تذهب رمقته بنظرة نارية وهى تتوعد له ثُمَ تمتمت بوجه واضح عليه السخط ونظرات الاشمئزاز :
_ عن أذنك !
رحلت من امامهم فهب هو واقفاً وهو يتمتم قائلاً برسمية :
_ ماشى يانور خليكى متابعة الاوضاع فى الفندق وياريت لو تحاولى تعرفى مين اللى ورا ده وانا كام يوم وهاجى شرم علشان الفندق وانا هبعتلكم مبلغ كويس تصلحوا بيها الخساير اللى حصلت وخليكى على أتصال معايا لو حصل اى حاجة
إبتسمت بدلال وأقتربت منه لتودعه بعناق شبّه حميم ، مد هو يده وصافحها بحزم فى نظرات مُخيفة ونبرة مُتصلبة :
_ مع السلامة يا انسة شرفتى
تصنعت الإبتسامة وهى تتمتم بخفوت :
_ مع السلامة !
***
طرقت مودة الباب عدة طرقات فـ أتاها صوتها يسمح لها بالدخول ، فتحت الباب ببطء ودخلت لها وجدتها تجلس على فراشها فى صمت ، أقتربت منها وجلست بجوراها وهى تهمس بخفوت مُهتم :
_ مالك يالين !؟
اجابتها بإبتسامة مُزيفة :
_ مفيش حاجة يامودة هيكون مالى يعنى !
مودة فى حدة تامة :
_ لين هو انتى كان فى حاجة بينك وبين مصعب !؟؟
أنت تقرأ
(( جموح أسد )) ج2 من انقضاض الاسود بقلم ندى محمود
Romance(( جموح أسد )) ج2 من انقضاض الاسود بقلم ندى محمود جروب فيس بوك : (قصص وروايات بقلمى ندى محمود) القسوة ، الحنان ، الغضب .. جميعهم مختلفين !! .. ولكن ماذا أن تجمعوا فى شخص واحد !! .. مؤكد سينتج عن اندماجهم جموح أسد ! 💚💚
