(( جموح أسد )) ج2 من انقضاض الاسود بقلم ندى محمود

_ الفصل الثامن عشر _

مصعب بنبرة مُتصلبة :
_ وانا موافق يارؤية بس عندى شرط

رؤية بتهكم :
_ ايه هو ؟!

اجابها بحدة قائلاً :
_ لغاية مانتطلق بشكل رسمى هتاجى تقعدى فى البيت انتى وولادى

رؤية بإيجاب :
_ موافقة .. بس ليه مترميش عليا اليمين وتخلص الموضوع بدل مانروح لمأذون ومش عارف ايه

مصعب بغضب :
_ مزاجى كده يارؤية ياتقبلى بشرطى يامفيش طلاق اصلاً ... انا هستناكى برة غيرى هدومك وجهزى شنطتك

ثُمَ أستدار وغادر الغُرفة وهو يمسح على وجهه هاتفاً بخنق :
_ أستغفر الله العظيم

وجد حياة تقف امامه وهى تتمتم بنظرات شبّه دامعة :
_ مصممة على الطلاق لسا برضوا

جلس على احد المقاعد وهتف بنبرة غير مبالية مُزيفة :
_ ايوة وانا موافق على الطلاق !

حياة بدهشة :
_ موافق ازاى يعنى يامصعب رؤية متسرعة وغبية ووحدة وحدة هتعرف غلطها انت عايز تطلقها كده بسهولة

مصعب بنظرات مُرعبة :
_ حياة انا مش طايق روحى ابعدى عن وشى السعادى

زمت شفتيها بحزن دفين ثُمّ أتخذت مقعداً بجوراه فى صمت مرير ....................

***
مودة بضيق :
_ لين انا بجد مش عايزة اتكلم معاكى اصلاً ابعدى عنى

نكزتها بكتفها فى مداعبة قائلة :
_ خلاص بقى يامودة انا ايه عرفنى أن ده هيحصل

مودة بزمجرة :
_ خلاص ايه انتى كان ممكن تحصلك حاجة فى الخبطة دى ولا الراجل ده كان ممكن يعملك حاجة ، هنا مش زى امريكا يالين هاااا امال مؤيد مش عايز يطلعك وحدك ليه علشان عارف كل حاجة .. هو لغاية دلوقتى معرفش تخيلى لو عرف هيعمل فيكى ايه هو فاهم انك وقعتى وهو مسافر وايدك اتكسرت بس

لين بإبتسامة مرحة :
_ وهو ايه اللى هيعرفه بس يادودو الا لو فى حد قاله وطبعاً الحد ده مش هيقوله طبعاً

مودة بأستهزاء :
_ واثقة من نفسك اوى ياختى ... ويااااه لما يعرف إن الهانم ركبت مع راجل العربية ووصلها هيقطم رقبتك والله !!

تمتمت لين بعفوية :
_ وفيها ايه يعنى لما يوصلنى واحد مش المهم انه محصلش حاجة وكان بس مجرد مساعدة

التقطت حذاء قدمها وهى ترفعه فى وجهه هاتفة بصياح :
_ يابت قسماً بالله هنزل عليكى بالشبشب لو ما تلميتى وايه رأيك بقى هقول لاخوكى على الكلمة دى قال فيها ايه !! وهو لازم يحصل حاجة علشان متركبيش مع حد العربية جاكى طاعون !!!

قهقهت بقوة فصاحت بها قائلة :
_ اسألى اخوكى قوليله انا كنت بعمل فيه ايه .. كنت مشرباه المر مرة دلقت عليه الشاى سخن بالقصد وليه علشان بس حاول يكلمنى ويتطاول ... صحيح بنات عايزة قطع رقابها وهقوله برضوا علشان اخليه يربيكى من جديد