ثاني يوم نفس الروتين طلعت للدوام ضليت ملتهي بالشغل صارت عندي شغلة برا الساعة بل ١٠ طلعت بسيارتي اني وصديقي صدفة مرت من كدامي نفس البنية الي شفتها البارحة ام العموو ههههه كملت طريقي كضيت شغلي ورجعت للدوام مر الاسبوع عادي راح احجيلكم بكل صراحة وما اضم عليكم البنية ام العمو عجبتني مادري ليش عجبآ لان حلوة لو لان نادرة وتنضف واني محروم من هل شي ضلت ببالي المهم قررت اسال عليها واذا طلعت خوش بنية اتقدملها والي كاتبة الله يصير ضليت يومين ادخل لطرفهم مموجودة قررت افاتح سرمد بالموضوع رحتلة للبيت بليل ورا ماتعشيت
اسامة : سرمد محتاجك بسالفة
سرمد: اي كول اسامة
اسامة : بس لتطلع هل موضوع يبقى بينة
سرمد: عيب عليك اسامة شايفني مرة واضل احجي وانقل اخبار
اسامة: هههه لا حشاك بس شوية الموضوع حساس
سرمد: امشي لك ابو الاحساس كلي وتأمر
اسامة: سرمد اني قررت اتزوج
سرمد: هلا والله واخيرآ
اسامة: اي والله مو كافي كبرت
سرمد: هلا هلا احس بيها السالفة بنية لو اني اختارلك ياها
اسامة: هههه يعني هيج وهيج
سرمد ضربني على جتفي: احجي ولك لتضم على اخوك
اسامة: ماشي تذكر قبل اسبوع تقريبآ من دزيتني علمود الشغل لبيت ابو ايسر
سرمد: اي
اسامة : اي من رحتلة شفت بنية تغسل باب بيت ابو ايسر سالتها و اضنها بت ابو ايسر
سرمد: اي ولك احجي احجي طلعهن
اسامة : ولك شطلعهن ماصار شي بس البنية حلوة ومعايزة شي شتكول انته واريد مروتك وياي تسألي عليها
سرمد: اي مو تدلل بس انته متأكد بنتة
اسامة : والله مادري بس اني كلتلها اريد رقم الوالد وهي مكالت مو والدي
سرمد: تدلل اني اتذكر قبل جم سنة جان ابو ايسر يجيب بنية ويا ايسر للدوام يبقون ساعة اقل ويرجعون هي بنتة بس عجبآ هي نفسها لو غيرها هي اني الي جنت اشوفها تسع عشر سنين هسة الي شفتها شكد تطلع
اسامة : مادري بلضبط بس تطلع بين ال١٨ وال٢١
سرمد: ماشي باجر اسألك عليها
اسامة : يلة لعد اترخص اني
سرمد: امشي لك ابو المصالح بس خلصت مصلحتك اترخص اني بات يمي اليوم
اسامة : لا والله ماكدر سرمد عندي دوام باجر وملابس يحتاجلي خليها على غير يوم
سرمد: عكبة جمعة تجي باجر يول حتى اعزم البنات هم صار هواي ممجموعين
اسامة: ان شاء الله تصبح على خير
سرمد : وانته من اهل الخير
ودعني سرمد للباب والجهال ومرتة هم طلعت للبيت نمت كعدت ثاني يوم رحت للدوام شفت سرمد ضل يبسبسلي وهل سوالف التعبانة مالتة فات ابو ايسر سلم علينة ووكف يحجي وهذا سرمد بس يضحك بدون سبب راح الرجال
اسامة: شبيك بس تضحك حتى الرجال حس عليك بيك شي
سرمد: ههههه شفت شكلك كدامة اشارة مرور تنطي الوان وبكوة تطلع اسمة كدامك ساعة عمو وساعة ابو ايسر
اسامة: اني كلب ونذل اذا جيتك بسالفة بعد
سرمد: اي تعال تعال شبيك دنشاقة شنو هل بوز الي عندك امشي لشغلك وعوف شغلتك علية
عفته ورحت لشغلي الساعة بل ١١ تقريبآ اجه سرمد مبتسم
اسامة: خير ي طير
سرمد: جبتلك ملف ابو ايسر كلة
اسامة : شلون ولك
سرمد: الذاتية بيها كل المعلومات واخوك نجر بعد من جوة الجوة اخذتة وجبتة هاك شوف
والله اني هم ماجذبت خبر فتحته وكلبت بي طلع صدك عندة ايسر٢٣ سنة وعهد ١٩ سنة يعني هية نفسها والباقي اصغر منها ومتزوج ثنين وزوجته الثانية موظفة والاولى ربة بيت وابنه ايسر يشتغل ويانة خوش
سرمد: ها ولك شكلت
اسامة : شكلت
سرمد: هذا هو اروح اسال عليها
اسامة : ان شاء الله
ماشفت سرمد بعد للمغرب ضليت اردد اسم عهد ويا اسمي لايكه اسامينة سوة عهد واسامة اسامة وعهد رحت لبيت سرمد عازم البنات طبيت الكل موجودين همة وجهالهم وزلمهم سلمت وكعدت وهنه يحضرن بلعشا صبو العشا اتعشة واباوع عليهم كل وحدة مهتمة لرجلها تفلسلة وتجيبلة المي والخبز ومداريته والجهال ثابرين الدنيا بابا وبابا وماما وماما وابن ضحى بطولي ٢٠ سنة زلمة ويريد يتزوج فتح موضوع زواجة ع العشا كلها كامت تضحك وتكلة خلي خالك يتزوج بلبداية كلتلهم ان شاء الله لو كلها صفنت علية سجى : هااا ولك اسامة خيرر
اسامة : خير شكو
سجى : راح تتزوج
كبل باوعت ل سرمد محجه شي
اسامة: منو كال
ضحى: انتة
اسامة: اني شوكت
ربى: ولجن لتلزمن اخوية حاصل فاصل
ضحى : مو هوة كال ان شاء الله
اسامة : كلت ان شاء الله شنو يعني
سجى : ههههه كل منفتح الموضوع تكول لا لا هسه صارت ان شاء الله
ابتسمت مينضم عليهن شي
كلها كامت تصفك خررررب على هل بخت كملنة عشا وكمنة نتعلل
سرمد: من رخصتكم اخذ اسامة دقايق
الكل : مرخوص ابو حمزة
طلعت ويا للحديقة
سرمد: تعال نسأل على البنية
اسامة: عهد
سرمد: هههههه شبسرعة حفضت اسمها اي عهد عهد
اسامة : شلون راح تسأل
سرمد: هسه اخابر جوارينهم علاء
خابر كدامي وفتح سبيكر ( مكبر الصوت)
سرمد: السلام عليكم ابو محمد
علاء( ابو محمد) وعليكم السلام شلونك ابو حمزة
سرمد: الحمد لله والله جايك بسالفة ي ابو محمد
علاء: كول عيوني الك
سرمد: سالمة عيونك بس اريد اسأل ابو ايسر عندة بنية
علاء: اي عندة بنات ثنين ليش خير
سرمد: خير ان شاء الله شتعرفلي عنهم
علاء : كل خير ان شاء الله بس ليش تسأل حتى اعرف اجاوبك
سرمد: والله سالفة جمع رأسيين ب الحلال ونريد وكفتك ويانة
علاء : اخوك اني مو تدلل بس اصيحلك المرة اعلم بهل سوالف ااام محمد ااام محمد
سمعته يحجي وياها ويسألها عليهم
علاء: تفضل اخوية المرة وياك
سرمد: السلام عليكم اختي
المرة ( ام محمد) : وعليكم السلام تفضل اخوية
سرمد: اختي بس عندي سؤال على بنات ابو ايسر
المرة : ياهي منهن عهد لو عزة
اشرتلة عهد عهد اشرلي اشش
سرمد: ليش جم وحدة عندة
المرة : عهد وعزة ثنين
سرمد : تعرفين اعمارهن اختي ام محمد
المرة : والله اعمارهن ممتاكدة بس ادري عزة بالاول متوسط وعهد اذا الله راد هل سنة تطلع السادس
أشرلي سرمد اشرتلة اي احجي
سرمد: اختي اذا مبيها زحمة احجيلي شتعرفين عن عهد
المرة : تدلل اخوية عهد بالسادس ادبي اصغر من محمد بسنة لان بولادتي جانت ام ايسر حامل محمد ابني ٢٠ يعني عهد ١٩ سنة خوش بنية مؤدبة ومحترمة ويمكن رسامة لان دائمآ الوان بيدها ابوها متزوج ثنين وعدها ٥ اخوان واخت وحدة امها هم خوش مرة خوش عائلة والله يا اخوية
هههههه انطتنه جريدة الصباح عليهم بس حلوو طلعت رسامة
سرمد: تسلمين اختي تعبتج وياي
المرة: ولو اخوية تدلل صدك نسيت اكوللكم ترة هية مأجلة درس وتنتضر نتيجتها
ههههههههه حتى هاي منستها سدينة الخط منها
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
