كعدت الصبح غسلت وجهي وطلعت بكفشتي لابسة دشداشة ربع ردن وقصيرة لون سمائي فاتح دخلت للمطبخ ماكو احد مشيت للاستقبال الباب مسدودة جيت افتحها سمعت صوت نسوان اصواتهن غريبة وصوت امي وياهن و عزة نزلت فرح جفلتني من وراي
عهد: تفففف جفلتيني
فرح: عليج يل زفرة شتسوين هنا
عهد: نسوان جوة منو ذني
فرح: ادخلي سأليهن
عهد: انجبي ولج اني وكفشتي
فرح: اني مرتبة اطب اسلم
دخلت فرح سلمت كامن بوسنها ويسلمن اني رحت عدلت شعري ولبست تراكسود نيلي وماروني كصيف داطلع من باب الغرفة طلعت كدامي فرح ميتة ضحك متكدر تتنفس من الضحك كلتلها شبيج متجاوب بس تضحك طلعت عزة كالت امي تريدج كتلها شتريد كالت مادري وضحكت كفختها وفتت طبيت شفت امي وام علاء جوارينة ونسوان ثنين وحدة جبيرة بالعمر ووحدة تطلع بكد ماما لو اصغر اني طبيت ولزمني تبوس المرة الجبيرة كالت اللهم صل على محمد وال محمد هنا افتهمت السالفة وربطتها ب ام علاء استللللللم جووني خطاابة بس مبينتلهم اني اعرف جيت اطلع ولزمتني المرة الصغيرة مو الجبيرة شسمج وشتدرسين ويا كلية تروحين وشكد طولج ووزنج فلستني ع الباقلا بالمختصر
-----
قررت ادز اهلي عليها ورا امتحانات الدور الثاني صدك طلعت النتائج وسرمد سأل علاء كلة اي نجحت والوالدة ودتلها هدية نجاحها فاتحت الموضوع ويا ضحى وكلت لعمتي سمية طارن من الفرحة اتفق سرمد ويا علاء وراحو اهلي لبيت علاء واني كاعد اتكلى بلدوام سالفة توديني وسالفة تجيبني ورا ٣ ساعات دكت ضحى وكفت على حيلي ضحكت وكالت تعالي للبيت عازمتك ع الغدا كلتلها فهميني كالت ماكو تعال ع الغدا خرررب بالاستغلال اخذت اجازة زمنية وطلعت اركض لبيت ضحى لكيتها عازمة خواتي وكاعدين ينتضروني
اسامة : السلام عليكم
الكل: وعليكم السلام
اسامة : اي بشري ضحى شصار
عمتي سمية: هههههههههه
اسامة : احجووو عااااد
ضحى: طلعت متزوجة وحامل ٤ اشهر
اسامة: شنوووووووو
عمتي سمية: ههههه تعال اكعد دحجيلك
اسامة: دحجي الصدك عمة متزوجة
عمتي سمية: لتبجي وجه الارملة وتعال اكعد يمي دفهمك
اسامة: منووو باجي
عمتي سمية: رحنة دكينة الباب طلعت بنية صغيرة تطلع ١٢ لو ١٣ سنة دخلتنة من شافت ام علاء وصاحت لامها وكعدنه سولفنة وحجينالها جايين نطلب ايد بتها عهد لابنة الحليوة
اسامة: اااي كملي مو انبط كلبي شنو متزوجة ويا حمل هذا
عمتي: دنطي مجال بصلتك محروكة كالت ان شاء الله دخلتلنة بنية كلش حلوة
اسامة : اي هاي عهد
عمتي: اسكت ي الغم صليت ع النبي وكلتلها يمة تعاي كعدي يمي كعدت يمي واشوفلك حلقتها بايدها
اسامة: جذذذب
عمتي: جذذذبك ابليس ان شاء الله
ضحى : والله البنية لابسة حلقة
عمتي: خلي اكمل السالفة كعدت يمي وشفت حلقتها كلتلها يمة ام ايسر مكلتيلي البنية متزوجة
ام ايسر: لا خالة ممتزوجة
عمتي: ياا ممتزوجة هياتها حلقتها يمة صار شكد متزوجة
البنية: صار ٨ اشهر وهسة حامل بل ٤
عمتي : عززززا وجمالة حامل عهد بنيتي هاي صدك لو تشاقين اشوو هاي كامت تضحك
اسامة: لييييش
عمتي: كالتلي خالة اني مو عهد اني مرت اخوها
اني لا اراديآ كلت اوووووف الحمد لله والشكر
ضحى: ههههه ها ولك اسامة تحبها
اسامة: لا شحبها منين اعرفها اصلا
عمتي: انجب ي الزفت ي ال-----
ضحى : ياصاحب الذوق الرفيع
اميرة: ليش ماما
ضحى : ولك يا اسامة تطلع هاي مرت اخوها وتطبلك بنية مفصلة تفصال من طول من عرض من صدر من ورك من شعر من عيون
عمتي: لابستلك ذاك التراكسود اليعجبك لازك لزك ع الجسم وذاك الون النيلي اليعجبك
ضحى : وبي ماروني هم
عمتي : شاده شعرها ذيل حصان على هل لون الككو اللهم صل على محمد وال محمد على جمالها
همه يحجون واني كاعد اتخيل شكلها تعوذت من ابليس
اسامة : اي طلعت عهد مو
ضحى : اي كعدتها يمي وجبتلك عليها قصة حياتها اسمعها عهد عمرها ١٩ برج القوس طولها ١٦٠ ووزنها ٥٤ وراح تطب فنون رسامتنة
اسامة: عجبتكم
ضحى: شلون متعجبنة وهيه ذوقك
اسامة: اي شكالو
عمتي: شيكولون يعني نطيناهم معلومات عنك وكالو نسأل على الولد ونردلكم خبر
اسامة: ان شاء الله
ضل تفكيري مشغول بيها اسبوع يلة خابرو على ضحى وكايلليلها يصير خير
طرت من الفرحة اتفقو ويا ضحى على الشوفة الشرعية بعد يومين صدك هل يومين مرن علية دهر
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
