كلتلها مبروك مرتي جاوبتني بصوت مرتجف الله يبارك بيك. اميرة صاحت وهيه شايلة الموبايل تصور بوسها بخدها دصوركم، والله هل بنية وردة الج هدية مني يا اميرة يا ملكة الصور يا حبيبتي هو اني شريد قربت بستها بخدها وطولت بيها صاحت صورت نداري عهد انطي ضهرج ل خالو اسامة، اني كيفت بعد اكثر ندارتلي صاحت اميرة اقترب خالو والزمها دصوركم اقتربت صدري من ضهرها فستانها مفتوح الضهر خرررب راح اموت اقتربت ولزمت خصرها كامت تصوفر اميرة وتصور واني فرحان وعايش اللحضة وكل شوية مسويتلنه موديل واني لاكيها من الله كالتلها عهد بوسي كصت خالو
عهد: ما اوصلة
اني مدري منين اجتني الجرائة ولزمت خصرها ورفعتها كدامي كلها كامت تضحك وتصوفر وتصفك وتهلهل وعهد بس ترجف رفعت عيني الها وهي نزلت عينها عليه كلتلها صرتي اطول مني ورفعت عيني باتجاه كصتي حطت ايدها على جتفي وباست كصتي نزلتها بعدني ماحليت خصرها صاحت اميرة قربها داطكلكم صورة سحبتها باتجاهي وطكت صورة لعبت بينه طوبة للصراحة اني كيفت بس اشتعلت بنار ماداتحمل قربها مني بهل منظر اعذروني صار ٣٠ سنة ملازم بنية وعزابي شتتوقعوني بست راسها وطلعت
-------
عهد
هو دخل للصالة الي كاعدين بيها النسوان وكامن يبوسنة ويباركنله اقترب مني واني مادري شبيه فلمم رعب كلبي راح يطلع من مكانه وعاصرة فستاني وايد فرح اقترب لزم جتفي رجفت باس راسي وبدة يلبس ذهب مبين علية ادبسز
خلف الكواليس( اثناء الكتابة) اسامة : اني ادبسزز
عهد: اي لعد شتوقع من واحد اول مشافني اقترب من ركبتي
اسامة : غير مرتي قابل حرام وبعدين اني محروم وانتي اول بنية اشوفها
عهد: ههه يلة حبيبي خلي اكمل
نرجع للاحداث اقترب ديلبسني الكلادة شفايفة اقتربت من ركبتي اني رجف كلبي وعضامي وكل جسمي هو ابتعد لبسنة الحلقات وبدت بت اخته تطكطك صور وتعالو هيج وسو هيج واني طابه بهدومي صارت عيني بعينة عيونة سود يخوفن وحلوات ضل يباوع بعيني استحيت ونزلت عيني وضلت اميرة هيج سوو وهيج سوو وهو لاكيها من الله النوب اميرة خاتون طلعت بسالفة بوسي راسة ادري بيبيتي وابوس راسه وهوة ماشاء الله طويل كلتلها ما اوصلة ماحسيت غير ارتفعت رجلي من الكاع باوعت عليه لازم خصري ورافعني باوع بعيوني وكال صرتي اطول مني بوسي 😳🤤😲 لزمت جتفه وبستة نزلنني باس راسي وطلع واخيرآ بدأ الدك والركص وتوزيع الكيك والشرابت اني بداخلي صح خايفة بس اكول حرامات افوت احلى ايام عمري سمعت البنات يكولن الزلم ديطلعون كلت هيه مرة بهل عمر وهوة صار رجلي شكو هل خجل اشرت ل اميرة وكلت انعل ابو الخجل يابو راح يروحن اجمل ايام حياتي الناس تتونس بكطعان مهري ويركصن واني لا جتي اميرة
اميرة: هاا
عهد: اطلب منج طلب بس متكولين لاحد
اميرة : كولي وادللي
عهد: الح حكي خالج وو كوليللة ت عااال
اميرة: هلا هلااا رايحة بس اني افهمج
والله اميرة هم ماصدكت طلعت ركض للحديقة ورا دقيقة جتي كالت دزيت الحب يصيحة كلتلها شنو كالت راح يجي بعد شتريدين
عهد: اريد تكومينة نركص لان استحي وخلي خالج يكوم وياية
اميرة: والله عجبتيني مو تدللين
رن موبايل اميرة بيدها جانت تصيح انطوو مجال للعريس ديفوت كلها وكفت ركص وتلبس شالات وتعدل نفسها فات للصالة باوع علية وابتسم خررب بس لاكالتلة اميرة اني دزيت عليه اجه وكعد بصفي كامن النسوان بس يصفكن وشحى وسجى وربى يركصن وعزة وياهن اني مرفعت راسي ماحسيت غير ايد صارت ورا ضهري رجفت الحمد لله اميرة كالت خلي يركصون العرسان وانقذتني
أنت تقرأ
عهد❤ أسامة
Literatura Femininaانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
