كوليلي منو كالج تصيحيلي نركص عهد مو
اميرة: اي كالت صيحي وكومينة نركص
اسامة: وردة اميرة هاج
انطيتها الفلوس باستني وكامت علي جاب العشا كعدنه تعشينة وكمت لغرفتي راسلتها 📱
اسامة: هلو
ورا دقيقتين جاوبت
عهد: هلوو
اسامة: شلونج
عهد: الحمد لله انته شلونك
اسامة: بخير الحمد لله ارتاحيتي
عهد: اي
اسامة : بعد عدكم ناس يمكم
عهد: لا بس كرايبنة
اسامة: اها اكدر اخابرج
عهد: ليش
اسامة: احسن من المراسلة
عهد: اوك
خابرت📞
اسامة :الو
عهد: الو
اسامة: اي احجيلي عنج شوية
عهد: شحجيلك
اسامة : كلشي شتحبين شتكرهين صديقاتج كرايبج كلشي عنج
عهد: احب الرسم والبرياني ولون الماروني والرصاصي الالوان الغامقة بشكل عام عندي هواي صديقات بس كروبي المفضل ٦ صديقات وكرايبي هواي انته بيت جدي بمحافظة ال لحضو لحضة هاا مريم لا ماريد شكرآ
سمعت وحدة بصفها هاي اسامة تحجين ويا جاوبتها عهد اشش اشش ماريد روحي
📞الو
اسامة: وياج هاي منو يمج
عهد: مريم بت خالي
اسامة : اي وين وصلنة
عهد: احجيلي عنك
اسامة: شتريدين تعرفين
عهد: كلشي
اسامة : اسألي واجاوبج
عهد: حياتك بشكل عام من ولادتك لهل يوم
اسامة: هههه بحياتي ماطاب هيج تحقيق بس يلة لازم الرجال يبرر المرتة مو
مجاوبت
مو لو مومو
عهد: اي
اسامة: اوك ماما وبابا تزوجو وجابو ضحى وسجى وربى وسرمد واني اخر شي خواتي بعمر عشرين سنة يتزوجن بس ربى طولت ل٢٢ كلهن مخلصات كليات تربية كلهن وسرمد دخل هندسة وتزوج باخر سنة من اية بت خالتي بقيت بس اني امي توفت جان عمري ١٨ سنة اخر سنة سادس علمي تأثرت بوفاتها بس وفاتها زاد اصراري اطلع هندسة رغم حزني طلعت معدل ٩٠ دخلت هندسة ابوية قرريتزوج زوجنا بنية خوش مرة ضليت كاعد وياهم ورا تسع سنين توفى والدي بسكتة قلبية رجعت مرت ابوية لبيت اهلها بحكم انو ماعدها اطفال ضليت وحدي ببيت اهلي الجبير قررنة نبيع البيت ونوزع الحصص لان جبير واني كاعد بي وحدي سرمد متمكنه حالته كام يشتري حصص خواتي وحدة ورا الخ وبعدين حصتي خلال سنة كدر يشتري البيت كله بس هواي سوة سلف اخذت حصتي واخذت البيت الي كاعد بي هسه وكضيت هاي السنتين وحدي بلبيت كل اسبوع وحده من خواتي تجي تنضفة وتطبخلي الى ان شفتج والباقي انتي تعرفي
عهد: اهاا يعني انته عايش وحدك
اسامة : اي بس منا وجاي اني وياج سوة
حسيتها استحت مجاوبت
اسامة: اي انتي احجيلي عن حياتج مثل ما اني حجيتلج عن حياتي
عهد: ماما وبابا تزوجو بعد حب دام سنتين ورفض جدي لان جانو كل واحد محافضة رغم همه كرايب ورا سنة ماما جابت ايسر وبعدها ب٣ سنوات جابتني حياتي حلوة جانت صار عمري عشر سنين بابا تزوج ماجنت ادري شنو زواج عبالي مستأجرة ببيتنه ورا سنتين بالصدفة عرفت متزوج الموضوع عادي بالنسبة الي لان ماما وافقت على زواجه من البداية من عمر ٧ سنوات احب ارسم زاد تعلقي بالرسم بالمتوسطة مدرسة الفنية شجعتني على الرسم وضليت مستمرة بالرسم تطورت موهبتي وصارت هوايتي تخرجت من الثالث دخلت ادبي لان اريد فنون درست ونجحت وقدمت على كلية الفنون وانته تعرف الباقي
اسامة: اوك شعجب قبلتي بواحد اكبر منج ب ١١ سنة
عهد: انته ليش تقدمت ل وحدة اصغر منك ب ١١ سنة
اسامة: عادي مشفت بيها غلط
عهد: اني هم مشفت بيها غلط
اسامة: خفت متوافقين سألت اميرة كالت لو بدالها ما اخذ واحد اكبر مني
عهد: كل واحد وتفكيرة
اسامة: وانتي ليش هيج تفكيرج
عهد: مادري بس احس الجبير يفهمني اكثر ويكون مسوؤل ماكدر وحدي ادير بيت باكملة
اسامة: عهد شنو رأيج بيه اول مرة شفتيني
عهد: ماجنت اعرفك اول مرة
اسامة: اي بس من شفتيني غريب نضرتج شنو جانت
عهد: مادري بس واحد رجال جبير راد رقم بابا وانطيتة ومن طلع ابتسم
اسامة: انتبهتي ل ابتسامتي
عهد: اي و
اسامة: و شنو
عهد: هيج
اسامة: ليش تضمين عليه مو كلنة صراحة من البداية
عهد: شفتك جبير وتبتسم كلت هذا ميستحي
اسامة: ههههههه ام العمو
عهد: ام العمو شنو
اسامة: انتي اول مشفتيني عمو وعمو وهسه صرتي مرتي
عهد: شمدريني قابل
اسامة: عهد خوما متندمة
عهد: على شنو
اسامة: لان تزوجتي عمو هههه
عهد: لا
اسامة : ماحسيتي بية باول لقاء والله
عهد: لا والله شفتك عادي واصلا الموضوع مابقى براسي الا البارحة سجى كالتلي شايفني بباب بيتنه كوة تذكرتك من كالت ضحى تغسلين الباب
اسامة: كوة تذكرتيني واني انشلع كلبي شهر افكر بيج
مجاوبت
اسامة: شفتج باول يوم كذلت شعرج جذبتني وفوكاها كلتيلي عمو انتبهت اني صدك جبير طبيت البيت فارغ ثاني يوم هم شفتج وضليتي ببالي وربطتج بسالفة الزواج وضليت اسأل عليج وزاد خوفي من كالو هواي رافضة زواج بس الحمد لله
مجاوبت
اسامة: ها وينج
عهد: موجودة
اسامة: شوكت نسوي العرس
عهد: اا
اسامة : اي كولي
عهد: خلي نطول بي شوية
اسامة: ليش
عهد: حتى اعرفك اكثر وتعرفني اكثر ونجهز كلشي على كيفنة وحتى تجي عطلة نص السنة والكل معطلين
اسامة: حييييل يعني بعد شكد
عهد: ثلاث شهور
اسامة: عهد هواي يطول ماعندي صبر
عهد: ماكدر اقرب الموعد لازم بنص السنة حتى عندي عطلة ١٥ يوم
اسامة: اخذي اجازة
عهد: وصديقاتي والكرايب شلون
اسامة: اووف والله الوحدة خنكتني اريدج يمي
مجاوبت اووه شحجيت اني
اسامة: اسف تماديت بالكلام بس صدك هواي تطول
عهد: هية ٣ اشهر تكضي بسرعة مثل ماكضيت سنتين وحدك
اسامة: اوووف الله كريم
عهد: خوما تندمت اذا متندم وتريد نعجل خلي ننهي من هسه
اسامة: .
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
