عهد❤ أسامة

البارت ٤٠ ( الحياة الزوجية)

ماحسيت غير اني دانهز عبالك راح اوكع لزمت بسرعة احد باس ايدي فتحت عيني اسامة شايلني ابتسم بوجهي
اسامة: اسف كعدتج
عهد: نزلني
اسامة: لا هيج مرتاح
عهد: شوكت اجيت منو فتحلك الباب
اسامة: اني فتحتها وطبيت شفتج نايمة
عهد: ها يلة نزلني
اسامة: ليش متنامين
عهد: لا شبعت نوم جوعانه اكل
اسامة: فدوة لام بطن
باس بطني وكام يدغدغني
عهد: ههههه نزل هههه نزلني
نزلني فتت للمطبخ حاط البيتزا ع الميز فتحت العلاكة جايب وياها ببسي
اني واكفة اعدلها ع الميز هو اجه وراية مد ايدة بين خصري وايد شال قطعة وحطها بحلكي
عهد: غسل وتعال
حط حنكه على جتفي
اسامة: ماما تعاي غسليلي
عهد: هههه هسه اني ماما
اسامة حضن بطني : اي واريد نونو من ماما
عهد: يالله بعد البارحة تزوجنه
اسامة: لا لا اريد هواي نونوات نترس البيت
عهد: ههههه تدلل يلة امشي اغسلك عمو
رحت غسلت وهو واكف غسل رجعنه تعشينة وكمنه
دخلت للحمام سبحت وحطيت مكياج ولبست ثوب نوم احمر طويل وفوكاه روب( عروس ) وطلعت اسامة بلحمام لفيت نفسي ببطانية وكعدت بالصالة اباوع ع التلفزيون طلعت فلم طلع اسامة
اسامة: ها حبيبتي كاعدة
عهد: مو كلت نوبة اريد اتابع فلم وياج تعال نتابع
اسامة: اي والله فتحيلي البطانية اطب وياج
عهد: امشي جيب بطانية الك وتعال
اسامة: ليش هاي مو بطانية تكفينه ثنينه
عهد: لا جيب لنفسك
اسامة : ماريد
زعل ديطلع للاستقبال
عهد: اووف تعال
اجه ع السريع
عهد: باوع من هسه داكلك متحجي شي الى ان يخلص الفلم
اسامة هز راسة بمعنى اي فتحت البطانية
اسامة: اووويلي ه
قاطعته واني الف البطانية على نفسي: شكلت اني
اسامة : اسف يلة افتحيها
عهد: ماا
اسامة: يلة حبيبتي اني رجلج
عهد: استحي وانته واحد متستحي
اسامة: تتعودين يلة عاد
كمت وكفت واني لافة نفسي كعد واني طفيت الضوة سويتها صالة سينما ذبيت البطانية داطلع
اسامة: وييين
عهد: اسوي شامية
اسامة: هلا ب رويحتي
رحت للمطبخ اسوي شامية وطلعت الكيكة حاطه فوكاها كريمة طالعة تجنن طلعت وياها عصير خلصت الشامية صبيتها ب طاسة جبيرة واخذتهن بصينية هو شافني سحب الطبلة كدامة حطيت الاكل فوكاها سحبني كعدت بصفة حضني لفينه نفسنه بالبطانية بدأ الفلم والضوة طافي بس ضوة المطبخ شوية داخل للصالة واحنه كاعدين اجواء سينما حطيت الشامية بحضني وهو حاضني ويشيل شامية يوكلني ويوكل نفسة وكل شوية باس راسي صار اعلان صبيت العصير وانطيتة كيك اكله
اسامة: امممممممم وين جنتي
عهد: ببيت اهلي
اسامة : اني اعمى ماشفتج لو اعتب على اهلج غير يكولولي عدهم هيج بنية حلوة ببيتهم عض خدي ضربته على جتفة وفركت خدي
عهد: اذيتني
خل اشوف وخر ايدي وباس خدي
اسامة: عاشت ايدج الكيك يجنن يومية اريد هيج كيكة
عهد: ههه تدلل
اسامة :شو انطيني ايدج الحلوة هاي بيا ايد سويتي الكيكة
عهد: باثنينهن ليش
لزم ايدي اصبع اصبع يبوس بيهن
عهد: بدأ الفلم
اسامة ندار للتلفزيون: تفففف هسه وكته
رجعت لحضنه وكعدت اباوع و 😪😪 اخذتني الغفوة
اسامة: عهد عهد حبيبتي
قرب راسة ودار وجهها نايمة
اسامة: انعل ابو حضي
سحب الريمون وطفة التلفزيون حضنها ونامو
كعدت الصبح نايمة ع التخم واسامة نايم وحاضني فكيت ايدة بصعوبة وكمت غسلت ولبست ثوب اصفر قصير شوية اطول من الركبة وفوكاه جاكيت تول حطيت مكياج خفيف ودخلت للمطبخ طلعت بيض طكيتهن وحطيت الجاي ع النار عدلت الميز طلعت للحديقة كطعت وردة وحطيتها بكلاص ع الميز حضرت الاكل كلة ورحت للصالة اسامة بعدة نايم كعدت كدامة بستة بخدة ماكعد ضليت العب بشعره وهو نايم سحبت ايدي من شعرة لزم ايدي ورجعها على راسة وهو مغمض
اسامة: كملي
بستة بخدة: هههه صباح الخير حبيبي
اسامة: صباح الحب والورد العبي بشعري
عهد: كوم حضرت الريوك
اسامة: ادري شتميت ريحته بس ضليت نايم انتضرج تكعديني العبي بشعري
لعبت بشعرة: يلة كوم الجاي برد
اسامة: بعدني مانسيتها
عهد: شنية
اسامة: البارحة شلون تعوفيني وتنامين
عهد: اخذتني النومة وغفيت
اسامة: سهله سهله
سحبت ايدة اكومه: يلة حبيبي كوم جوعانه
كام وكف : حضنيني داصحصح
عهد: استغلالي
حضنته اريد افك نفسي ميقبل ضل حاضني ويمشي واني ارجع ليورة وصل للمغسلة فتح الحنفية
عهد: فكني
اسامة: لا
وكف يغسل وجهة بيد والثانية لازمني نكعني مي
عهد: حلني وغسل تبللت
اسامة: لا ماكو
عهد: ماغسلت وجهك زين
اسامة: من وراج افكج بس انتي ضلي حاضنتني واني اغسل
عهد: اسامة عفية
اسامة: ماكو لعد
عهد: اوك هاي حضنتك يلة غسل
اسامة: اذا فكيتيني وانهزمتي متدرين شسوي بيج
عهد: لا والله ما افكك
حضنته هو حلني ووكف يغسل واني بس مي يوكع علية تنكعت
عهد: كملت
اسامة : لا
سحب شعري ليورا ضهري ومد راسة بركبتي رجفت وحليته وطلعت للمطبخ
اسامة صاح: مو كلت لتفكيني
مجاوبته سد الحنفية واجه واني داصب الجاي
اسامة: مو حلفتي متفكيني
عهد: حلفت الى ان تغسل بس انته 
اسامة: رجلج قابل غريب
عهد: اسفة حبيبي والله بعدني ممتعودة عليك
اسامة باس راسي: ماشي شمسوية ريوك
عهد: وراك شوف
اسامة ندار وفرك ايدة: اووويلي لو هيج صباح لو مينراد
كعد واني اصبلة الجاي
اسامة: بقى كيك من مال بارحة
عهد: اي ليش
اسامة: صبيلي
عهد: من الصبح
اسامة: اي
عهد: مو يدلل حبيبي
مديت ايدي من ورا  وبسته ورحت فتحت الثلاجه صبيتلة وكعد ياكل كعدت كبالة سحب كرسي بصفة
اسامة: تعاي هنا
ابتسمت وكعدت بصفة كل شوية يوكلني بيدة كملت وكمت هوة هم كام وكف باس بطن ايدي : عاشت ايدج حبيبي
عهد: بلعافية حبيبي
راح غسل ورجع وكف يمي استند ع السنك
اسامة: خلصتي
عهد: لا بعد
اسامة دفعني : شو شوية روحي جيبي المواعين اني اغسلهن
عهد: هههه صدك
اسامة: اي غير مرتي واساعدها لو ميصير
غسلت ايدي ورفعت نفسي على اطراف اصابعي حاوطت ركبتة وبسته
اسامة: اوووويلي هاي هيج غسل المواعين شتريدين اغسلج بس اريد هيج مكافأت هههه
عهد ضربته على جتفة: هههه مو مال عين
اسامة: يلة ع السريع
رحت جبت المواعين وهو يجلفهن واني اغسلهن رتبتهن اجه حضني من وراي
اسامة: يلة حبيبي ع السريع
عهد: شتريد
اسامة: بدلي وتحضري
عهد: وين نروح
اسامة:..

------
كل شي بالبارت على لسان البطلة مثل ماذكرت القصة حقيقية خلي يصير بيكم جفاف عاطفي مو تجون تكولون همه حياتهم الزوجية هيج
فديت متابعيني❤