عهد❤ أسامة

البارت ٤٨ ( زعلت ل بيت اهلي)

حطيت الحلويات ع الطبلة باوع بل ماعون ورجع باوعلي بعصبية شال خاشوكة وشمرها بقوة طلعت من الصالة للمطبخ كبل
عهد: شبيك حبيبي
اسامة: مو كلت بس خاشوكه وحده
عهدبابتسامة غباء: ههه والله نسيت
اسامة ضل يباوع بنضرات عصبية شلت بلخاشوكه وقربتها من حلكة
عهد: طوووط طوووط افتح ياسمسم
اسامة فتح حلكة اكلها ودفعني ع التخم وكف فوكاي
اسامة: انتي تضحكين علية
عهد: بطلت وخرر شكد مزعج
دادفعة واكوم نام فوكاي اختنكت ضربته على ضهرة
عهد: كوووم خنكتني كوم اسامة
اسامة: كافي تتزعلين
عهد: اني لو انته
اسامة: حقج والله خلي اصالحج اشوف
باسني
اسامة: مممممم طيب
عهد: انته اكلت الحلويات مو اني لتبيع بوزات براسي كوم ترة والله خنكتني وبطني توجعني
كام رجع لمكانه كعد كعدني بحضنه ياكل خاشوكة ويوكلني الى ان خلص الفلم وكمنه للغرفة ننام

كعدت الصبح بل ٦ باوعت اسامة نايم وحاضني فكيت ايدة عني مدري ليش اضوج من يحضني بطني تأذيني وكمت كعدت على بطنه
وبسته بكصته
عهد: كوووم حبيبي صباح الخير
ماكام رطعت بست كصته
عهد: يلة حبيبي
اسامة مغمض عيونه: نزلي بوستج بعد واكوم
عهد: اكثر انسان استغلالي انته
اسامة: يلة عاااد بوسة اجدي من مرتي بوسات
بستة ع السريع ديلزمني كمت ركض صاح
اسامة: خللف الله عللليج انتي مسوية عمل خير مسوية دضبطيها
رحت للحمام غسلت وطلعت لابسة البرنص لكيته بعده بلفراش ولازم الموبايل يكلب بي
عهد: بعدك هنا يلة كوم راح نتاخر
باوع علية: اااف اااف افففف ميصير تغيبين اليوم
عهد: كوووم
اسامة: قال النبي محمد صل الله عليه وسلم من عمل عملآ صالحآ فليتقنه
اقترب مني دفعته وطلعته برة وسديت الباب بدلت وطلعت علكتله المنشفة بلباب ورحت للمطبخ سويت الريوك وصبيته طلع للغرفة بدل بس البنطرون واجه للمطبخ
عهد: هاي شنو وين قميص
اسامة: خاف يتوصخ مالبسته
عهد: والفانيلة
اسامة: عفتها خانكتني
طبيت للغرفة جريت فانيلة رجعت عليه كاعد ياكل وكفت ورا وطببت الفانيلة براسة
اسامة: هاي شكو
عهد: البسها
لبسها
اسامة: لبستها بس ليش😉
عهد: كمل اكلك ادبسز
اسامة : هاي عليمن ادبسزز تعاي اشوف كام وكف من الكرسي ووكف فوك راسي دار الكرسي عليه واني كاعدة عبالك فارة يفرني فر حط ايدة على جانبي الكرسي ونزل راسة يباوع بعيوني ويبتسم
اسامة: منو الادبسز
قرب وجهة شتميت ريحة الجكاير من حلكة دفعته ماكام
عهد: وخرر
اسامة: شبيج
لزمت حلكي ودفعته وكمت ضل يباوعلي رحت للحمام 🤢🤢 افتهمتو رديت من راسي اجه وكف فوك راسي ويفرك ضهري ويسأل شبيج حبيبي غسلي وجهي وكفت صار وجهة بوجهي ريحة الجكاير موتتني فتحت المجر مال مغسلة ع السريع طلعت صابونة شكيت الجيس مالتها وشميتها
اسامة اقترب: شبيج حبيبي
عهد: اسامة لتقترب
اسامة: شكو حبيبي
عهد: شارب جكاير
اسامة عقد حاجبة: يومية مو اشرب كدامج شبيج
عهد: نفسي لعبت من ريحتها
اسامة ضاج: كولي ماريد تبوسني وفضيها بدون متفرفرين بالحجي
طلع وعافني طلعت ورا شفته بالغرفة طبيت للغرفة لكيته يلبس قميصة بس مبين عصبي اقتربت البسة الجاكيت جرة بقوة من ايدي ولبسة
عهد: والله مو مثل متفكر
وكف على المرايا رش عطر
اسامة: ميحتاج تبررين
لزم المشط يمشط شعرة اخذت من ايدة المشط رفعت نفسي على اطراف اصابعي مشطتله وهو ضايج
عهد: حبيبي والله مو قصدي
مد شفافة بمعنى بوسيني تقربت بستة هو باسني دفعته وركضت للحمام رديت من راسي غسلت رفعت راسي شفته بباب الحمام باوعلي بعصبية وفرك لحيتة بقوة وطلع لحكته ع السريع لفيت شالي شلون مجان شلت جنطتي والكتب وطلعت ورا لكيته ديفتح باب الحديقة
اقتربت منه
عهد: اسفة ح
صاح بيه: صعدي الخ...
محجيت شي صعدت السيارة هو صعد وسد الباب بقوة بحيث هزت السيارة هز طلع السيارة دانزل اسد. الباب عاط بيه كعدددي بمكاانج كعدت راح سد الباب ورجع هم ضرب الباب بقوة ساق بسرعة خفت اني واشوفة عصبي وينافخ ويضرب اصابعة بالستيرن بتوتر وكل شوية يمسح لحيته بقوة خفت منه وعليه لزمت ايدة دفعها بقوة
عهد: خفف السيارة
اسامة: ماسمع نفسس
عهد: اسامة  عفية خفف
اسامة صرخ بقوة: صررررت اسسسسسامة وين ال حبيببببببي
عهد: اسفة حبيبي والله مو قصدي
لزمت ايدة رجع دفعها
صرخت بي: اسسسسسسامة
وكف السيارة ودار وجهة علية
اسامة: اسامة اسامة اسامة خ.... شكووو احجي
نزلت راسي: مو قصدي
اسامة: اوك بوسيني وفهميني تفكيري غلط
رفعت عيني باوعتله قرب وجهة مني ريحت الجكاير فاحت منه نزلت راسي
ضرب الاستيرن : متكددددرين متكددددرين للليش للللللليش فهميني
مجاوبته رجع راسة ع الكشن وسحب شعرة ليورة بقوة ويتنفس بقوة خفت ليصير بي شي
نداريت باوعتله : اسامة
صرخ بيه بعصبية: هااااااااااا
نزلت راسي ودموعي نزلت رفع وجهي بايدة ودارة على وجهة بتوعت بعينه شاف دموعي مسح وجهة من كصته لحنجه لزم ركبته فركها ندار بالكامل يباوعلي
اسامة: مسحي دموعج دحاجيج
مسحت دموعي رجعت نزلت مدصيطر عليها متوقعت هيج يصرخ بيه علمود بوسة هيه بوسة موت نفسة
صرخ بية : مسحي دمووووعج داكل خ...
نزلت راسي رفعة بيدة الاثنين وكور وجهي بيدة
اسامة: افهمييني اني رجال ماتحمل مرتي ترفضني افهميييني لخاطر الكائنات افهميني
نزلت عيوني
اسامة: عهد لتسوين هيج ماتحمل
ضليت على نفس حالتي حل وجهي وضرب الاستيرن بقوة نزل راسه على الاستيرن وغمض عينه فتحت الباب اريد انزل سحب ايدي بقوة رجعني لمكاني وسد الباب وصرخ بيه :وووووووووين
عهد😢: ماريد توصلني اني اروح
اسامة: انجبي واكعدي بمكانج
ساق السيارة بسرعة بحيث بعشر دقايق اني كدام الكلية وكف كدامها نزلت بدون ما احجي شي مسحت دموعي شفته شخط السيارة بقوة وطلع نداريت اريد اطب للكلية مكدرت افوت ودموعي بعيني كلها تدري بيه متزوجه جديد شيكولون واني جاية ورا ١٥ يوم زواجي ابجي نداريت وكفت تكسي وصعدت مادري وين اروح ؟ لاهلي شكوللهم جايتكم زعلانه بعدني ماصاير شهر ومتعاركة ويا رجلي علمود بوسة نزلت بحديقة عامه ضليت افكر بكلامة صدك هوة رجال وميتحمل مرة ترفضة بس اني ماطيق ريحة الجكاير هسه مدري شبيه واني جنت اعشق ريحة جكايرة ضليت ابجي ساعة تقريبآ تاليها كمت اشتريت بطل مي غسلت وطلعت بتكسي لبيت اهلي طبيت بس امي بلبيت شافتني ضلت تسأل كلتلها اذا تحبين الله لتحجين شي كالت زعلانه كلتلها لا كالت متعاركة ويا رجلج كلتلها لا كالت لعد شكو كلتلها تعاركت بالكلية ويا بنية وماكدرت ادك على اسامة ليجي يتعارك بلكلية افوت انام ساعتين ارتاح وبعدين اروح لبيتي بس لتكولين لاحد اني هنا كالت ماشي دخلت لغرفتي نزعت شالي باوعت لجربايتي بعدها نفس حالتها والدب مالتي فوكاها شمرت نفسي فوكاها حضنت دبي ونمت واني ابجي حسيت ورا مدة امي تمسد بشعري مبية حيل افتح عيوني ضليت نايمة حسيت بال١ الضهر بابا كاعد يم راسي يمسح على شعري فتحت عيني بست ايدة باس راسي
ابو ايسر: شبيها باباتي
عهد: مبيها
ابو ايسر: متاكدة خوما احد مزعلها
عهد: لا محد مزعلها
ابو ايسر: امج كالت متعاركة بالكلية ويا بنية صدك لو غير حجي
عهد: لا صدك
ابو ايسر: ورجلج يدري بيج هنا
عهد: اي يدري
ابو ايسر: اخذي راحتج باباتي
كام طلع من الغرفة واني كعدت اباوع عيوني زرك من البجي اخذت منشفة ودشداشة خفيفة فتت للحمام سبحت واني ابجي نشفت بدلت وطلعت دخلت للغرفة امشط دك الجهاز باوعت للساعة عرفتة اسامة يسأل ليش تأخرت وصلت يم الجهاز شفت اسمه يدك سويته صامت وطلع امي مسوية برياني وكفت ع الطباخ طلعت ب ماعون وكعدت ع الميز اكل صفنت ع الخاشوكة تذكرت اسامة ميقبل الا نفس الخاشوكة ناكل اكلت لكمة نزلت دمعتي مسحتها وداحط الكمة الثانية بحلكي تذكرت اسامة ممسويتله غدة كلت علساس ارجع بل ١٢ اسوي لل٢ يجهز هسه شدياكل باوعت للساعة بل ٢ اووف اختنكت واني اتذكرة بدون غدة ذبيت الخاشوكة بلماعون وكمت
ام ايسر:  ليش ما اكلتي
عهد: ما اشتهي
ام ايسر: شعجب انتي تحبين البرياني
عهد: ماما عفية عوفيني
دخلت للغرفة دست الدكمة مال جهاز ٤٣ مكالمة لم يرد عليها من حبيبي و٢٢ رسالة كاتب
وينج
وينج
جاوبي
ردي
وينج
اسف
اني كلب
اني حيوان
اني نذل
جاوبي
لتحركين اعصابي
خ.......
اني زمال
جاوبي
لتموتيني
اعتذر
انعل ابو البوسة لابو ال....
كلها يغلط على نفسة مجاوبته
حارك الجو فايبر وفيس وسيم كارت كلها اتصالات
نمت حسيت على امي يم راسي فاتحة الجهاز وتباوع للرسايل من فوك متكدر تفتح الجهاز لان بي رمز فتحت عيني باوعتلي بطرف عينها سحبت الجهاز
ام ايسر: عهد شكو
عهد: ماكو شي
ام ايسر: امج واعرفج لتستغبيني شصاير بينج وبين اسامة
عهد: مصاير شي
ام ايسر: شنو قصدة بالرسايل
عهد: يارسايل
فتحت الجهاز باوعت داز رسايل يسب نفسة ويتوسل ارجع ويسب البوسة وداز اخر شي
اسامة: اوك اخذي راحتج بس كوليلي وين انتي ببيت اهلج ريحيني ليضل بالي يضرب اخماس باسداس واني مربط لا اكدر اروح لاهلج وننفضح ولا اروح لمركز الشرطه بس كوليلي وين انتي وريحيني لخاطر حبنا
مجاوبته امي عافتني وطلعت حلفتها متكول لاحد شي ماردت اجاوب على اسامة بس محلفني بخاطر حبنا رديت
📱ببيت اهلي كافي تلح
ضل يدز رسايل يتوسل ارجع مجاوبته بعد للمغرب اندكت باب غرفتي
عهد: فوتي ماما
انفتحت الباب شفت اسامة وكفت على حيلي