عهد❤ أسامة

البارت ٦ ( تكلمت معها)

انفتحت الباب دخلت لابسة فستان رصاصي واخضر غامق وشال رصاصي سبحان رب الصدف اني هم لابس رصاصي مرفعت راسها سلمت بس وجها اصفر كركم  قدمت العصير  لابوها وبعدين عمتي وخواتي واخر الناس الي  وصلت كدامي اخذت العصير من الصينية باوعت بعينها هي كبل نزلت عينها ندارت دتمشي من يمي ماحسها غير تهاوت ووكعت كبل لزمتها باعتباري اقرب واحد الها ابوها كبل كمز يحاولون يكعدوها ذبو مي على وجها اختي ضحى نزعتها شالها نزل شعرها واني ميت خوف عليها وهي بين ايدية صحت على نفسها وعيونها ذبلانة خفت عليها ليش تخربطت ضلت ١٠٠٠ فكرة ببالي كامت من بين ايدية ولبست شالها كعدوها بمكاني واني واكف  بس اباوع عليها خفت لتكون مجبورة لو شي ليش تخربطت المهم مرت ربع  ساعة الى ان استقرت وضعيتها كعدت يم امها واني كاعد يم عمتي ورا شوية ضحى كالت لو نعوفهم براحتهم يتعرفون واحد ع  الخ مكالو لا كامو طلعو بقت بس اختها محرم ويانة ضليت اني على تخم وهي عالتخم الثاني كدامي مرت خمس دقايق وهية محجت شي
اسامة: اا ششلون صررت ي
عهد: الح مد لله
اسامة: خير بي ج شي وه يج  تخرربطتي
عهد: مابية
عزة : دائمآ تتخربط حتى بالامتحانات وبقبول الكلية وبالنتيجة من تتوتر
سكتت عزة
اسامة: حمد لله على سلا متج
عهد: الله يسلمك
اسامة : ع ه د ممكن سؤال
عهد: تفضل
اسامة: انتي خوما مجبورة اذا مم جبور ة كولي واني انهي الموضوع من يمي
عهد: لا ممجبورة
اسامة : لعد ليش قبلتي بية رغم فرق العمر الي بينة
عهد: فرق العمر بينة هو الي خلاني اوافق ع ليك
اسامة: شلون مفهمت
عهد: اني جنت رايدة اكبر مني ب ٧ سنوات اقل تقدير
اسامة: شنو السبب
عهد: راح احجيلك بكل صراحة مادام اذا الله راد تصير بينة قسمة
اسامة: هو اني اريد الصراحة حتى نبدي علاقة ناجحة
عهد: اني بتفكيري شوية صغيرة يعني ماعندي من ارض الواقع بس شوية وتفكيري تفكير صغار مو كد مسؤلية اكون ام واسيطر عليهم وحدي اريد احد اكبر مني وعندة خبرة بلحياة صاحب تجارب يوكف وياي ويساعدني اربي اطفالي ونعيش بسعادة واذا غلطت بيوم هو يفهمني اا
اسامة: كملي
عهد: اريددة اب لان بابا مدللني مار يد افقد هل شي
حيل حيل عجبني تفكيرها رغم تكول تفكيري مال صغار بس تفكيرها اني ما افكر بي
اسامة: ان شاء الله اكون عند حسن ضنج عندج اي شروط
عهد: اا
اسامة: كولي
عهد: مو شرط بس طلب
اسامة : اي كولي
عهد: ار يد ك تعزني وتحترمني واني اعزك واحترمك
تفاجأت من سمعت طلبها ليش يعني بس معزة واحترام ليش متريد احبها
اسامة : ليش متريدين احبج
عهد: ما أومن بوجود الحب
اسامة: ان شاء الله متفقين
عهد: ان شاء الله
فتحت الباب وطلعت كاعدين بالصالة كالو ها كلتلهم خير ان شاء الله دخلنة للاستقبال كعدنة كلنة
اسامة: عمي ابو ايسر شكد تطلب مقدم ومؤخر وشتطلب اني حاضر
ابو ايسر : هاي حياتها وهي تقرر
اسامة : عشرة المقدم لو بعد
ام ايسر : شكلتي عهد
عهد: زايد عشرة هواي
اسامة : ميغلى عليج المؤخر شكد تريدون حاضر اني
ام ايسر: خلي ١٥
اسامة : ٢٠ ان شاء الله متفقين
الام: ان شاء الله
اسامة: بيتها وحد
الاب : ان شاء الله
اسامة: تجهيزة على ايدها
الام: الله كريم
ورا ما اتفقنة بعد ٣ ايام نقرة الفاتحة ونعقد سيد طلعنه رجعت للبيت فرحان واخيرا
---
بعد ماطلعو اهل الولد الي جايين يخطبوني بالليل ماما سألتني وكالت كلت لابوج وكال القرار قرارها بس الولد خوش ولد وابوج يعرفة واخو يصير صديقة كلتلها ل ماما ماريد اتزوج ماما هم مالحت  كالت فكري لباجر بليل اكول لابوج سدت الموضوع وراحت للاستقبال ويا ابوية ضليت بالغرفة ارسم جتي فرح جايبة موبايل ايسر تكول تعالو نبحث ب فيس العريس ونشوفة كلتلها مو عريس اني ماقبلت عزة كالت عوفيها ل هل عقدة ب فارس احلامها وتعاي ضليت ارسم ممهتمة عزة كالت امشي فرح شوفيهايا عطت بيها ماريد كلت ماريد عزة كالت طبج مرض ورا ثواني سمعت عزة تكول ياااااا جبير اني هذا الموضوع جذبني خصوصآ انو اهم صفة ب فارس احلامي جبير كمت كلتلها جيبي الموبايل ضحكن اخذته باوعت مواليدة حسبت عمرة بدماغي يطلع ٣٠ لو ٣١ سنة ركزت بصورة الي ناشرهن مبين حلو شكلة واصدقائة كلبت بيهم هم خوش
عزة وفرح يضحكن كلتلهن وسم رجعت اباوع واتاكد مخلص هندسة ويشتغل ب ....... ماشي كلشي بي حسب الي اريدة بقى تفكيرة خلي اوافق وبالشوفة الشرعية اتاكد من شخصيت نمت او حاولت انام ضليت افكر اقبل لو لا لثاني يوم عبر عادي وفرح وعزة بس يتمضكن علية لليل اجت ماما سألتني وكلتلها القرار قرار بابا عرفت ماما الموضوع مابي رفض من ناحيتي راحت ثاني يوم بابا الصبح كال راح ادز خبر موافقين ل اهل اسامة هزيت براسي بمعنى اي استحيت احجي ويا بابا ب هيج موضوع حتى لوكنت قريبة منه المهم عبرت الايام المحددة وصار يوم الشوفة
---
دخلو اني اخر وحدة طبيت قدمت العصير واني ارجف رجف من الخوف طبعي اتوتر كلش وعلى اقل شي واتمرض لو اتخربط قدمت العصير عيوني غوشت ماحسيت الا واني بين ايدين اسامة وبابا كدامي واهلي متوترين وخايفين وهل اسامة كذلك كوموني كعدوني ع التخم شربوني عصير الحمد لله صرت زينة ورا شوية كالت اخته نعوفهم طلعو وبقونة وحدنه بقت عزة اختي محرم ويانة عبالة اني مجبورة كتله لا كال لعد ليش تخربطتي عزة حجتلة بطولتي ويا التخربط سألني ليش قبلتي تتزوجين واحد اكبر منج كتلة على تفكيري وكلت هسه يضحك علية مثل اهلي بس لا بلعكس الضاهر الموضوع عجبه المهم كال شروطج كتلة احترمني وعزني واني احترمك واعزك كال ليش متريدين حب كتلة ما أؤمن ب الحب شكلة استغرب بس قبل وطلع برا وراها طبو كلهم وكعدو يتفقون ع المقدم والمؤخر حسيتة سخي الحمد لله يوالمني طلبنة مؤخر ١٥ كال ٢٠ ومقدم ١٠ راح اشتري السوك كلة وكال بيت وحد وتجهزة على ايدها اني صراحة فرحت راح يصيرلي بيت الي وحدي  المهم اتفقو بعد ٣ ايام الخطوبة والعقد مال سيد راحو واني كمت غسلت وبدلت ونمت واني افكر بي