عهد: مشفتها تكول خلي يخ
قاطعنه اسامة
اسامة: ها حبيبي كملتي
عهد: اي حبيبي
اسامة: انته شتسوي هنا
عبد الله: هيج ويا عهد علمود الفنون
اسامة: شبيها
عهد توترت: يريد رسمة يله حبيبي
لزم ايدي وطلعنا ودعناهم صعدنه سيارة وهوه ساكت اني هم مسألته شبيك وصلنه لبيتنه نزلت فتحت الباب وهوة دخل السيارة سديتها نداريت دخل للبيت دخلت ورا نزع ملابسة لبس بجامة والفانيلة وتمدد ع الجرباية اني بدلت لبست ثوب نوم ونمت بس هوة ممهتم كلشي ماحجى بس يكلب ب موبايلة
عهد: حبيبي بيك شي
اسامة: لا مبية
عهد: لعد ليش هيج متجاهلني
اسامة: ممتجاهلج مو هياتني داحاجيج
عهد: شو باوعلي
باوعلي: اكو شي ضامته عليه
عهد: لا ليش
اسامة: هذا هو تعبان اريد انام
طفى التبلامة الي يم راسة وسد موبايلة وحط ايدة على عيونه
عهد: تصبح على خير
اسامة: وانتي بخير طفي الضوة
اصلا مطفية الاضوية باقية بس التبلامات يم روسنه طفيت الي يم راسي ونداريت انطيته ضهري صدك ضجت غير يفهمني شبي ضليت بس افكر ماكدرت انام نص ساعة حسيته تحرك غمضت عيني حسيت نفسة على وجهي وضليت على حالتي اتضاهر النوم
اسامة: اووف يا حبيبي
نام بصفي وحضني للصراحة هسه يلة كدرت انام صار ٩ ايام من تزوجنه بس تعودت على حضنه غطيت بنومة كعدت. الصبح تلمست بصفي مموجود فتحت عيني ماكو كمت دورته مموجود غسلت وجهي وهوة ماكو وين راح باوعت من شباك المطبخ سيارتة بلحوش لعد وينه لبست روب وفتحت باب المطبخ باوعت بلسيارة مموجود سمعت صوت مي وراي نداريت اسامة ديرش الحديقة اووف الحمد لله عبالي طالع
عهد: صباح الخير
اسامة: صباح النور
عهد: اسويلك ريوك
اسامة: لا اكلت كيك وجاي
عهد: اوك
دخلت للمطبخ طلعت كعك وسويت جاي وحليب وكعدت اكل واني روحي طافرة من معاملته الجافة دخل للمطبخ لابس فانيلة وبجامه تراكسود رصاصي وكافها للركبة باوعت عليه ونزلت راسي اكل محجى شي فات للحمام ماصاح على منشفة دخلت للغرفة منشفتة ماكو معناها ماخذها طلعت للمطبخ اغسل المواعين كوبين وماعون مال كيك سمعت فتحت باب الحمام كعدت ع الميز واكلب بموبايلي البنات مراسلات بلكروب بليل ضليت اكلب بيهن حسيت على قطرات مي فوك جتفي رفعت راسي شفت اسامة بالشورت وواكف وراي يباوع على موبايلي رفعت موبايلي بوجهة ندار وطلع للغرفة طلعت روحي ومافهمته شبي رحت ورا للغرفة لكيته ديلبس التيشيرت
عهد: ماما خابرتني البارحة بليل عازمتنه ع الغدا
اسامة: اوك
عهد: بيش ساعة نروح
اسامة: بكيفج
عفته وطلعت نضفت البيت هو كاعد بالصالة والريمونت بيدة يكلب تلفزيون لل١٠ ونص كملت تنضيف طبيت سبحت وبدلت ومكيجت اجه هوة بدل ملابسة عدل شعرة رش عطر جر السويج والجكاير
اسامة: انتضرج بلسيارة
طلعت ورا مطلع السيارة وساد الباب سديتها وطلعت بلسيارة ماحجى شي وصلنا لبيت اهلي نزلنه سلمنا وكعدنه وهو بس حبيبي وحبيبي معرفته اصلا مو نفس الي شفته الصبح نزلو الغدا تغدينه وهوة يحجي ويا ابوية وايسر ولا كأنو صاير شي ورا الغدا بل ٢ رجعنه للبيت احنه طلعنه باب بيت اهلي رجع لنفس وضعيته ميتحاجه خبلني ونرفزني
نزلت فتحت الباب طبب السيارة عفته ودخلت هوة سد الباب دخل اني دخلت للحمام نزعت ملابسي لبست دشداشة قصيرة لميت شعري ذيل حصان وطلعت هوة مو بلغرفة مهتميت طبه طوب تمددت جريت اللحاف علية واتضاهرت النوم ورا اكثر من خمس دقايق انفتحت باب الغرفة غمضت عيوني اجه وكف يم راسي مسح على شعري وراح تمدد بصفي ونام نزلت دمعتي مسحتها ونمت اصلا النعس مو طبيعي امنيتي بس انام كعدت العصر هوة نايم كعدت بلمرسم ارسم شغلت موسيقى هادئة بس ماحطيت هتفون سمعت موبايلة دك مهتميت ضليت على نفس حالتي فتح باب المرسم
اسامة: عهد سرمد خابرني عازمنه ع العشا
هزيت راسي بمعنى اي طلع وسد الباب هسه صرت عهد راحت حبيبي دارسم اجه فتح الباب ع السريع
اسامة: مهندس محمد ومرتة جايينه
كمت فتت من يمة دخلت للغرفة بدلت وتمكيجت اجه بدل تراكسود لفيت شالي وطلعت حضرت الصينية والكلاصات حطيت كعك بماعون اندكت الباب باوعته طلع من باب الاستقبال يرحب بيهم دخلت مرة ورجال يطلعون بالاربعينات وبنية بكدي وولد متوسط شكلة دخلو للاستقبال دخلت اني لكيتهم كاعدين سلمت وبوست المرة والبنية باركولي ومهندس محمد باركلي كعدنه كام اسامة قدم المي البنية سألت على عمري كلتلها ١٩ كالت شعجب اخذتي واحد ثلاثيني كلتلها النصيب بس احس اسامة ضاج ضلينه سوالف وضحك قدمتلهم العصير والكعك مطولو نص ساعة وطلعو جايبين هدية لحاف ودعناهم ورجع وجه اسامة كما كان بدلنه وطلعنه لبيت سرمد نفس الحالة يضحك ويشاقي كدامهم طلعنه منهم كالب وجهة وصلنه للبيت نزلت فتحت الباب ودخلت للبيت نزعت ملابسي لبست دشداشة قصيرة وخفيفة فليت شعري دخل للغرفة بدل لبس بجامة تراكسود وفانيلة ابد ميلبس تيشيرت بس الفانيلة والبجامة طلع من الغرفة هذا الحجي بل ٩ ونص للعشرة هوة مارجع للغرفة طلعت لكيت ضوة الاستقبال طافي وهو كاعد يباوع فلم فتحت الضوة رفع راسة باوعلي ورجع يباوع للفلم اني هنا شكو ابليس براسي كام يطفر وكفت وطفيت التلفزيون
اسامة: استغفر الله
عهد: اي استغفر الله
اسامة: شبيج
عهد: انته الشبيك
وكفت كدامة وهوة كاعد
اسامة: شبية
عهد: اسأل نفسك من البارحة كالب وجهك بوجهي شكو
اسامة: ماكو شي افتحي التلفزيون
عهد: ماااكو تلفزيون جاوبني لتخبلني وكف على حيلة ودفع الطبلة فوكاها طاسة كرزات وكعت وصارت طشار اني كبل رجعت ليورا
اسامة بصياح: اني التخبببببلت
عهد: ليش شمسويتلك
اسامة: شضامة علية
عهد: شضامة
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
