كل دقيقة اريد اخابرها واسمع صوتها خابرتها كالت دنظف عبرت ساعة وراسلت مجاوبت رجعت خابرت طولت يلة جاوبت تكح كلتلها شبيج كالت داتغدة وبابا شافك تدك وخجلت كلتلها عادي رجلج كالت اخجل مو مثلك انته رجال كلتلها بلعافية تغدي سألتني تغديت كلتلها لا راح ادز لفتين كالت ليش كلتلها محد سوالي غدة كالت لا قصدي ليش لفتين عرفتها تغار كلتلها لان ماشبع بوحدة كالت هااا كلتلها اي افتحلج كاميرا كالت ميحتاج كلتلها ترة الغيرة من علامات الحب سدت الموبايل بوجهي شبعت ضحك عليها مطولت ثواني ورجعت خابرت كالت مو غيرانه لان احبك بس لان رجلي واصلا ماغرت بس فضول كلتلها ادري هو هم هيج كالت باي وسدت الجهاز هههه متعرف تتصرف من تغار ههههه كمت اخذت نفر كباب وقوطية ببسي ورجعت للبيت تغديت وضليت اكلب بصورها حطيت صورتها وهية نايمة على صدري من ركصنه خلفية لموبايلي وسجلتها عافيتي تغديت ونمت كعدت العصر سحبت الجهاز من يم راسي لكيتها دازة ١٥ رسالة
📱الو
وينك
متجاوب
وينك
نايم
وحدك
وينك
الو
الو
جاوبني
من تشوف الرسالة جاوب
الوو
وين صرت
الو
بعد لتخابر
دكيت عليها📞📞
اسامة: الوو
عهد: وين جنت
اسامة: وعليكم السلام
عهد: وين جنت مو راسلت
اسامة: نايم
عهد: هاا
اسامة: اي شكو هلكد مراسلة صاير شي
عهد: افتح كاميرا دحاجيك
اسامة: ليش شكو
عهد: افتح ع السريع
اسامة : اوك
فتحتها ودرتها عالخلفية داعدل شعري
عهد: ديرها على وجهك
اسامة: حاضر بس داعدل شعري
درتها : ها شفتيني
عهد: وين جنت نايم
اسامة: بالبيت
عهد: شوفني بالضبط
درت الكاميرا للجرباية
اسامة: هنا
عهد: اريد اشوف البيت
اسامة: ماشي هاي الغرفة وهاي تطلعين من باب الغرفة ع اليمنة غرفة صغيرة
عهد: اشوفها
دخلت بيها
اسامة: حطيت ببيها غراض الرسم مالتج
ابتسمت طلعت من الغرفة هذا الممر وهاي كدام الغرفة الحمام وبصفة التواليت وهاي منا تخلصين الممر تروحين هاي الجهة للصالة ومنا تطبين للاستقبال تطلعين منا ع اليسرة باب المطبخ شوفي وهذا الغدا مال شوفي بس قوطية وحدة وحدي تغديت ماكو احد يمي طمئني
عهد: ليش هيج تكول اصلا ما داشك بيك
اسامة: ادري مو شك هاي غيرة
عهد: ما غرت بس داشوف البيت الي راح اعيش بي
اسامة: اي افتحي كامرتج انتي هم
عهد: ليش
اسامة: خوما بس انتي تشوفيني اني هم اشوفج
عهد: بس لحضة
اسامة: لا هسه ع السريع
عهد : بس البس شال
اسامة: بدون شال
عهد : ماكو استحي
اسامة: البارحة شفتج بدون شال وملابسج هم جانن
انفتحت الكاميرا لابسة شال اسود
اسامة: نزعي الشال
عهد: مانزع
اسامة: شفتي كفشتي اشوف كفشتج
عهد: استحي
اسامة: عهد اني رجلج عادي
عهد: حتى لو
اسامة: يعني تبقين لابسة الشال
عهد: اي
اسامة ماشي عهد تشوفين شسوي
عهد: شتسوي
اسامة: باي
سديت الخط مادري ليش هيج سويت على شنو داسوي مشكلة علمود الشال بس هيه شكو تعاند تنزع الشال وتفضها مو رجلها لو هيه يصير تحاسبني واني لا ضليت الوب لان سديتة واني زعلان خاف هيه هم زعلت لهيت نفسي شربت جكارة وطلعت ل بيت سرمد حجيت ويا ع الشغل واني ضايج وكل شوية اباوع بالموبايل بلكي راسلة شي بس كلشي ماكو لزك بيه ابقى ع العشا بقيت تعشيت ضلت اية مرت سرمد تمدح ب عهد وجمالها واخلاقها واني بالي يمها بكوة اكلت ورجعت للبيت الليل كله مكدرت انام لل١٠ فرفحت روحي
📱
اسامة: كاعدة
مجاوبت دزيتلها
اسامة: اذا كاعدة جاوبيني
مجاوبت فولت اعصابي دكيت عليها📞📞📞📞
عهد بصوت تعبان: الو
اسامة: ليش متجاوبين
عهد: نايمة
اسامة: شبي صوتج
عهد : مبي
سمعت صوت امها : عهد عوفي الموبايل دسويلج كمادات
اسامة: شبيج عهد
عهد: مبية
اسامة: شنو كمادات احجي شبيج
عهد: مبية تعبانة عوفني
سدت الجهاز بوجهي ضل بالي يمها خابرت ضحى كلتلها دقايق تحضري جايج كالت شكو كلتلها رايحين ل بيت اهل عهد ع السريع شلت موبايلي واني لابس تراكسود لبست الشحاطة تكرمون شلت الموبايل والجكاير والسويج طلعت ع السريع وصلت ل ضحى اخذتها وياي وياها بتها الصغيرة سارة ضلت بس تسأل شبيك ومابيك وشبيها عهد كلتلها مادري مريضة صوتها تعبان خلال عشر دقايق وصلت كدام بيتهم نزلت دكيت الباب وضحى وياي طلع محمود اخوها سلمت عليه كال اتفضلو اتفضلو سوالنه مجال فتنه للاستقبال كعدنه اجه ايسر سلم وكعد واجه ابو ايسر وفرح مرت ايسر ضل ابوها ياهلا وشلونكم واني مشتعل نار على عهد ضحى سألت عليها فرح كالت بغرفتها نايمة
اسامة: خير خوما بيها شي نايمة من وكت
ابو ايسر: شوية صخونة
اسامة: ناخذها للمستشفى
ابو ايسر: ماكو داعي
ابوها شافني الوب كال اذا تريد تكدر تشوفها هيه مرتك اني لكيتها من الله كبل وكفت
ابو ايسر: فرح يابة اخذي رجل اختج وحماتها يشوفوها
كامت فرح كدامنه وضحى وراها واني اخر شي فتحت باب غرفتها ودخلن دخلت وراهن شفتها متغطية ببطانيتين وكمادات فوك راسها بدون وعي اقتربت منها وكمبصت( كرفصت) كدامها اباوعلها تعبانة ومغمضة عيونها باوعت لامها
اسامة: شبيها عهد
ام ايسر: مبيها بس شوية تعبانة
اسامة : خلي ناخذها للمستشفى
ام ايسر: ميحتاج ابني
اسامة: لا خاله ميصير
وكفت :ضحى حضريها
ضحى راحت يم راسها تكعدها وامها تكول ميحتاج واني ضليت اصر الا اخذها للمستشفى ضحى كعدت على طرف جربايتها كعدتها ضلت تباوع بعيوني وهي ذبلانة ضحى كالتلها كومي مقبلت كالتلها ناخذج للمستشفى مقبلت كلتلها يبة ضحى ع السريع شفتها شاورت ضحى وضحى ابتسمت كالت ميحتاج
اسامة: شلون ميحتاج يلة كوميها
ضحى: مالازم اسامة ميحتاج
اسامة: ضحىىىى
كامت يمي وشاورتني
عهد: لا ضحى لا
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
