وكفت كدامة باوع بعيوني واخذ الكلاص وهمس : شوكت اشوف عيونج ببيتي
تخربطت وضعيتي لساني نعكد رحت قدمت ل ماما وايسر وطلعت للمطبخ سريع وكفت احس وجهي ناااار كمت اهفي بايدي على وجهي فاتت فرح للمطبخ
فرح: شبيج
عهد: مبية
فرح: ولج شبيج صفرة شكو
عهد تلمست وجهي: والله
فرح: احجي ولج شبيج
عهد لزمت ايدها: اسامة
فرح ابتسمت : شبي
عهد: قدمتلة العصير وكال
فرح: شكال احجي عاد
عهد: شوكت اشوف عيونج ببيتي
فرح: هههه
لزمت حلكها
عهد: اشش فضحتيني شسوي
وخرت ايدي من حلكها
فرح: على هاي راح تموتين اسامة رحمة بالنسبة ل ايسر
عهد: يعنننني
فرح: اخوج ماراد يشوف عيوني ببيته راد يشوفني اني ببيتة
عهد: تفف عليج شسوي هسه
فرح: امشي طبي جوة
عهد: ماطب والله استحي
فرح: كبرر لعد تخلي كاعد ويا اهلج امشي عاد
دفعتني كدامها دخلت مرفعت راسي كعدت يم فرح
اسامة: عمي من بعد اذنك اذا تسمحلنا باجر اني اودي عهد للكلية
ابو ايسر: اخاف تأخرك عن شغلك
اسامة: لا عمي متأخرني
ابو ايسر: على راحتكم مرتك وانته رجلها
وكف اسامة: يلة عمي اترخص تصبحون على خير
ابو ايسر: هلا بيك وانته من اهل الخير
ديطلع امي كالت
ام ايسر: كومي عهد وصلي رجلج للباب
كمت ويا اهلي محد منهم طلع ويانه وصلنا قريب من باب الحديقة ندار علية
اسامة: بيش ساعة اجيج باجر
عهد: بالسبعة تكدر
اسامة:تدللين هاي شنو
عهد: شنو
اسامة: شبي وجهج
عهد تلمست وجهي بخوف: شبي
اسامة لزمت ايدها ونزلتها من وجهة كورت وجهها بيدي : باوعيلي
عهد دنكت راسها ولزمت ايده توخرها: عفية وخر
اسامة: ليش
عهد: ليشوفنه احد
اسامة: باوعي بعيوني واعوفج
عهد رفعت عيني بعينة: يله عوفني
اسامة: شوكت اشوف عيونج ببيتي
عهد: اسامة نزل ايدك ثولتني مدعرف احجي
اسامة: ليش
عهد: عفية نزلها دحاجيك
نزل ايده
اسامة: وهاي نزلتها احجي
عهد: لتحجي هيج كدام اهلي بعد
اسامة: شحجي
عهد: اسامة لتغشم روحك الحجي الي حجيتة من قدمتلك العصر
اسامة: هاا بس انتي سمعتيني شكو بيها اهلج مسمعوني
عهد: مسمعوك بس انتبهو على ارتباكي
اسامة: وليش ترتبكين
نزلت راسي حط ايدة جوة حنجي ورفع وجهي بوجهة
اسامة: ليش ترتبكين
عهد: بحياتي مسامعة هيج حجي شتريدين تكون ردة فعلي
اسامة: بعد لتحطين كحلة لعيونج وتباوعين بعيوني وتخبليني وبالمقابل ما اتغزل بيج افتهمتي
هزيت راسي بمعنى اي
اسامة: افتهمتي اريد اسمعها
عهد: افتهمت
باس راسي وهمسلي اموت بعيونج تصبحين على خير
وفتح باب الحديقة وطلع صعد سيارتة وندارلي واكفة بلباب آشرلي افوت جوة فتت جوة وسديت الباب مبتسمة دخلت لغرفتي شمرت نفسي على الجرباية باوعت بالسكف وابتسم وكلبي طبل حيل يدك لزمت كلبي احاول اسكت نبضة بس مبي فائدة نزعت الشال وكمت غسلت وجهي بدلت تراكسود خفيف ونمت واني افكر بي معقولة هذا الي يسمو الحب لا مو معقولة ماكو حب واصلا ما اعرفة غير من ١٠ ايام شلون احبة لا دهلوس اني غفيت واني افكر بي لثاني يوم بالخمسة ونص دك منبه جهازي كمت طبيت للحمام غسلت وطلعت لافة المنشفة علية والمنشفة الثانية على شعري دخلت للغرفة عزة نايمة وموبايلي يدك رحت ركض عليه اسامة ديدك
📞📞📞
عهد: صباح الخير
اسامة: صباح الورد كاعدة لو كعدتج
عهد: لا كاعدة
اسامة: عبالي نايمة دكيت مرتين مجاوبتي
عهد: مو جنت بالحمام اسفة
اسامة : عادي مصار شي
عهد: انته شوكت كعدت
اسامة: كوكت المنبه ع الخمسة ونص حتى اكعدج
عهد: اها اوك
اسامة: اي امشي بدلي لتتمرضين
عهد: اوك باي
بدلت تنورة وفانيلة وقميصي وطلعت لغرفة امي بهدوء فتحت الباب لكيتها كاعدة تصلي وبابا هم
كملت صلاتها وندارت عليه اشرتلها تطلعلي اجتي
ام ايسر: صباح الخير
عهد : صباح النور ماما اريد طلب زغيروني منج
ام ايسر: كولي خير
عضيت شفتي استحي شلون اكوللها
ام ايسر: كولي شكو
عهد: يصير اعزم اسامة ع الريوك
ام ايسر: ليش
عهد: ماما وحدة بالبيت وكاعد من الصبح حتى يوصلني مو عيب
ابتسمت امي: اي طبعآ عيب امشي لج اكول لابوج واشوف
وكفت بباب المطبخ انتضر خبر من امي ومستحية من ابوية صارت بالستة وامي ماكو اي واخيرآ طلعت
عهد: ها ماما شكال
ام ايسر: كال عادي رجلها
عهد: عززة ماما كلتيلة اني كتلج
ام ايسر: حتى يذبحج لا كتله اني اقترحت
عهد: اي عبالي اروح اخابرة
ام ايسر ضحكت: روحي روحي
طبيت ركض لغرفتي لزمت الموبايل ودكيت عليه📞📞📞
اسامة: الوو
عهد: هلو شدسوي
اسامة: دابدل ليش
عهد: تريكت
اسامة: لا راح اطلع اتريك واجيج
عهد: لا لتتريك تعال يمنه تريك
اسامة: شنوو
عهد: تعال يمنه تريك
اسامة: متاكدة مو عيب من اهلج
عهد: كلتلها ل ماما كالت ل بابا كال عادي رجلها
اسامة : انتي متاكدة
عهد: لا بطلت لتجي
اسامة : هههه جذب جايج بس انتي حضري اكل من ايدج مو من ايد امج
عهد: عين لو سلك
اسامة: كلشي من ايدج يخبل
سديت الجهاز وطلعت لكيت فرح دتحضر ل ايسر وامي تحضر ل ابوية هههه اجه دوري احضر ل رجلي وكفت يم الثلاجة طلعت ٣ بيضات حالي حالهن
فرح: صباح النور
عهد: اووه والله نسيت صباح الخير
فرح : هاا ولج صايرة هواي تاكلين
عهد: انتي ليش ٣ بيضات
فرح: اني ورجلي شبيج
عهد: اي اني هم نفس الشي
فرح: جذذذذب اسامة
عهد: اي عزمته
فرح: اهااا هسه افتهمت واهلج شلون
عهد: اخذت اذنهم وقبلو
امي اخذت ريوك ابوية للصالة يتريكون وفرح اخذت ريوكهم لغرفتها فوك وبقيت اني طكيت ٣ بيضات حطيت ثنين بماعون ووحدة بماعون الخ وسويت خيار حلقات وطلعت جبن ومربى وحضرت استكانين ع الميز الي ب المطبخ سمعت وكفت سيارة ببابنة الجاي ع النار نصيته وطلعت وكفت ورا الباب هوة ديدكها فتحتها
عهد: صباح الخير
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
