اختصرلكم مرت حياتي عادية نكعد الصبح اني للكلية واسامة للدوام يرجع ياخذني بل ١٢ لو ١٢ ونص للبيت ويرجع يكمل دوامة لل٣ تقريبآ يجي للبيت وكضت حياتنه بهل طريقة اسامة ماتغيرت معاملته وياي ابد نفس حبه وحنانه ومداراته واني اداري يعني مرتاحه بحياتي مرت ٩ اشهر وجبت فرحة عمري (رونق) وصار اسمي ام رونق زاد نفر بعائلتنا الصغيرونه اسامة ماكو احد يكدر يوصف سعادته شايلها بلصلوات الصبح من نطلع للدوام اوديها ل امي تبقى يمها من يرجعني اسامة بل١٢ انزل اجيبها من اهلي ونطلع للبيت ويرجع هوة للدوام لل٣ يرجع للبيت اول ميطب يشيلها مينزلها للكاع الى ان يصير الليل تنام بحضنه واني بحضنه الثاني نحطه بل نص وننام صراحة اغار من رونق لان اخذته مني وشاركتني بي مرت سنة وشهرين صرت بالمرحلة الثالثة دوامي عادي واسامة دوام رونق اجمل شي صار بحياتنه كبرت بيضة ودبدوبة شعرها اشقر طالعة علية وعيونها سود على ابوها عنيدة ومدللة كلشي تريد يتلبى الها اني حبلت بالطفل الثاني حيل تعبت بفترة الحمل وهذا زاد من علاقة رونق وابوها ورا ٩ اشهر جبت فرحة عمري الثاني الي هوة (يمان) ابني هذا تعلق بية باعتبار صغير ويرضع ويحتاج مدارات اني وصلت اخر مرحلة بالكلية واسامة يداوم عادي صارو جهالي الاثنين اوديهم ل ماما فرح صار عدها ٣ اطفال مصطفى ووراها تؤام شهد ورغد . عبد الله واميرة تزوجو العام واميرة حامل هسه .ورا ٧ اشهر تخرجت وكعدت بالبيت وجهالي يمي واسامة يمي
بعد مرور ٧ اشهر
اسامة عمرة ٣٤ سنة
عهد عمرها ٢٣ سنة
رونق عمرها سنتين الا شهر
يمان عمرة ٨ اشهر
حضرت الغدا كاعدة ابدل ملابس يمان وهو ابيض ودبدوب ويضحك واني ادغدغه سمعت صوت شي وكع بالمرسم
عهد: رووونق
كمت ركض فتحت الباب لابسة تيشيرتي الابيض الملون فوك بلوزها ونضاراتي لابستها وموكعة الوحة وكاعدة تلون فوكاها عدها موهبة بلرسم يمكن من هسه روحها بالدنيا الالوان تخصرتلها : هااي شنوو موكلت لتلعبين بالالون
ضلت تباوعلي ومبتسمة تقربت عليها رفعتها باوعتلها والله تشبهني بستها سمعت صوت باب المطبخ انفتحت هاي المكروصة كامت تدفر بيه تريد تنزل لابوها نزلتها طلعت تركض كدامي على ابوها طلعت وراها شفت اسامة ذب السويج والعلاليك ع الكاونتر شافها فتح ايدة راحت تركض لحضنه شالها ويبوس بيها وكفت بلباب ايد ع الباب والثانية على خصري حسيت شي جوة رجلي باوعت يمان يزحف يريد يروح ل اسامة
زحف زحف زحف اسامة شافة كعد على ركبة ورونق حاضنته يمان وصلة سحبه لحضنه شاله بالايد الثانية ووكف وهوة شايل رونق بايد ويمان بايد ثانية باوعلي وابتسم رفعتله حاجبي هو شايلهم مد حلكة بمعنى بوسيني رحت ركض حالي حال الجهال بستة واخذت يمان من ايدة ضل يبجي
اسامة: عوفي حبيبي
عهد: تعبان عوفه
اسامة: شعندي غيركم
باس راسي وفات وهوة شايلهم حطيت الغدا ع الطباخ احمي فتت للغرفة شفته دينزع جاكيتة ويمان بلكاع ورونق ع الجرباية لازمة موبايلة تلعب بي وكفت ورا نزعتة الجاكيت ندار باوعلي فتحت دكم قميصة حضني
رونق: بابا
عهد: حجت عمتي
اسامة: ي روح ال بابا
باس راسي: طالعة عليج تحبني وتغار عليه
راح عليها باسها ورفعها لحضنه
اسامة: هم تخبلني بهل لبس بت امها
عهد: ههههه امشي اغسل دحضر غداك
نزلها وراح للحمام شلت المنشفة وديتها الة وطلعت صبيت الغدا هوة طلع لابس بجامة وفانيلة وشعرة يقطر مي اجه من وراي حضني وباس ركبتي وعافني وكعد ع الكرسي كعدت بصفة بعدنه ناكل بماعون واحد وخاشوكة وحده اكل لكمة وحط الثانية بحلكي اجه يمان يزحف وكف نفسة على رجل اسامة ويبجي ذب الخاشوكة من ايدة ورفعه وكف رجل يمان على رجلة وهز راسة كدام يمان قطرات المي صارت بوجه يمان كام يضحك
عهد: جيبة حبيبي كمل غداك
انطاني يا كمت شايلتة جبت خاشوكة وكعدتة بحضني واوكلة واسامة ياكل لكمة والثانية يحطها بحلكي
اسامة: لعد رونق ليش متاكل
عهد: بت ابوها ام كرش اكلت قبل لتجي
اسامة: وينها هيه
عهد: بالمرسم
جتي تركض رفعها اسامة لحضنه
عهد: ابن الحلال بذكره يبان
كعدها ع الميز ويوكلها واني اوكل يمان واكل ويا كملنا غدا كمت غسلت ل يمان وغسلت ايدي طلع اسامة من المطبخ شايل رونق على شكل طيارة ويركض بيها
اسامة: بيب بببببيب مجال دنغسل
انطيته مجال غسل وغسللها وراح للغرفة شايلها ذبيت يمان بالحجلة بالمطبخ يمي وانطيته سويج سيارة اسامة يلعب بي ووكفت غسلت المواعين مسحت الكاونتر نداريت شفت يمان نايم بالحجلة ي عيووني شلته على كيفي ودخلت للغرفة لكيت اسامة فارش دوشك بلكاع وكاعد يكلب بالاوراق مال شغل ورونق كاعدة ع الجرباية رجل على رجل وتلعب ب موبايل ابوها اني شايلة يمان
عهد: حبيبي نزل دوشك ل يمان نايم
رفع راسة باوعلي: اي حبيبي
ووكف نزل دوشك فرشة بصف دوشكة نزلت يمان على كيفي نومته بصفة باوعت مبين تعبان من الشغل
عهد: عوف الاوراق وتمدد
باوعلي ابتسمت ذب الاوراق وتمدد على بطنه كعدت على ضهرة وفركتله ضهرة
اسامة: اخخخ والله انتي بكلبي احبج
نمت على ضهرة
عهد: واني اموت عليك
عمتي انتبهت نزلت تركض من الجرباية ووكفت فوك راسنة
عهد: اني هم العب
رفعت راسي من فوك ضهرة وباوعتلها سحبت نفسي من فوكاه وانكلبت وتمددت بصف يمان هوة اندار وجرها حطها على قدم رجله ويرفع وينزل بيها وهيه تضحك هههه
اسامة: يلة حبيبة بابا تعبان تعاي نامي بحضن بابا
نزلها وخلاها بحضنه كمت اني لميت اوراقه وحطيتهن ع الجرباية سديت البردة طفيت الضوة وتمددت بصف يمان وانطيت ضهري ل اسامة ورا ربع نامت رونق حلها عن حضنه وندار علية حضني واني حاضنه يمان
اسامة: حبيبي انداريلي مشتاقلج
عهد : روح يم رونق اني يم يمان
اسامة: وج زفرة حتى من بتج تغارين نداريلي شو اشوف
كام تمدد فوكاية دارني لجهته
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
