كعدت ثاني يوم بل ٧ نضفت البيت وغسلت اليوم سبعتي الساعة بل ٨ ندكت الباب رحت اكعد اسامة بس خطية تعبان
عهد: اسامة الباب
اسامة: صيحي منو
عهد: منو
ضحى : اني اني
فتحت الباب بوسني البنات ضحى وسجى وربى وبناتهن واية مرت سرمد والجهال كلها تباركلي فاتو للاستقبال كعدو طبيت ل اسامة
عهد: حبيبي كوم اهلك جوي
اسامة: اي حبيبي صدك تعاي اكلج
عهد: ها حبيبي
تقربت منه باس راسي
اسامة: سبعة مباركة
عهد: عليه وعليك
كام اسامة لبس التيشيرت ضحى اجتي
ضحى : هلا بلعريس
اسامة : هلا ب اخت العريس
بوسته وباركتله
ضحى لزمتني من جتفي
ضحى: شلونها العروس وياك
اسامة: اااااف وين جنت ضحى اريد اروح على عمي واتعارك ويا وين جان ضامها علية
عهد: اسسسامة
اسامة: ياروح اسامة الله يقبلها اعرف ابوج صار ٣. سنوات وماكلي عليج
ضحى: ولك عوف مرت اخوية لتزعجها
اسامة: ايباااخ مرت اخوها واني رجل كرسي هنا غير رجلها
تقرب علية باس راسي فات للحمام
عهد: ضحى بس اوديلة ملابسة
ضحى : روحي حبيبتي
رحت طلعتله تراكسود ومنشفة انطيته ياهن ورحت للاستقبال كعدت يم البنات وهنه يسألني ع الزواج وشلونه واخبار العزوبية طلع اسامة ذخل للاستقبال كامن خواته بوسنه وباركنله ومرت اخو باركتله اميرة راح كمزت عليه وتباركله والجهال كلها عليه يركضون واني اباوعله من بعيد يجنن وتعامله ويا الجهال يرفع جاهل جاهل يبوسة وينزله صدك احبه ضحكت بداخلي موعلساس اني الي ماحب بس اسامة كلب كل قوانين حياتي
اية: يلة يلة ورانه صالون وسوالف
عهد: ههههه نفس الصالون مال عرس
سجى : اي
عهد: ماحاجزة
سجى: خابرني اسامة البارحه وحجزتلج
ابتسمتله بكلشي مفكر رحت لبست عباية اسلامية لان اصلا راح ابدل بلصالون لفيت شال وطلعت ويا سجى واميرة للصالون البقية ضلو بلبيت اسامة وصى ضحى علمود الغدا لان اهلي هم راح يجون وصديقاتي ونسوان اصدقائة وعائلاتهم المهم يعني البيت اليوم ينترس طلعنا اسامة يسوق واني بصفة سجى ماقبلت تكعد بصفة ضلت هيه واميرة ورا وعبد الله ابن ضحى ويانه نزلنه للصالون واسامة كال راح اروح اتسوك للبيت هوة وعبد الله احنه دخلنا للصالون وهمه راحو لعبو بيه طوبة بالصالون مكياج وهوسة لبست بدلة لون شرابي واني بيضة طلعت اخبل بكل تواضع لل١٢ اجه اسامة اخذنة وتخبل الطريق كله يباوعلي رجعت للبيت اهلي جايين بوست امي وبجيت متحملت مشتاقتلها وهيه تبجي شفت ابوية فرفحت صدك صعبة فراق الاهل الله يرحم كل ام واب توفو ويحفظ كل ام واب عايشين بابا نزلت دموعه وحضني وشفت عزة وفرح ومرت ابوية واخوتي كلها جايين طببوني للغرفة فرح واميرة بدلت البدلة لان ثكيلة وبعد وكت لبست فستان جويتي وبي ذهبي ودخلت للاستقبال ديصبون غدة صبو الغدا على طول الاستقبال للنسوان والزلم بالصالة لان اقل من النسوان تغدينة وكمت شالو الغدا ووكفو يغسلون المواعين هذا الحجي الساعة صارت بل ٢ دخلت لبست البدلة وعدلت المكياج والبنات وياي كمت طلعت كعدت بالاستقبال وشغلو الديجل ودك وركص ماشفت لا بابا ولا ايسر ولا سرمد ولا حتى اسامة كل الزلم طالعين كعدت وبدن النسوان يجن ويباركنلي ربى وفرح واميرة وعزة يمي ياهي التجي تباركلي ربى تعرفني عليها جتي مرت عمران الي صبغ البيت صديق اسامة وجني صديقاتي الي بلكلية ومرت ايهاب صديق اسامة والجوارين وجوارين من طرفنه وصديقات بالاعدادية ومرت ابو ل اسامة وعماته وخالاته وجناينهن ونسوان العم وبناتهم اختصرلكم عشاير جتي واني ماعرفهم همزين ربى يمي بدة الدك والركص وكل شوية ساحباتني ابدل لبست سبع فساتين واحد ابيض وبي شذر صلوخ وفوكاه مثل العباية تول وبي شذر ولبست ثوب قصير اصفر ولبست احمر وحتى اسود لل٧ الحفلة مستمرة بدت الناس الغربة تروح وصديقاتي والجوارين باركولي وجايبين هدايا طلعو بقو بس الكرايب طلعو العمات والخالات وهم جايبات هدايا راحو اهلي هم بقت بس اميرة وربى وسجى ينضفن البيت البيت لان اسامة ماقابل انضف واوصخ نفسي مفهمت ليش لل٩ سجى خابرت اسامة يجي للبيت اجه اسامة وبنفس الوقت طلعن سجى وربى واميرة رجل ربى اجه اخذهن صفة البيت كلها راحت طبيت للغرفة اريد ابدل دانزع سحاب البدلة مدصيطر علية دخل اسامة للغرفة
كعدت الصبح طبيت غسلت وبدلت سويت الريوك ورحت كعدت اسامة واني ابوس بي كعد ورفع عينه للسكف
اسامة : يا ربي اذا يومية هيج تكعدني شلون اشبع نوم اني ترضاها انته
ندار باوعلي
اسامة: تعاي تعاي
سحبني لحضنه
عهد: كوم حبيبي
اسامة: لا ماكو
ضل يدغدغدني ويبوس
عهد: هههههههه كافي اسامة ولك اسام نههههه كافي بطني توجعني اخخخ بطني اسامة
ابتعد عني
اسامة: شبيج حياتي
عهد: جفصت ببطني وانته ثكيل
اسامة: اسف اذيتج
عهد: لا حبيبي
بستة وسحبت نفسي من جوا وطلعت طلع وراي غسل وجهة واجه كعد ياكل كام ورا ماكمل ريوكه باس ايدي
اسامة: عاشت ايدج حبيبي
عهد: بلعافية حبيبي
كام غسل لميت المواعين غسلتهن ورحت شفته ديخابر علمود الشغل بالدوام ضايعين بدونه بقت بس ٣ ايام على اجازتة رحت لمرسمي رفعت شعري ذيل حصان لبست نضارتي ولبست تيشيرت الرسم ابيض ربع ردان بس صاير الوان يعجبني كلش وكعدت ارسم اندمجت بالرسم حيل احب ارسم ياخذني لغير عالم واني صار ٨ ايام مراسمة حيل اندمجت حاطة هتفون بأذني موسيقى بتهوفن رايحة لغير عالم جفلت على ايد حاوطت ركبتي وشي التصق بضهري سحبت السماعات رفعت راسي اسامة واكف وراي
عهد: ها حبيبي محتاج شي
اسامة : محتاج اشوف عيونج الحلوة اويلي شسويتي بيه من شفتج اول مرة بهل لبس
عهد: طالعة حلوة
اسامة: اوووويلي شنو حلوة بس مو هيج جان شعرج
كمت وكفت فتحت شعري لفيته كعكه وحطيت فرشة الرسم بداخلي
اسامة: خرررب ببليسج اجه حضني وحط راسة بركبتي
عهد: حبيبي شسويلك غدة
اسامة: انتي غداي
أنت تقرأ
عهد❤ أسامة
Genç Kız Edebiyatıانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
