كملت الغدة واسامة كمل الزلاطة كعدنه ناكل وكل شوية اسامة يسحب ايدي ويبوسها ويكول عاشت ايدج كملنا غدة وكمنه غسلنا طب اسامة ينام واني رحت تمددت بس ماكدرت انام شفت اسامة نايم ولازم ايدي حليت ايدة وكمت خابرت امي
📞📞📞
ام ايسر: الو
عهد:هلو ماما
ام ايسر: هلا ب ماماتي شلونج
عهد: الحمد لله انتي شلونج بابا شلونه
ام ايسر: الحمد لله زينين بس ابوج متأثر بغيابج انتي بشريني شلونج ويا اسامة
عهد: الحمد لله زينين
ام ايسر: مرتاحة ويا
عهد: اي والله ماما مرتاحة
ضليت احجي ويا امي وداحضر كيكة حاطة الهتفون بأذني واشتغل وعزة هم حجيت وياها
عهد: ها عزة شلونج
عزة: مشتاقتلج😢
عهد: وج هاي تبجين البارحة عفتج شبسرعة شتاقيتيلي
عزة:😢 انجبي والله اشتاقيتلج ليش تزوجتي تعاي ارجعي
عهد: وين ارجع
ايد حاوطت خصري وراس فوك جتفي عرفته اسامة
عزة: لبيتنا اطلكي وارجعي
عهد: هههه لا شلون يصير
اسامة مد ايدة يأشر بمعنى منو
عهد بهمس: عزة تريدني ارجع
سحب سماعة من اذني
اسامة: عزة هاي صدك تحجين
عزة😢: اي خلي ترجع طلكها ماقبل اني
اسامة : والله ماعوفها
حسيت اسامة عصبي بس مديبين غمزتلة بمعنى لخاطري
اسامة: عزة ياعيني هيه هاي قسمتها بعدين هي وين عايفتكم هاي البيت عشر دقايق وتوصليلة شوكت متردين اجيبج يمها بس مال اعوفها تعذريني مثل متريديها اريدها اني هم
عهد: حبيبتي كافي بجي والله مو بعيدة عليكم
اسامة: كوليلها تبدل راح اروح اجيبها
ابتسمت : عزة بدلي راح يجيج اسامة يجيبج الي
عزة: هسه ابدل
امي اخذت الجهاز مني وحجت
ام ايسر: عهد ميصير خلي تولي متجي
عهد: ماما لعد شلون تضل تبجي
ام ايسر: خليها تتعلم مو صغيرة هيه
اسامة: شكو
عهد : امي متقبل
سحب الهتفون وحجى وياها
اسامة: عمه ليش خلي تجي
ام ايسر: هلا اسامة لا ميصير عرسان باول يوم شتسوي يمكم
اسامة: عمه شنو هل حجي غربة احنه
ام ايسر: لا عيني ميصير
اسامة: والله ما اقبل هسه جايها
ام ايسر: بس يا اسامة
اسامة: عمه لخاطري ماشي
ام ايسر: ماشي
عهد: يلة ماما اخذي راحتج
ام ايسر: الله وياج ماما
عهد: مع السلامة
سديت الجهاز وانداريت اسامة ماكو غسلت ايدي ورحت للغرفة لكيتة ديبدل باوعلي وابتسم اقتربت منه وحاوطت خصرة خليت حنكي بنص صدرة ورفعت عيوني بوجهة ابتسم
عهد: خوما ضجت
باس راسي
اسامة: لا حبيبتي
عهد: والله
اسامة : والله احس بيها حقها تزعل وانتي مبتعده عنها هو اني ماصار ٣ اشهر اعرفج وماتحمل فراكج هي شحالها وصار سنين وياج
عهد: يمة فدوة لحبيبي
رفعت نفسي على اطراف اصابعي وبست خدة
عهد: اخخخ لحيتك تجكجك
اسامة بابتسامة: والله
نزل خدة لخدي يحك وجهة بوجهة
عهد: هههه كافي اسامة
اسامة: بعدها تجكجك
عهد: هههه اي كافي تأذيني
بعد خدة وشالني لفيت رجلي على خصرة
اسامة: هاااا😉
عهد: ههه نزلني
اسامة: لا لا
عهد: اسامة يله تأخرت على عزة
اسامة: احمدي ربج عزة نقذتج بس اريد بوسة
عهد: نزلني وتدلل
اسامة: اي وتضحكين عليه وتنهزمين
عهد: لا والله وهاي بوسة
بسته بخدة
اسامة: عهددد مو هنا
عهد: اووه اسامة
اسامة: يلة ترة مانزلج
بستة ع السريع وفكيت رجلي من خصرة نزلني
اسامة: هو هذا هم حضي
عهد: هههه يلة حبيبي
اسامة: راح اعبرها الج بس متفوت وداعت هل عيون
باس عيوني وراح للكنتور يطلع تيشيرت طلعتله قميص
عهد: البس هذا
اسامة: لا حبيبي مو حلو التيشيرت احلى
تخصرتله ورفعت حاجبي: والمن كاشخ ماكو تلبس قميص
تقدم علية وكور وجهي بيدة
اسامة: يمة الغيرة يمة انعل والديها التباوع عليه غيرج
عهد: وانته متباوع
اسامة: تنعمي عيني ان شاء الله اذا باوعت على غيرج
عهد: اسم الله حبيبي
اسامة: اليوم تضاهر تريديني أتأخر على اختج
عهد: لا يلة البس
لبس القميص تقدمت سديت الدكم اله وهو مبتسم رش عطر شال السويج والجكاير والموبايل وطلع من الغرفة واني ورا وصل للحديقة السيارة بالحديقة ديفتح الباب لزمت ايدة ندارلي
اسامة: ها حبيبي
عهد: لتتأخر
اسامة: لا والله ما أتأخر
لزمت ياخة قميصة وباوعت بعيونه
عهد: اوك
اسامة: شبيج حبيبي
عهد: مبية
ابتسم وباس راسي
اسامة: والله ماعندي غيرج كلها تروحلج فدوة يلة حبيبي لتفتحين الباب ابد الا ادك عليج
ابتسمت صاير يفهمني بدون ما احجي هسه كلكم تكولون شكو هلكد تغارين بس من حبي اله لو بيدي ما اخلي يعتب باب البيت حتى محد يشوفة مو بس النسوان حتى الزلم اغار منهم من يحجون ويا حتى اصدقائة المهم صعد سيارتة فتحت الباب طلع السيارة سديتها ورا ووكفت اباوعلة اشرلي ادخل جوة اشرتلة باي وسديت الباب دخلت للبيت شغلت اغنية قيس هشام بعيوني اضمة وكملت الكيكة حطيتها بالفرن ونضفت المطبخ دك جهازي باوعت اسامة
📞📞
عهد : ها حبيبي
اسامة: حبيبي وصلت الطرف فتحيلي الباب
عهد: اوك
حطيت شال على راسي وطلع جريت الباب سلايت شفته اجه يمه فدوة شلون شخصية لو البسة كونية يطلع يجنن ابتسم اول ماشافني وعزة كاعدة بصفة صدك مشتاقتلها وكفت صفح دخل السيارة للبيت عزة ع السريع نزلت وحضنتني وتبجي
------
اسفة ع التأخير بس والله تعبانة حيل عضامي توجعني من البارحة نايمة لليوم بل٢ يلة كعدت وراسي يوجعني شربت جاي يلة استعدل شوية وشفت تعليقاتكم الجميلة وكعدت اكتب شكرآ لتعليقاتكم الحلوة والتصويت الرائع 🌹🌹
احبكم❤
الكاتبة : Lamar Alzankna
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
