عهد: ليش شبيهن الالوان
فرح: وج مو الالوان بس رجال عمرة ٣٠ سنة تلبسي مال كبلات
عزة: عوفيها اشوف شلون راح يلبسة
اخذنة الغراض وطلعنه للعيادة دخلت امي وفرح للدكتورة واني وعزة ضلينا بصالة الانتضار ورا شوية طلعن والابتسامة شاكه حلكهن وكفت اني وعزة
عهد: بشرو
فرح بابتسامة: من اليوم اسمي امي علاوي
عهد بفرحة: هلا باحلى ام علاوي
عزة: يعني اني عمه علاوي
عهد: اي واني هم
طلعنا من الدكتورة فرحانين اخذنة تكسي ورجعنا للبيت كلنا ل ايسر طار من الفرح وابوية نفس الحالة اول حفيد اله ولد شايلين فرح بالصلوات الحمد لله ياربي جتي امها لفرح واختها يهلهلن وطبن يباركلها دك عليه اسامة
📞📞
اسامة: الو
عهد: هلو
اسامة: شنو هذا الصوت يمج عهد
عهد : من اليوم اسمي عمه علاوي مو عهد
اسامة: اها بالخير باركي ل ايسر وام علاوي بالنيابة عني
عهد: يوصل ان شاء الله انته وين
اسامة: يم سرمد دنتعشى
عهد: بلعافية اخذ راحتك
اسامة: عهد باجر بيش ساعة تخلص محاضراتج
عهد: باجر ماعندي محاضرات ماروح
اسامة: اها زين اخذي راحتج
عهد: مع السلامة
اسامة: الله وياج
سديت الخط كعدنه نتعلل ويا اهل فرح لل١٠ راحو اهلها كمت نضفت المطبخ وعزة الاستقبال وطبينه ننام خابرت اسامة 📞📞
عهد: هلو
اسامة: هلا ب روحي
عهد: رجعت للبيت
اسامة: اي
عهد: شدسوي
اسامة: لاف نفسي ببطانية ودباوع فلم
عهد: ليش ممشغل التدفئة لو الصوبة
اسامة: مشغل الصوبة بصفي بس بردان
عهد: ليش خاف مريض
اسامة: لا بس اريد احد يدفيني
عهد: اسامة بلا سخافة شبيك
اسامة: اكو وحدة تكول لرجلها سخيف
عهد: ماكلت سخيف كلت بلا سخافة بعدين بالي يمك اخاف مريض
اسامة: لا مبية شي
عهد: اخاف مصخن
اسامة: شلون اعرف
عهد: ماكو محرار يمك
اسامة: لا يلة دعوفي شدسوين
عهد: ممطمئنة ترة
اسامة: شبيج حبيبتي هلكد تحبيني
عهد: شدتابع يا فلم
اسامة: اجنبي تتابعين وياي
عهد: شلون
اسامة: كومي شغلي التلفزيون وباوعي وياي على ام بي سي تو
عهد: اوك
كمت للصالة فتحت التلفزيون ونصيتة على كدي وجبت بطانية لفيت نفسي مثلة وكعدت اباوع ويا والمكالمة مفتوحة وهو يعلق ع الفلم
اسامة: عهد
عهد: ها
اسامة: شسويتي بقياسي اليوم
عهد: معليك
اسامة: دكولي
عهد: ماعليك انته
اسامة: كتلني الفضول احجي
عهد: شكد تلح اخذتلك قميص
اسامة: هلا ب مرتي واخيرآ تذكرتيني
عهد: علساس ناسيتك
اسامة: مناسيتني مو
عهد: خلي نباوع الفلم
اسامة: عهد
عهد: نعم
اسامة: كويلي القميص باجر البسة
عهد: ماكو
اسامة: ليش
عهد: تلبسة ورا الزواج
اسامة: ليش عود
عهد: من تدخل بما لا يعنيه وجد مالايرضيه
اسامة: فدنوب كولي اني وجاري شدخل حماري
عهد: ههههه لا مو هيج
اسامة: ضحكتج معناها اي
عهد: انته ليش تدور مشاكل مو دنباوع
اسامة: من اخرة بهيج حالة هيه هاي هم تسميها دنباوع كل واحد ببيت وبينة مسافة اكثر من ٣ كيلو متر
عهد: استغفر الله اكوم انام
اسامة: ليش تضوجين
عهد: اسامة من البداية كتلك تطول الخطوبة ٣ اشهر وانته قبلت صح لو غلط
اسامة : قبلت اي من الله يكص لساني
عهد: خل نكمل الفلم
باوعنه ورا عشر دقايق
اسامة: عهد كومي
عهد: وين
اسامة: سويلي شامية
عهد: نعم
اسامة: الله ينعم ضلوعج شامية مشتهي اريد شامية
عهد: منين اسويلك
اسامة: ههههه اتشاقة وياج ليش ساكته ماتحمل زعلج
عهد: غير انته تسوي مش
قاطعني: اش اشش حبيبتي انسي حقج عليه غير من حبي الج
ضليت ساكته داباوع الفلم طلع مشهد البطلة تعترف للبطل بحبها
اسامة: اااااااخ
عهد: ها شبيك
اسامة: يوم الالي
مجاوبته عرفته يقصد ع الفلم والبطلة تعترفلة
اسامة: ماسألتي شنو اقصد
عهد: ماريد اعرف
اسامة: عهد
عهد: نعم
اسامة: تحبيني
عهد: تصبح على خير
اسامة: انتضري انتضري سكتت خلي نباوع فلم
سكتت مجاوبتة
اسامة: عهد اقريلي قصة
عهد: نعم تريد الوليلك
اسامة: علواا
عهد: ماكو
اسامة: عهد احس عضامي توجعني مدري شبيه
عهد: مبيك عرج ميطكك
اسامة: امانة عهد احجي اي قصة
عهد: شتريد اقرالك ليلى والذئب
اسامة: اي
عهد: هههه من كل عقلك
اسامة: والله
عهد: اوك جان اكو بنية حلوة وحبابة ........ قريتلة القصة
عهد: ها خوش اروي قصص
مجاوب اسمع صوت تنفسة
عهد: اسامة اسامة
مجاوب
عهد: شنو نمت
مجاوب
عهد: اوك تصبح على خير
سديت الخط وكمت لفراشي انام غفيت واني افكر بي كعدت الصبح بال٨ جريت الموبايل من جوة المخدة ممخابر ولا داز رسالة يومية يدز اقل شي بس صباح الخير معقولة زعلان لا ليش يزعل مو قريتلة قصة وهو راضي هاا ميريد يكعدني يدري اليوم ماعندي كلية كمت سويت ريوك وكعدت اتريك ضليت اباوع لجهازي كل شوية ليش لحد الان ما اتصل خابرته اني
📞📞📞📞📞
دك دك دك مجاوب سديتة ورجعت دكيت
📞📞📞📞📞📞
مجاوب ضل بالي علية شلون يا الله رحت لموبايل امي خابرت ضحى
📞📞
ضحى: السلام عليكم ام ايسر
عهد: وعليكم السلام اني عهد
ضحى: هلا بالعروس هلا بالغالية اليوم متذكرتنه شعجب
عهد: والله مشغولة بالكلية
ضحى: اتشاقة وياج عوبة شلونج
عهد: الحمد لله وانتي
ضحى: الحمد لله بخير
عهد: ضحى عفية متعرفين اسامة وين
ضحى: غير بدوامة ليش
عهد: داخابرة ميجاوب
ضحى: يعني مغلق
عهد: لا ديدك بس ماكو رد
ضحى: يجوز باجتماع لو الموبايل مو يمه
عهد: مادري عفية بالي يمه خابري سرمد واسألي
ضحى: تدللين هسه اخابرة سدي دشوف
عهد: اوك
سديت الخط وضليت انتضرها ورة شوية خابرتني
📞📞
عهد: ها ضحى بشري
ضحى:
-----
#doda01 فدوة لكلبج اول وحدة تصوت للبارت اول مينزل هذا البارت
بالخصوص الج ❤❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
