الجهال جوي كالو اجووو اجووو اني صفريت وحمريت وخضريت دخلن النسوان والزلم طبو للاستقبال اني مكعديني وكفت بوسني النسوان
ضحى💋 وهمست :هاي شبيج صفرة
عهد: خايفة
ضحكت والنوب بوستني سجى: هلا بلعروس مرت الغالي
زاد خوفي بعد اكثر
وراها بوستني ربى: الله يساعد اسامة شلون حيتحمل يباوعلج وانتي بهل جمال
اني طمست بهدومي جتي بنية تطلع بعمري شوية اصغر بوستني: والله خالي ذواق
ضحى: ههه هاي اميرة بت سجى ام لسان
وبدن النسوان يبوسن واني ماعرفهن عرفت عمته الي اجتي من خطبوني والباقين ولا وحدة عرفتهن كعدن واني مياة خوف هناك كالو راح يقرون الفاتحة قرو الفاتحة واسمع مباركة الزلم والنسوان تباركلي كالو راح يكطعون المهر وكفوني ورا الباب وامي وفرح وضحى يمي والنسوان داير مدايري فلم رعبب صار بالنسبة الي كلبي يرجف ويضرب بقوة يمكن الي بالاستقبال سمعو والشيخ كال وكلي وكلت اخوية ورددت ورا و اسمع صوت اسامة هم ردد ورا الشيخ كال مبروك وعلت صوت الهلاهل كلللللللوش كللللليش خواته وعماته وخالاته ومرت ابو وبت خالة ابوية وخالتي ونسوان خوالي واسمع مباركة الزلم يهنون بي بالاستقبال وكامت النسوان تبوس بية ويهلهلن وجكليت على راسي والجهال جوة الرجلين يلمون جكليت ويصفكن اجواء حلوة بس اني ل هسه ممصدكة يعني تزوجت هسه اني صرت مرتة بالشرع اجتي امي بوستني وباركتلي وخالتي ومرت ابوية ونسوان خوالي والكرايب وكرايب اسامة وخواته والجوارين خلصوني تبوس كالو العريس يريد يجي يشوف العروس اني كبل لزمت ايد فرح
عهد: لتعوفيني
----
اسامة
طلعنالهم للبيت وصلنه دخلن النسوان واحنه دخلنا للاستقبال هواي زلم جايين واحنه جايبين هواي طبينة سلمنه وكعدنه قرو الفاتحة وكامو يتباركولي الزلم والشيخ كال يله نعقد وبديت اسمع صوت النسوان الجوة فتحو الباب شوية حتى ينسمع الصوت والشيخ كاللها وكلي وكيل عنج وكلت اخوها وبدة الشيخ يردد وهي تردد ورا واني نفس الحالة لحضات فرح بالنسبة الي واخيرآ راح اتزوج واصير مسوؤل عن مرة راح تصير بركبتي مرة واني افكر بيها الشيخ كال مبروك وسلم علية وبدت الزلم تباركلي وابوها باركلي وكالي هاي مدللتي دير بالك عليها كتله بعيوني اخليها كالو ادخل شوف عروستك وهو هذا الي جنت انتضرة فتحو الباب ودخلت بدت النسوان يلبسن شالاتهن وابتعدن منها واشوفلك قطعة جمال مادري شوصفها اجمل مارأت عيني قطعة بيضة وتخبببل ولابسة فستان ماروني ورصاصي من كدام للركبة ومن ورا طويل صلوخ مادري شلون اوصفة لو شعرها مرفوع بدايتة والورا نازل على ضهرها وجتفها اذا اكول قطعة من القمر قليل بحقها انتبهت على كل تفاصيلها عدها شامة بحنجها جوة شفتها و شامة بنص ركبتها على تفاحة ادم بالضبط وهي تبلع بريكها ومدنكه راسها وتعصر بفستانها بايدها اليمين وايدها اليسار تعصر ايد بنية بصفها الضاهر خايفة ومتوترة كل هالشي انتبهتله باقل من دقيقة ماعويت على نفسي من شرودي بيها الا و ضحى تبوسني وتباركلي وجكليت يطشو فوك راسي عماتي وخالاتي اجن يبوسني وخواتي وبناتهن واني عيني عليها وعلى شامة ركبتها تنزل وتصعد وية متبلع ريكها ضحى كالت عوفن العريس يشوف عروستة ودفعتني حتى امشي مشيت خطواتي واني عيني عليها مرفعت راسها وصلت كدامها لزمت جتفها واحس كهرباء بكل جسمي اول مرة الزم مرة بحياتي هواي حاجي ويا بنات بس مالازم مرة من قبل وفوك هذا مرتي الي حلالي لزمت جتفها درتها باتجاهي بست راسها مديت ايدي ل ضحى ناوشتني الذهب البسها واني اباوع عليها عطرها دوخني كل هالنسوان الي داير مدايري والصفكات والاغاني والهلاهل بس ماسمع بس صوت نفسها فتحت الكلادة بيدي واقتربت دالبسها البنية الي جانت لازمتها عهد من دخلت اتصور مرت اخوها رفعت شعرها مديت راسي من يم ركبتها وداسدها واشتم بيها ريحة خبلتني فقدتني اقتربت اكثر بحجة داسد الكلادة اطراف شفايفي طختها هي رجفت بعدت نفسي عنها واشوفها صايرة كركم من الخوف لزمت ايدها دالبسها الحلقة اميرة كالت اثبتو داطك صورة درنة وجهنة عليها طكت الصورة ضحى انطت الحلقة ل عهد حتى تلبسني ماتحركت ردتها هيه تسحب ايدي متحركت ضلت صافنة ابتسمت ومديت ايدي لزمتها ولبستني وهم اميرة ثبتتنه وطكت صورة تربت منها بست راسها والنوب مديت اصبعي جوة حنجها رفعت وجهها بوجهي دابوس كصتها صارت عينها بعيني احس حتى عينها ترجف ثواني باوعت بعيوني ونزلت عيونها قربت شفتي من كصتها وبستها بوسة طويلة طولت ١٥ ثانية لو اكثر ماحسيت الا على صوت تصفيك قوي وعيت على نفسي كلتلها مبروك مرتي جاوبتني بصوت مرتجف
أنت تقرأ
عهد❤ أسامة
Romanzi rosa / ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
