كعدت الصبح شي دافي جواية وبطني توجعني مديت ايدي لا يا الله جايتني العادة دفعت اسامة عني وكمت للحمام العادة جايتني بس غير شكل ما اتعمق بلتفاصيل طلعت حضرت الريوك بس بطني الم موتتني براستول بندول ماعدنه كعدت اسامة وكعدنه نتريك حسيت سجاجين ببطني وكفت وانيلازمه بطني
اسامة وكف: شبيج حبيبي
عهد: بطني اسامة بطني
تقرب يمي ايد على ضهري والثانية على بطني ويسألني شبيج
عهد 😭: جايتني ال...... بس بطني مردتني الحكللي اسامة راح اموت
اسامة : اششش اششش انتضري
وكفت ساندة ايدي ع الميز والثانية لازمة بطني احس ال.... زادت علية اجه ركض لفني بعباية وشالني واني ابجي من الألم صعدنه بلسيارة فتح الباب واجه ركض طلع السيارة واني ابجي شاف ابن جوارينهم صاح عليه يسد الباب طلع سريع للمستشفى احسه ارتبك ودموعة بطرف عينه
عهد: اسامة راح اموت الم ألم ألممممم
اسامة: انجبي ميصير بيج شي انجبي انجبي انجبي
دموعة تنزل يمسحهن ويرجعن ينزلن
عهد: اسامة لتبجي
لزم ايدي: لتبجين والله غوشت عيوني لتمردين كلبي شببيج البارحه وردة
ماعرف شلون وصلنه للمستشفى وشلون شالني اسامة ودخلني لغرفة الطوارئ واني بس دموعي تنزل احس سجاجين ببطني
الدكتورة : شبيها المريضة
اسامة : بطنها توجعها وو تكول علية
العادة
الدكتورة : لو سمحت انتضر برة اشوفها
اسامة: اني رجلها بس شوفيها فدوووة ساعديها
الدكتورة: اخي العزيز بس اطلع خليني اشوف شغلي
اسامة صرخ بيها: لتتتتتتتحجييييين شووووفي شبييها
عهد: اسامة اطلع راح تموتني
طلع من الغرفة واني اسمع صياحة برة سدت الباب الدكتورة اجتي تلمست بطني واني اصرخ فحصتني سحبت السونار على بطني جان تفتح الباب وتصيح
الدكتورة: سستر ع السريع سستر تجيني جيبو سدية
لزمها اسامة ويصيح شبيها وشبيها
الدكتورة : زوجتك مو عادة زوجتك حامل والطفل حالته خطرة
اني سمعت هل حجي مدري شصار بية اباوع لاسمة كدام الباب لزك ضهرة على الحايط ونزل للكاع ويبجي دخلت ممرضة وممرض شالوني ع السدية واني بس دموعي تنزل نسيت الألم كل الي افكر بي ابني واتذكر اسامة باول يومين زواجنه. يكول اترسيلي البيت جهال طلعوني من غرفة الطوارئ بالسدية اسامة لزم ايدي ويتوسل بلدكتورة تنقذني وتعوف الطفل حتى لو يموت واني ماكدر احجي احس لساني ثكل بس اهز براسي بمعنى لا لتكتلون ابني بعد ماتذكر شي غفيت بس اسمع صوت يحجون بالانكليزي ويصيحون علكو المغذي اضربو ابرة تثبيت وابر اسماء انكليزية وغبت عن الوعي واني بداخلي اكول لتكتلون ابني اخر شي سمعته باب انسدت وواحد يكول زوجها هجم المستشفى واسمع صراخ اسامة برة الغرفة بعد رحت لغير عالم كلشي اسود صحيت على قطرات مي على ايدة وشي دافي متقطع عليها فتحت عيوني بتثاقل باوعت غرفة بيضة قنينه اسطوانية سودة سرير ازرق مغذي معلك بايدي وايد الثانية اشوف بس شعر اسامة وقطرات مي تنزل على ايدي
عهد بهمس: حبيب يي
رفع راسة عيونه حمر باوعلي وكام يبوس لكل وجهي حط راسه على صدري ويشهك
اسامة: لتعوفيني لتعوفيني
مديت ايدي الي بيها كانونة مسدت على راسه هوة حاضن بطني وراسة على صدري ويبجي تذكرت بطني وابني
عهد : اااا ببن يي اسامة
رفع راسة : عايش نقذوه
عهد: والله
اسامة: والله العضيم نقذوه
عهد: تعبان ااانه
اسامة مسح دموعه : حقج حبيبي هسه ترتاحين خلي اصيح امج برة
عهد: ماما هن اا
اسامة: اي حبيبي
فتح الباب دخلت امي وابوية يبوسون بيه وامي تبجي بابا يباركلي على حملي دخلت عزة وفرح بوسوني واني مبية حيل اجاوب دخلت الدكتورة طلعتهم كلهم بلعت ريكي
عهد: اريد اسااا مم ة
الدكتورة : ههه اسامة زوجج مو
هزيت راسي بمعنى اي
الدكتورة: ما اكلج بس اسويلج سونار
عهد: اريد اسامةة ويايي يشوف ابنه
الدكتورة: هههه
فتحت الباب وصاحته دخل سدت الباب وكف يمي لازم ايدي والدكتورة من الجهة الثانية تفتح الجهاز رفعت بلوزي حطت جلي على بطني وبدت تمشي السونار فوكاه
الدكتورة : ها هيانه البطل عمرة سبوعين
عهد: واللللللله
الدكتورة: اي صار شكد متزوجين
عهد: سبوعين
الدكتورة : هههههه ابنكم وكح من هسه اكوللكم من اول يوم قرر يجي واليوم قاتل وياج وويا ابو حتى يبقى هواي حالات مثل حالتج نفقد الجنين بس ابنج متعلق بالحياة لو دموع ابو وتوسلاتج الي خلته يتعلق اكثر
عهد: يعني هسه بداخلي طفل
الدكتورة بابتسامة: اي بس بعدة مو طفل هستوه يتكون كلبة كامل تسمعون النبض
عهد: اي عفية
اندمجت ويا الدكتورة ونسيت اسامة الي لازم ايدي فتحت الصوت واسمع دم دم دم دم نبضاته شي خيالي نزلت دموعي نداريت لاسامة مصدوم يباوع للشاشة وبس دموع تنزل عصرت ايدة
عهد😢: حبيبي
اسامة: هذا ابنه مو ابني اني راح اصير اب هذا صوت كلبة
نزل جسمه للكاع وايدة لازمة ايدي وراسة على طرف السرير فوك ايدي ويبجي مديت ايدي الثانية فوك راسة امسح على شعرة وهو يبوس بايدي بدون ميرفع راسة
الدكتورة : شوفو هذا هوة
اسامة رفع راسة : وينه
الدكتورة تأشر على الشاشة شي بكد حبة الفاصوليا اسامة عاف ايدي وتقرب للشاشة عبالك فاقد يباوع للشاشة بتركيز والدكتورة مبتسمه اني مبتسمه ودموعي تنزل نزلت دموع اسامو ندار يباوعلي بنضراته احسة يكول راح اصير اب هزيت براسي: اي هذا ابنه
تقرب على راسي باس كصتي
اسامة: احبج يا اجمل شي صار بحياتي احبج يا امي ابني احبج ياكلشي بحياتي الدكتورة نزلت دمعتها مسحتها : الله يحفضكم ويحفظ البيبي الجديد سحبت الجهاز مال سونار وانطتني كلينس امسح بطني اسامة اخذهن من ايد وكف يم بطني يمسح على كيفة مسحها الدكتورة طلعت نزل راسة على بطني بخفة باسها وحط راسها يسمع شنو بيها بهدوء
عهد: تحبة
اسامة: كلشي بداخلي يكمز يريد يطلع مافرحت بشي بحياتي مثل هل خبر مامصدك لحد الان شوكت تجيبين
عهد: هههههه بعد ٩ اشهر ان شاء الله
رفع راسه: لاا هووواي بعيد
عهد: تعال يمي حبيبي تعال
اجه باس راسي ولزم ايدي دخلن ضحى وسجى وربى واميرة وسرمد واية يهلهن وفرحانات اسامة حضن ضحى
اسامة: راح اصيير اب اني راح اصير اب
ضحى: ادري مو كتلي
اسامة: مداصدك
سجى: كالو عمرة سبوعين هذا ابن الفرشة
ربى: هههههه
كلها باركتلي ماطولو راحو بقت بس ماما واسامة وايسر للمغرب اسامة كاللهم يروحون امي كالتله وعهد شلون كاللها اني يمها كالتله تحتاج مرة وياها تغسلللها تحتاج شي كاللها عمه اني رجلها وعيوني اذا تريدها انطيها بوستني وراحت اسامة جاب عشا معلاك علمود يزيد دمي لان دمي ١٠ لازم يصعد عشاني بيدة اجتي الدكتورة كالت
الدكتورة:راح اطلع خلصت خفارتي بقت زميلتي اي شي يصير خبروها وهي تخابرني
عهد: شكرآ دكتورة لان انقذتي ابني
ابتسمت الدكتورة: واجبي هذا بس ديري بالج عليه اي ثكل لو حركة خطأ تأذي صدك انتي متدرين بنفسج حامل
عهد: لا ماعرف شلون الحمل
الدكتورة: محسيتي بشي غريب عادة مثل كثر اكل كثرة ضوجه كثرة نوم
عهد: نمت هواي بس مادري علمود الحمل
الدكتورة: اي الحمل صعب مزاج متقلب الشي التحبي تكرهي والتكرهي تحبي
عهد: مثل ريحه معينه
الدكتورة: اي آي شي
عهد: يعني عادي اذا لعبت نفسي من الجكاير
الدكتورة : ههههه اي اني رجلي ضل بعيد عني شهرين من ورا الجكاير
عهد: لا اني رجلي ترك الجكاير
الدكتورة: عفية والله اصلآ مضرة بالصحة يلة حبيبتي ديري بالج من الحركة والثقل لان انتي نزفتي ثقل صاير عليج
عهد: اي دكتورة تقريبآ ٨٠ كيلوا
الدكتورة رفعت حاجب
باوعت ل اسامة: ضحكت وطلعت
عهد: تعال اكعد احاسبك سويت عركة علمود بوسة طلع من ورا ابنك
اسامة: يلة عبرت بعد
عهد: اي والبارحه مردتني جواك وانته تلعب يوكا وهم بسببك
اسامة: يمة فدوة لمرتي اسف
عهد: ما اقبل هيج اعتذار تعال نومني بحضنك وافكر اسامحك
اسامة ابتسم: لعد هوة اني شرايد
تمدد بصفي واخذني بحضنه باس راسي نمت
------
هذا البارت قبل الاخير البارت القادم راح اختصرة وانهي ان شاء الله باجر انزله لان حيل تعبت اليوم كتبتلكم ٧ بارتات طوال عيوني غوشت ماعاد دشوف
🌻🌻تصبحون على ماتتمنون🌻🌻
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
