تقربت يم عهد ولزمت ايدها هي جفلت ضليت لازمها وافتر امها نتبهت علينا بس ماحجت شي شتكول قابل بالحرام مرتي واني رجلها كملنا الاجراءت ودخلنا ع القاضي عقدلنا وباركلنا وطلعنا سجى عازمتنه ع الغدا اهلي واهل عهد امشي بممرات المحكمة وايدي بأيد عهد فرحتي متنوصف هسه صارت مرتي بالقانون هم يعني ملكي وحدي وصلت سيارتي صعدت ضحى لحت عليها تكعد بصفي ماقبلت امها كالتلها اكعدي صعدت بالصدر بس مبينة خايفة اسوق وهي بصفي وامها واخوها الصغير وضحى وراي من اطراف عيني اباوعلها تفرك ايد بايد من التوتر وصلت كدام بيت سجى نزلت وهيه هم نزلت الخوف واضح عليها ضحى دكت الباب واني وعهد وامها واخوها وراها فتحت الباب اميرة دخلت ضحى دندخل وراها ماشفت غير الجكليت فوك روسنة وسجى وضحى وربى يهلهلن ابتسمت باوعت ل عهد هم مبتسمة جوي يبوسونه ويباركولنة
سجى💋: مبروك عهد حياتي صرتي جنتنه هسه ديري بالج على اسامة
عهد😳: بعيوني
ضحى💋: بالخير يوم الي اشوف جهالكم ان شاء الله ترة اسامة اخوية الصغير بالج يمة
عهد😳: ان شاء الله
ربى💋: هلا هلا بالعروس مبارك ان شاء الله يسعدكم
عهد: تسلمين حياتي
بوسوني اني هم ودخلنة زلم خواتي كاعدين باركولنة كعدنه بالاستقبال ندكت الباب كام عبد الله ابن ضحى فتحها ودخل ابو ايسر وايسر ومرتة ومرت ابوها ل عهد عائلتها بصورة عامة جايين كمت على عمي بوسته وباركلي
ابو ايسر: بالخير مبارك زواجكم دير بالك على ضوة عيوني
اسامة: لتوصيني بعيوني
ايسر هم بوسني: ترة هاي اختي ودمعتها غالية علية
اسامة: طول ماراسي يشم الهوة متنزل دمعتها ان شاء الله
ابو اميرة( زوج سجى): تفضلو ياهلا بيكم
عهد كامت باست ايد ابوها وحضنته هوة باس راسها: الف مبروك يابة تشوفين الخير
عهد😢: تسلم يابة
ابو ايسر: هاي شنو هل دموع هاي
عهد😢: ماريد اعوفك يابة
ابو ايسر وهو يحضن عهد: ههههه يابة وين عايفج هياني بصفج
بعد السلام والتحية كعدنه كلنا والنسوان جوة يحضرن الغدا بس عهد كاعدة يم ابوها
اميرة مدت راسها من الصالة للاستقبال: عهد كومي وياي
كامت عهد وراها وطلعو ضلينا بس الزلم ويحجون ع الشغل والاوضاع وهل امور دخلت مرت ابوية
مرت الاب: يلة راح نصب الغدا تفضلو
دخلت اميرة تمد السفرة كام كدامها عبد الله مدو السفرة وبدو ينكلون المواعين ياسمين بت ربى واميرة وحمزة ابن سرمد وبقية الجهال ينطون ل عبد الله وهو يرتب السفرة كملت السفرة ضحى كالت تفضلو نزلنة للسفرة دخلن النسوان عهد كعدت يم امها ومرت اخوها غير تكعد يمي اليوم كطعان المهر مال امها لو مالي سمينة باسم الله وبدينة ناكل عيني كل شوية ارفعها اشوفها مترفع عينها كامن فرح واميرة غسلن ورجعن وراها كامت عهد وسجى كامت وياها تدليها ع المغاسل كمت اني وراهم شفتها واكفة تغسل وسجى واكفة يمها انتبهت علية ابتسمت وكالتلها اروح احضر الجاي وفاتت للمطبخ المغسلة صايرة بالمنزع كدام الحمام فتت على كيفي للمنزع وهي تغسل وكفت وراها هي مدنكة تغسل رفعت راسها شافتني وراها جفلت
عهد😨: بسم الله
وندارت علية
اسامة: شبيج
عهد😓: مبية
رادت تفوت خليت ايدي ع الباب امنعها ضلت مدنكة: عفية ايدك
اسامة: شبيها
عهد: وخرها
اسامة: ليش
عهد: عفية وخرها يروح يجي احد ويشوفنا
اسامة: ويشوفون غير مرتي
تقربت الها رجعت ليورة صارت ويا الحايط رفعت راسها باوعت بوجهي
عهد: ها اا ي شتس وي وخرر
تقربت اكثر نزلت راسها رفعت وجها باصبعي
اسامة: باوعي بعيوني
عهد😳: عفية شتريد
اسامة: اوت البارحة ماقبلتي تنزعين الشال كتلج بسيطة
عهد😨: شتريد
اقتربت منها اكثر بستها بخدها و
أنت تقرأ
عهد❤ أسامة
ChickLitانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
