اميرة كالت خلي يركصون العرسان صدك والله كلها كامت تصفك تنتضرنة نكوم نركص بس اسامة يمكن معجبة الموضوع مادري يستحي كال ماكدر اني اعذروني . انعل ابو الخجل سويت نفسي ضجت ودرت وجهي باوعتلة 😩 عود ضجت منه ودرت وجهي عنه ورا ثواني لزم ايدي ووكف سحبني ويا لنص الصالة هلا هلا برجلي حط ايديناتي فوك جتفة وحط ايدة على خصري اقترب من اذني
اسامة بهمس: يا اغنية تريدين
دنكت راسي مستحية : م اا بعررف كي ييف بن ضرر ة
ابتسم واشر لاميرة اقتربت منه كاللها : اميرة مابعرف كيف بنضرة
اميرة: اللللللله اللله
راحت تركض على جهازها كتبت الاغنية وشكلتها ع الدي جي وعلت صوتها هو كام يركص بالبداية ستحيت بس بعدين ندمجت ويا الاغنية ونسيت الي داير مدايري ((شغلو الغنية الفوك وكملو قراءة القصة بينما تسمعوها )) ايدي على جتفة وايدة على خصري وبس صوت الاغنية براسي اجمل اللحضات مريت بيها نسيت الي داير مدايري كلهم
حسيت برقبك بالامان قربت راسي على صدرة وحطيت راسي فوكاه وهو يتمايل بهدوء حضني اقوى وهو يسمع للاغنية تقرب من بين شعري قريب من اذني همس مرتي حلالي اسعدج افرحج اطيرج احبج روحي حياتي عمري ام جهالي بعد ريتي نفس صدري ام بيتي عافيتي سعادتي صوت الجرس ال دك بالاغنية سكتة رجعت الاغنية باس كصتي 💋💋💋💋💋💋💋 سبع بوسات متتالية خلصت الاغنية رفعت راسي باوعت بعيونه ابتسم وطلع كل الكاعدات كامن يصلن ع النبي ويهلهلن وخطية خواته طايرات من الفرح اريد ارجع اكعد ربى ماقبلت جرتني تركصني وفرح وياي تركص كمت اهز ونسيت المستحى اميرة ويانة تركص اني داركص وصارت عيني بعينة واكف بباب الصالة آشر ل اميرة راحتله واني مخلوني اوكف ركص يركصوني وهو يباوع ويبتسم اميرة راحت اخذت باكيت الجكايرة مالته من فوك التخم الي جنه كاعدين عليه اني ويا اخذ الجكاير وطلع المهم لل٧ يلة بدت النسوان تروح تبوس وتطلع اني ردت اصعد ابدل كالو انتضري يجي العريس ورا ماطلعو الجوارين والناس الغربة اجه كعد يمي بقو بس الكرايب كاعد بصفي واني مدنكة راسي اجتي فرح جايبة موبايلي
فرح: ديدزولج رسايل
فتحت الجهاز
.....: السلام عليكم
استغربت رقم غريب مجاوبت سديتة جتي رسالة ثانية
.....: ليش متجاوبين
يالله منو هذا اسامة كال
اسامة: منو ديراسل
عهد : مو احد
اسامة :ها زين
رجعت ندزتلي رسالة فتحتها
...: اني مو احد
عززة هذا منو نداريت باوعت ل اسامة
جتي رسالة
.....: عرفتيني لو بعد احبج حلالي
عزززززة هذا اسامة نداريت عليه ابتسم بوجهي
----
اسامة
راحو الناس والزلم ضحى صاحتني ادخل يم عهد كعدت يمها شفتها مستحية دزيتلها رسالة ع الفايبر اجتي مرت اخوها نطتها الموبايل باوعت بي وسدته اني حاط موبايلي بصفي واراسل رسلتلها ليش متجاوبين باوعت بيها مجاوبت سألتها منو هذا كالت مو احد دزيتلها رسالة اني مو احد اشو هاي صفرت من الخوف وباوعتلي سويت نفسي مانتبهت الها راسلتها عرفتيني لو بعد احبج حلالي هي شافت الرسالة صارت حمرة من الخجل سجى كالت يلة نروح نرتاح تعبنه والله كمت بست راسها وطلعت انتضرتهن بالشارع ايسر واكف يمي وسرمد وابن عمي وابو ايسر طلعن النسوان صعدن السيارات ودعت عمي وايسر وطلعت الطريق كله مبتسم وفرحان تذكرت من اميرة كالت كومو ركصو واني بحياتي ماراكص ستحيت وكدام الكل فوكاها بس عهد باوعتلي بنضرة ضايجة لزمت ايدها وكومتها حتى نركص حطيت ايدها فوك جتفي واني لزمت خصرها اطراف اصابعي صارت على ضهرها فستانها مفتوح شلون ركصنه وهي حطت راسها على صدري اووويلي احلى دقائق عمري وعيت على نفسي ويا وكفة السيارة نزلت ونزلن خواتي بيت عمامي طلعو لبيوتهم بقت بس سجى يمي وجهالها البقية راحو لبيوتهم طبيت للبيت لغرفتي نزعت ملابسي وطبيت غسلت نشفت ولبست تراكسود وطلعت دزيت علي ابن سجى على عشا جاهز اجتي كعدت اميرة تلعب بموبايلها صحتها تعالي يمي سدت موبايلها وجتي كلتلها
اسامة:تدرين انتي احسن بنية شفتها بحياتي واذكى بنية
ابتسمت: صدددك
اسامة : اي والله
طلعت من جيبي ٢٥
اسامة: هاي الج بمناسبة الصور الحلوات الي طكيناهن
دتاخذهن كلتلها لا دزيلي الصور بالاول رسلتلي الصور ع الفايبر كلهن كلتلها كوليلي منو كالج تصيحيلي نركص عهد مو
أنت تقرأ
عهد❤ أسامة
Chick-Litانا تلك الفتاة التي لا أومن بوجود الحب نهائيآ ...عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة تعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدو...
