إغتصاب ولكن تحت سقف واحد

الفصل الخامس عشر

الفصل الخامس عشر

توجهت مريم فى الصباح الباكر وقبل ميعاد ذهابها إلى الجامعة إلى الحديقة لفتح رشاشات المياة الأتوماتيكية التى ترش المسطحات الخضراء فى الحديقة , وقفت تنظر إليها وتتأمل المياه المتصاعدة فاقتربت منها حتى تصلها بعض رزازها المنعش , شعرت بنشوة طفولية فاقتربت أكثر من الرزاز , ثناثرت قطرات المياة على وجهها وابتلت ملابسها وكأنها تقف تحت قطرات مطر خفيف , مما  جعل وليد يغير طريقه وهو ذاهب إلى الجراج الخاص بهم ويقترب منها وهو ينظر إلى جسدها الواضحة معالمه من بعد أن التصقت به ملابسها على أثر المياة فى تفحص وبنظرة ذات مغزى قال لها:

- صباح الخير ..أيه الروقان ده كله

ألتفتت إليه قائلة:

- صباح الخير يا وليد

تصنع وليد الجدية قائلا:

- مريم.. انا كنت عاوز اقولك حاجة ونفسى متكسفنيش

مريم:

- خير يا وليد

قال باهتمام مصطنع :

- انا كنت عاوز أتأسفلك على أى حاجة ضايقتك فى تصرفاتى ... حقيقى انا بعاملك زى وفاء بالظبط علشان كده يمكن بتعامل بعشم شوية.. وده اللى بيضايقك مني لكن اوعدك معاملتى هتتغير

أومأت مريم برأسها وهى تقول:

- خلاص يا وليد وانت برضة أبن عمى وزى اخويا 

قال وليد بابتسامة خفيفة:

- يعنى خلاص مش زعلانه مني؟

ابتسمت مريم قائلة:

- خلاص مش زعلانه

حاول أن يتكلم ببراءة وهو يقول:

- لا يا ستى الأبتسامة دى متنفعش .. انتِ كده لسه زعلانه

أبتسمت مريم بشكل أوضح وهى تقول :

- خلاص والله مفيش حاجة

وليد:

- لا برضه متنفعش .. انتِ بتخمينى

ضحكت مريم لطريقته الطفولية ضحكة عالية واستجابت لكف وليد المدود لها فضربت كفها بكفه بخفة فقال  :

- خلاص أنا كده أتأكدت أنك مش زعلانه..  يالا بقى سلام احسن هتأخر على الشغل

ابتسمت وهى تشير له بالتحية وهو يبادلها الأشارة ثم أطبق كفه وهو يضعه على أذنه أشارة إلى أنه سينتظر منها مكالمة , كانت تفعل ذلك لظنها أن وليد يعتذر فعلا عن أفعاله معها ويريد أن يفتح معها صفحة جديدة ولكنها لم تكن تعلم أن وليد يعرف أن يوسف فى طريقه للحديقة هو الآخر وكان يريد أن يجعله يرى هذا الموقف وكيف هما منسجمان فى المزاح والمداعبة كما لم تلاحظ مريم أن كثرة رزاز المياة جعل ملابسها تلتصق بجسدها لتبرز معالمه ونسيت مريم كلمات إيمان عندما قالت لها "انتِ بتختارى المكان الغلط واللى بيجبلك شبهه وبتقفى فيه"