الفهد العاشق (الجزء الثاني) للكاتبه إنجي عصام الدين

الفصل الخامس

فى اليوم التالى

فى الشركه

كان فهد يجلس على مكتبه عندما تقدمت منه تولان التى تحمل بعض الاوراق فابتسم لها واخذ يتأملها

تولان:انا جبت الورق بتاع اجتماع النهارده ...وبعد ربع ساعه معاد الشركه التجاريه اللى هتدخل معانا فى الصفقه الجديده

وقف فهد واقترب منها واحتضنها وهو يقول

فهد:تعرفى انك وحشانى اوى

تولان:يا بكاش ما انا كنت معاك الصبح

فهد:وهو ينظر اليها بحب:بقولك ايه ما تيجى نروح نسافر اسبوع ولا اتنين بعيد عن الدوشه دى

تولان:وهى تحاول الخروج من دائرة ذراعيه:احنا لسه راجعين من شهر العسل مكملناش حاجه

اقترب فهد برأسه من عنقها واخذ يقبل عنقها بعد أن أزاح حجابها جانبا بينما كانت تولان تشعر بالخجل وتحاول إبعاده عنها

تولان:ياللهوى بتعمل ايه ...حد يدخل علينا يا مجنون ...فهد ابعد يا مجنون

فهد:وهو مازال يحتضنها :انتى مراتى يا هبله ومحدش يقدر يدخل علينا انا...

قطع حديثه عندما فتح باب الغرفه ودخلت منه فتاه نظرت له بجراءه ومعها رجل فأبتعد فهد عن تولان واخفائها خلف ظهره ونظر إليهم بغضب

فهد:انتوا ازاى تدخلوا عليا المكتب كدا ...ايه متعرفوش أن فيه حاجه اسمها استئذان

الفتاه:بدلال:sorry..السكرتيره مش بره علشان كدا دخلنا على طول

فهد: اطلعوا بره دلوقتى ...من فضلكم

خرج الرجل وتبعته الفتاه ولكن ليس قبل أن ترمق فهد بنظره فهمها جيدا وعندما اغلقت الباب خلفها التفت لتولان التى كانت تقف بأرتباك خلفه ووجهها شديد الاحمرار

فهد: بابتسامه:خلاص خرجوا ...انتى مالك قلبتى احمر كدا ليه

تولان:بخجل:عجبك كدا هيقولوا علينا ايه دلوقتى

فهد:هيقولوا عرسان وفرحانين ببعض ...واقترب منها بخبث...احنا كنا بنقول ايه بقى

ابتعدت عنه تولان واتجهت إلى المرحاض الخاص به وهى تقول

تولان:لا يا استاذ انت تأجل اى كلام عايز تقوله لما نرجع البيت كفايه اللى حصل

دخلت تولان المرحاض وأغلقت بسرعه خلفها عندما رأت فهد يتقدم من المرحاض فأخذ فهد يضحك بسعاده على ما فعلته فعلى الرغم من أنهم متزوجين من فتره إلا أنها مازالت تخجل منه كثيرا

فى شركة احمد

كانت هدير فى غرفة مكتبها تراجع بعض الاوراق الضروريه عندما تقدم احمد الى داخل الغرفه