SHIN SO DAYA NE? (Complete)

CHAPTER FIFTEEN

💘SHIN SO DAYA NE?💝

             TARE DA ALKALAMIN
                        📝
              HAFSAT AL-MUSTAPHA

_Watpadd:Hafnancy_

🌼BABI NA GOMA SHA BIYAR🌼
          Page 70-75

Nan da nan kuwa sai gashi hancin Engr. ya fashe, jini ya soma rushing.

Mummy da Hanan suka fashe da ihu suka hau kuka.Hanan ce tayi karfin halin shiga tsakaninsu.

Da karfi Mummy tace"Usman ka rabasu mana ka tsaya Kana kallonsu.... "

Engr. ne ya ture Hanan sai gata tayi baya tangal tangal ta fad'i kasa. Bai damu bah burinsa ya rama naushin da Mubeen yayi masa. Ai kuwa yaci sa'a ya sameshi amma aciki.

Mummy tayi nasarar shiga tsakaninsu tana fad'in"Gani na shiga tsakiyarku... Idan baku da hankali ne ku kasheni tunda dai ban isa na tsawatar muku ku nutsu bah.... "

Da sauri Mubeen ya isa ga Hanan yana kokarin taimaka mata ta tashi, azuciye yace"Wallahi ka sani idan wani abin ya sami matata koh kuma abin dake cikinta toh wallahi sai na lahira ya fika jindadi Mahmood.... "

Cike da mamaki Mummy tace"Ai, wato damar Hanan d'in juna biyu gareta shine kake kunsa mata bakin ciki? Toh idan har da gasken Kana sonta ai bai kamata ace kayi tunanin Kara wani auren bah..... Shashasha, butulu kawai wanda bai san inda ke masa ciwo bah.

Mikar da Hanan d'in yayi, sannan ya zaunar da ita saman wani two seater, sai kuka take sosai don faduwar data yi ya sanya ta fama ciwonta.Idanuwan Mubeen yayi jajawur kamar jan gauta, sai aikin hura mata ciwon yake, yana cewa "Sannu babynah"

Idanuwan Mummy ne suka kai ga hannun ciwon Hanan d'in. Salati ta sake tare da rik'e hab'a tace"Hanan mai zan gani haka? Meya sameki haka har akayi dressing wurin da bandeji? "

"Tsautsayice ta afka mata.... " Abinda Mubeen ya iya fad'i kenan don zuciyarsa sai faman tafasa take.

Engr. Mahmood duk jikinsa ya gama bacewa da jini, Usman ke k'okarin rik'esa, yayi saurin d'aga masa hannu alamun ya k'yaleshi.

Usman yace"Yaya baka ganin yadda jini ke bulbulowa daga hancinka ne? Ka taho muje asibiti kawai... "

Da karfi yace"Nace ka kyaleni koh? "

Ihunsa ne ya maido da hankalin Mummy zuwa gareshi, sai alokacin ta lura da jinin dake bulbulowa daga hancinsa.

Da sauri ta k'arasa gunsa jiki na rawa, tace"Mubarak kaga raunin da kayi wa Dan'uwanka akan mace koh?... Toh Wallahi ka sani tsanar yarinyar nan ya dad'a k'aruwa acikin zuciyata...... "

Jin abinda ta fad'a cewar ta tsani Zahransa, hakan ya sake sanya ya harzuk'a, ya mike yana magana da k'arfi"Haba Mummy meyasa shi baki ganin laifinsa sai ni? Agabanki ya ture min mata ta fad'i kasa baki iya ce masa komai bah... Koh don shi jininki ne ya sanya kika kasa tsawatar masa? Na gode miki da kika sake tuna min da matsayina awajenki....." Kuka ya kufce masa.

Engr. ne ya sanya kai ya fice don idan ya cigaba da sauraron maganganun Mubarak,tofa lallai za'a iya aikata kisan kai acikin gidan.

Ganin fitarsa ya sanya Umma kallon Usman tace"Kai kuma Shashasha, hotiho d'an rakiyar maza yi sauri mu bishi kada yayi wani gun don hankalinsa ba'a jikinsa yake bah.

Tana kaiwa kofa ta juyo ta dubi Mubeen"Mubarak nima na gode kwarai da gaske da ayau ka nuna min cewar bani ce wacce ta tsugunna ta haifeka bah, don haka ban isa dakai bah..... Kuma kuzo ku d'auki 'yarku don tun jiya ta dami mutane akawota wajenku, ganin cewar zamuyi magana muhimmiyace ya sanya ban taho da ita bah.... Kamar na san irin hakan zata faru shiyasa ban kawota d'in bah, da kuwa taga irin abin kunyar da iyayenta maza suka aikata.... Mun barku lafiya..... "