اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ذات_الرداء
بقلمي السيدة العلوية
الجزء 6
دجلة: كعدت الصبح كالعادة مامرتاحة لان دائما نومي مزعج وبلكوة صرت اكدر انام من بعد وجودي هنا .. مااعرف ليش اخاف من نظرات زوجة عمي ومااحسها تحبني او تريد وجودي وبنفس الوقت مااكدر مااستغرب كمية التغير الي يصير بوجود عمي .. طلعت من غرفتي بهدوء كالعادة خوفاً من بشائر وزوجة عمي
العم : صباح الخير حبيبتي
دجلة : صب... صباااا اااح الخييييير
العم : شلونج حبيبة اعذريني والله ملتهي عنج والله مشغول وبتالي الليل يلة افرغ /وهنا نسمع صوت جهوري وبنبرة استهزاء
زوجة العم: اي طبعا ماتكدر الا بتالي الليل
العم بنظرات حادة ومحذرة
زوجة العم الي كانما ماخافت ولااهتمت للنظرات اللي تريد تفترسها : اي قابل شكلنا .. غير بالشغل ..بس الله يساعدك هواي تشتغل ..
دجلة : جنت اباوع لعمتي ومستغربة كمية الحنان بصوتها وكلامها معقوله لو احلم .. بس بداخلي ادري كل هذا تمثيل كدام عمي ..
العم قبل ماتروح دجلة : بنتي ماتكليلي شعندج لازكة بهالروب هذا
دجلة ولاول مرة تبتسم من فترة طويلة :هههههه
العم : اي والله بنتي ترى اني عايفلج فلوس عند امير ليش هو ماجابلج شي ؟؟
وهنا راحت دجلة بعالم من خيال وحيرة بين عقل وعقل وعجيب ينقسم هالعقل قسمين قسم يريد ينتفض وياخذ حقة ويصير قوي ويكول ماراح اكون ضعيفة وماراح اخلي احد يكسرني بعد وقسم ثاني يكول لااااااااااا ديري بالج اللي كدامج ذيابة تريد تكسرج وانتي موكدهة ابد لاتتجرأين وترفعين صوتج خليج هيج .. وقبل لا تريد دجلة تجاوب عمها بحالها الحقيقي بداخل بيته .. نسمع صوت من فوك ومن جهة الدرج الي جان يمشي عليه امير وبصوت غريب كلش عن الي متعودة عليه دجلة
