ذات الرداء

حياة

#ذات_الرداء

#بقلم_السيدة_العلوية

الجزء 20

هم مرات توكف وتفكر انته شسويت ماسويت بحياتك.. مشيت صح لو لا.. هم فكرت هذا اللهو والملذات والشهوة كدرت او تكدر تمنع عنك لحظة من الألم الابدي اللي راح يحيط بيك بيوم المحشر..

هم تصورلك نفسك هالنفس اللي تركض بيك وتصورلك هم عود تشفعلك.. اني مااذكر بيوم من الايام حبيت شي او احد اكثر من نفسي.. مبدئي يكول نفسي ومن بعد نفسي الطوفان.. شكد استفاد وشلون اتونس.. شنو الراح احصلة هذا اللي جان كل اللي بالي.. ببساطة مادية لحد العظم مثلي من امي.. ههه والله غريبة اسميها أم.. ماعلينه اني اشبهها هواي.. فلوس وذهب وملذة هذا اللي افكر بي زهذا اليشغلني بس..

بيوم اللي كالو عمي فوزي مات مااعرف شلون فرحة دخلت لقلبي اييييي راح نورث راح نورث.. ابوية من بعد وفاة جدي ماكدر كلش يحافظ على الي عنده وعمي جان عقلية تجارية فمن مات كلش فرحنا خصوصا اني وامي وأمير الوحيدة الغبية اللي جانت بس تولول وتبجي بس رسل..

احسها غبية وفطيرة زيادة على اللزوم ومااعرف مرات احسها مو أختي لان مو ناصحة ولا واعية وتفكر مثلنا اني وماما...

بيومها كعدت تواسي بابا وبقينة مجبورين نكعد ونمثل اني وماما..

اول قصة واول شخص بحياتي جان ياسر.. اوووف شاب بي كل صفات الولد اللي احلم بيهة.. يعني هيج أنيق وحليوو فديته والنوب سوالفة باختصار هذا الوحيد اللي امشي وراه واني مغمضة.. اول موعد بيناتنة جان حيل يخوف خفت لايلكفني بس فديته شكد جان واثق من نفسه.. رحت بشكل ورجعت واني طايرة بالسمااا وشلون واني صرت مو بس حبيبة لاااااا عشيگته جنا دائما نروح لاماكن هو يندلها اول مرة جنت اتلفت بس من اختفى أمير كمنا يومية نطلع سوية ومايعوفني الا لتالي الليل..

بشائر:اكول شوكت تخطبني يسو حبيبي

ياسر:هاا اي اي باقرب فرصة ..بس احنه غير ننتظر ابوج

بشائر: اطلبني من أمير وبعدين من يجي بابا تعال رسمي

ياسر:حب هسة مظطر اروح بشغلة ضرورية 😎