ذات الرداء

وركضتلها روحـــــي

ملاحظـة واعتذار : اني اعرف انني دائما اطيل التأخير عنكم وعن نشـر الاجزاء لكن السبب صحتي هي اللي تعيقني عنكم .. الف مرة اعتذر .. وشكرا للاختين المتفاعلات معي في هذه القصـة .. 

#ذات_الرداء

بقلمي السيدة العلوية

الجزء 16

هم مجربين احساس انه تفتقد شي بقوة .. هم مجربين احساس انه تحتاج شي بقوة .. هم مجربين حالة الضياع بدون وجود شخص يحتويك ويكون مثل ملاذ أمن بالنسبة الك .. هم مجربين تتحملون شي فوك طاقتكم ومجبورين لان تدرون محد راح يسألكم وين ؟؟ وبيا مكان جاي تتألمون بي !! ولان تدرون ماكو أيد تطبطب وتكول هاااااااااا اكو شي ؟؟ صايرلك شي !! هي فترة وفترة اريدها تخلص بكل مرارتها ووجعها وخوفها وصدماتها ؟؟ لان عقلي رافض يقتنع هاي حقيقية وهاي حياتي الراح لازم اعيشها !! جنت اغطي روحي واضمها بذاك الثوب والرداء اللي عافوه الي أمي وابوية .. مااتخيل انه هالحياة حقيقية اكيد اكيد اني جاي اشوف فلم او مشهد سينمائي بس اني ضجت من هالفلم واريده يخلص لان صاير ممل وبايخ وموجع .. المشكلة اني اريد اصرخ بس احس بقيود جاي تسلسلني وتخليني جبانه ومااكدر اوجه اي شي .. كل ماااكول اي نعم  دجلة كوليلهم كاأأأأأأأأأأأأأأأأأأأفي بس .. وارجع اسكت .. كل مااكول دجلة صيري قوية ارجع اختل وانهزم بأول مواجهة .. اني اريد ارجع بالايام اي اريدها بس ترجع اريد بس أسألهم صدك هالوضع الخلوني بي بيد أمير يتحكم بيـة !! امير الما اخليه يحرس بزونه خلوني تحت وصايته ؟؟ اريد ...هه شأريد بعد ..

Flashback

بشائر وهي كاعدة بالصـالـة كبال التلفزيون المفتوح ومحد مهتم بي لان هي الوحيدة اللي جانت كاعدة .. لان عيونها وكل انتباهها يم الايفون الللي بيدها تحجي وية ياسر ومشغولة ..

أمير : كومي سويلي زقنبوت {كالها وهو ينزل الدرج وعيونه مقفولة من النعاس لان توه صاحي ... عادي خفاش يكعد وكت الغروب }

بشائر: ماتسوي لنفسك مكرم

أمير: دكومي لا احير شأسوي بخلقتج هسة .. كومييييييييييييييييي