ذات الرداء

متاااااااااااااااااهة

#ذات_الرداء

بقلمي السيدة العلوية

الجزء 2

فضل بعصبية وبصوت عالي شوية وهو يحجي وية فرقد : تفضل هاك اللفات

فرقد: اي دتعال اكل ويانه

حسن : تفوتك والله

فضل : مااااااااا ريد شبيك تلح

فرقد بضحك: على كيفك يمعود اذا تحب هاك اللفات كلها ادري بيك ابو بطن مثل خويك

فضل اللي كلش انزعج وطلع كل عصبيته بفرقد : ايييييييييييييييه لزكت خوما لزكت احسنلي اكوم ارجع اكعد بالسيارة بلا دوخة راس .. ومشى متوجه للسيارة

حسن : الي ضل مستغرب وضع فضل واول مرة تصير هالحالة كدامه حاول يروح وراه لكن ..

فرقد :عوفة حسن عوفة هسة يهدأ لاتلحكة

حسن : شبي توة جان عادي مابي شي اشو هسة انكلب جمر نار

فرقد بحزن : والله تعبني ابن عمك حيل وضعة بسرعة انكلب بمجرد مااجينه لبغداد

حسن: بعده على هالسالفة الغمه هاي

فرقد: انته تدري بي حساس ولاتشوفة ترى مسوي روحه ثكيل بس هو مثل الطفل هالسالفة عايشة وياه من يوم ماعرف بيهة

حسن: اني ادري شبي عمي وياه اي دخليه على فكره الا تكوله الصدك

فرقد: هي شني تنضم لشوكت السالفة وعمك تعب بعد مايحمل هو الي يريده يشوف ضناه لفضل بس هذا مثل الي نفر من يوم الي عرف بكل شي

________________________نرجع لفضل خلي نشوف الصار ...

وصل للسيارة وكعد .. وبدت امواج من الكره على العصبية على الدموع الي ترفض تنزل

كلهن هيج .. كلهن وساخة وتمشي ع الكاع مابيهن وحده التصون وتوفي وتحافظ على نفسهة كلهن يهمهن بس الغريزة ومصلحتهن .. ااااااااااااااااااااااااخ اااااااااااااااخ لوبيدي .. امحيهن من وجه الارض .. وفوكاها تسميه {عصيـر} ؟؟

خلي نرجع لقبل قليل ونشوف الصـار وخلى فضل هيج يتعصب ..

دجلة : عم..عموو.. ئة ئـــة اريــيييد من من هذا

البائع : اي ياحلوة وين فلوسج

دجلة : بدت تطلع الفلوس وتدور عليهن بجيوبهـا ..

شخص 1: ولك الحك تموت هاي

شخص2: اوف لو ..وبدا يسوي حركات وتعبيرات ونضرات مريبة

شخص 3: تعالي حتى لو ماعندج فلوس اني اشتريلج .. وبدأ يقترب منها ..

وبدأو ثلاثتهم يقتربون هذا الي يحاول يلمس وهذا الي يستمر بكلام بلا اخلاق