اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ذات_الرداء
بقلمي السيدة العلوية
الجزء 13
جنت راجع من الدوام تعبان وبيومها حاولت اتأخر وية فرقد لان هو جان عنده خفارة وحيل ضجت .. مااعرف الى متى استمر اقنع بروحي انه فرقد ملزوم مني واسمع صوت بدماغي يكولي .. ينفع هيج يافضل !! ينفع تضل معتمد على ابن عمك يكون أنيسك وصديقك .. ينفع تضل تكابر وترفض تسمع حتى صوتي اني اني نفسك يافضل .. ترى تعبت وصدكني محتاج وليف ومحتاج احد انسى وياه التعب .. جنا زغار اني وياك فضل واخذتني هوجة الشباب وافكاره وعنفوانه وكبريائه .. ادري بروحي غلطت وياك يافضل اني اعرف كلش زين وادري اعترافي اجة متأخر لان هسة انته مامحتاج صوتي حتى يخليك تكره الصار لان انته اللي صار غطاك وخلاك عايش بقلب مقفول وحزين ووحيد .. بس صدكني تعبت واريد منو اليسمعني ومنو اليسهر علمودي كافي اتكلب اني وياك وشلون مانتكلب واني اعرفك عازب وحيد واحلامه ماتت من يوم اللي عرف باللي صار ..
بس ياروحي أني مرهونة حياتي ومعجب بيهة هيج
بس يافضل اني كبرت واريد ارتاح
موبيدي راحتج لان راحتج هي عذابي
جرب ماراح تخسر
صدك تحجين ياروحي
اي ليش لا .. شوف فرقد شوف حسن وشوف غيرك عشاك وعايشين حياتهم وية اهلهم واحبابهم
عشك !!!!!!!!!!!!!!! احلامج بالعشك .. اثاريج شيطان ياروحي اثاريج مثلها تريدين توكعيني وتضلين بالاخير تشمتين
اشششششششششش مابيوم طلبت منك اشياء صعبة يافضل اني ادريك جواك حمم بركان ونار وتريد وخجلان .. ماكتلك روح صاحب مثل فرقد ولا روح دور حرام وختلات
لعد المطلوب حتى تعوفيني بحالي كافيني اللي بية ياروحي والله كافيني
مو هو علمود هيج اني اريدك تكعد وية روحك وتفكر .. موكل اصابعك سوية ومو كل البنات مثل أمك يافضل ..
استمرت دوامة افكاري والصوت اللي بداخلي ومادريت بروحي الا لمن سمعت صوت سرور تصيح بصوت شوية عالي حتى اسمعها
سرور: فضل فضل
فضل بعد مدة وصفنه : هاااااااااااا هاااااا اكو شي سرور
