ذات الرداء

بداية النهاية

#ذات_الرداء

#بقلم_السيدة_العلوية

الجزء26

كل شخص رجع لبيته وكل الناس فضت مابقى عدنه بس عمتي ام حسن وبيت عمي. كلنا انتقلنا للسكن يم عمي اسماعيل هالفترة بناءا على طلبه لان كال خلو العرسان لوحدهم بيتنا.. جنا اني ودجلة نتشارك الغرفة رغم انه اكو غرف هواي بس هي كالت حتى نبقى نسولف.. بس بيوم العرس لااااا لان جنت صدك هلكانه من التعب.. والنوب يوسف لعب بالمي وبدأ يكح علية. فاول مارجعت رأسا سويتلة حليب ودفيته.. بس بنص الليل جنت ماحاسة على روحي من النعاس لان من اتعب يكون نومي ثكيل بس هيج واحس صوت دخل للحلم.. انتبهت طلع يوسف شابع بجي فزيت مشدوه..

هااحبيبي.. اباوع للطفل جسمة نار وبس يبجي.. كمت انطيته خافض وهم مستمر بس يلعي ومامرتاح.. ساعة كاملة واني بس اهدهد بي وألوليلة اريده يسكت ماكوو.. والنوب جسمة مانزلت حرارته.. كمت ادور بالغرفة بلكت اني جايبة وياي ادوية خاف احتاجها.. ردت عالجت مااكوو.. النوب المسكينه دجلة كعدت مخترعة من صوت البجي..

دجلة باهتمام:شبي يوسف

امال وهي تهدأها:مابي حبيبتي نامي انتي شوية تمرض

دجلة:رجعت راسي للمخدة بس بقيت مفتحة عيوني. كلت عيب خاف تحتاج شي لازم ابقى وياها وجنت مثل الكارتون احارب النوم كوة.. وتنسد عيوني وارجع افتحهم.. اخر شي كمت وتربعت عالسرير..

أمال:ماما حبيبي متكلي شبيك..

دجلة :ساعة كاملة وهي ملتهية وية الطفل اخر شي كمت كلت اروح اكعدهم..

أمال:وين رايحة...

دجلة:ماكتلها خفت تمنعني ..هاااا اي اشرب مي.. .جنت محتارة اكعد عمو اسماعيل.. لو اروح لفضل بس عمو خاف يفز وهو رجال كبير.. ترددت اصعد لغرفة فضل..اخر شي حسمت امري وكلت قابل شيصير.. صح هو يخوف وعصبي بس قابل جاي اتشاقى اني.. وامشي واشجع بروحي بس من وصلت للباب صرت جبانه كلش..

فضل:جنت قبل ربع ساعة غافي لان من رجعنا من العرس اجاني اتصال مهم علمود الشغل وضليت اتواصل واشتغل ومن نمت جنت توني يعني مو كلش غافي واصلا اني نومي خفيف بساع احس.. انفتح الباب واشوف الخاتونه دخلت للغرفة حتى مااكذب عليكم رجعلي شكي وفكرتي السيئة عنها كلت اكيد جاية تدور شي لو تحط شي ولهالسبب سويت نفسي غافي بس سلاحي الجوة راسي قربته الية..