اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ذات_الرداء
بقلمي السيدة العلوية
الجزء 5
نرجع حاليا الى فوزي ..
بيوم من الايام طلعت من بيتنا ..ادور على مخبز وبطريقي شفت شباب جاي يجمعون اسلحة وياخذوها من جثث الجنود المرمية هنا وهنا ..وبعض الزلم جانو يبادلون البنادق مالتهم وية جنود مقابل خبز او باكيت بسكت ..ااااااااااااه مااادري ذيج الايام شكد خلفت حزن وويلات وهموم ..
رجعت للبيت بسرعتي وركضت على الصالة اريد احجي وية ابوية بسرعة :ترى الوضع برة بالشارع مايطمن
حجي طالب: شنو الي خلاك تكول هيج
فوزي : سولفت لابوية كل شي .. وبدأ الهم ينرسم على وجه ابوية ووجهي وفجأة وسمعنا صوت طبة قوية ركضنا للشارع نشوف شكو .. لكينا دبابة وشفنا منظر ماجنا متوقعينه ..
الدبابة رمت صورة جدارية لصدام وهدمتها .. ركزنا اكثر شفنا جنديين اثنين طلعوا من الدبابة وهم يصحون بصوت عالي {يسقط صدام الخائن .. يسقط البعث الجبان } وبلحظات التحق بيهم بعض الشباب اللي جانو يلمون السلاح ..وبدأو يجتمعون واتجهو الى مديرية امن البصرة
وبدأت اطلاقات نارية وية حراس المبنى وبلحظات واستلسم الحراس ووكعت المديرية بيد الثوار ..هناك وبدأت مجموعة ثانية تتوجه الى مبنى المحافظة وبساعات بسيطة والبصرة صارت بيد الثوار
بعض الضباط والجنود التحقو وية مجموعات الثوار وبدأت البصرة تنظم صفوف الثوار وتوزع المواد الغذاية على المواطنين ..
جنت ادخن بشراهة وبغضب طول هالفترة المزعجة من تاريخ حياتي واعتقد صار التدخين صديقي الي كلما جنت اريد اطلع غضبي الجأ له ..واشوف 3 زلم اقتربو من عندي .. عاينت عليهم والشك ملىء دماغي وافكاري تروح وتجي واسمع منهم
