ذات الرداء

خيوط متشابكة

#ذات_الرداء

بقلمي السيدة العلوية

الجزء 11

قبل الحادثة الي ماتت بيهة والدة {دجلة } سمر خلونا نشوف الاحداث شلون كانت

سمر: فوزي انته ليش جاي تتصرف هيج

فوزي: لان مااكدر اتصرف غير تصرف اولها وتاليها احنه او دجلة مصيرها ترجع للعراق كافي غربة كرهت الغربة سمر كرهتها .. اني من اول عمري ماجنت مخطط اترك العراق ومجبور جنت على وضعي ..{ اكمل كلامه بحزن وحنين واضح } موكافي امي ماتت وراي بفترة قليلة موكافي ابوية موكافي عجزي واني هنا اتمنى لو بس اشوف قبورهم واشتم ترابهم .. ما ألي حيل بعد والله

سمر بلهفة : واني !! لعد شنو بحياتك .. معقولة ماكدرت اعوض جزء من هذا الحنين اللي بداخلك

فوزي اللي قرر انه الاجابة تكون بان يقوم من مكانه ويأخذ زوجته بحظن عاشق ومحب: انتي جنتي سندي وعكازي اللي واكف بظهري ماتتخيلين سمر مكانج عندي .. اني صح انحرمت من اهلي بحكم الضروف بس ربي عوضني وكافأني بيج وانطاني اغلى كنز من عندج اللي هو دجلة

سمر:بس !! بس

فوزي : بس شنو ياعيني

سمر اني مااثق بأخوك ابد

فوزي : بس اني اثق بزوجته واعرفها بنت أصول وبعدين شبيج كانما راح نعوف بنتنا لو تزوجت اصلا اكعد زوجها عندي ويكفيني هو ابن اخوي ..

سمر: اي اني اتذكر سمية كلش خوش انسانه ..

بعد هذا المشهد بأسبوع اتصال هز مكتب فوزي والعاملين الي شافوه وهو يطلع من مكتبه يركض ماكدر الا وهو يرمي نفسه بالسيارة يريد يوصل بأسرع وقت الا ان كدر السايق ياخذ مكانه ويدور محرك السيارة الي بدأت تنطلق بسرعة جنونه كان هو سببها {فوزي } لان طلب من السايق يزيد من سرعته .. يركض ويركض وراه المحامي المسؤول عن كل اعماله وبنفس الوقت صديقة المقرب ..

الطبيب المعالج : الحالة جدا حرجة ومحتاجة عملية بأسرع وقت

فوزي: اي شي محتاجته سوي بسرعة دكتور ارجوك انقذهم بنتي وزوجتي اااااااااااااااااااااااه