اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ذات_الرداء
#بقلمي_السيدة_العلوية
الحلقة الاخيرة.. الجزء2و الاخير
افترت الدنيا بية مثل دولاب الهوى واول ماشمرتني.. شمرتني بدوامة وصدمة وكارثة بنتي! بنتي حامل هههه تضحك والله السالفة.. لااا وحامل بدون زواج! وفوك هذااا اجهضت نفسها باكثر من طريقة وماتت وشيلتني عار.. وهسة المفروض اوضح للناس والشرطة السبب!
الطبيبة:الواضح شبهة قتل لهذا اني اخليت مسؤليتي وبلغنا المستشفى لازم ننتخذ اجراءات
فؤاد :وين مدير المستشفى وين غرفته؟ رحت للمدير.. وبعد فترة كدرت اقابلة.. دكتور اكيد انته بعمر عندك اولاد.. ولاتتوقع سهل رجال مثلي بمصيبة مثل مصيبتي يتحكم بعقلة وانفعلاته مثلي بس هو حكم شغل السوك خلاني اتجلد واقسى اكثر واكثر.. دكتور الله يخليك خلي اسد مصيبة بنتي بدون الشرطة اني عندي عائلة ومو حمل هيج فضيحة.. ادري والله جاي اطلب مستحيل بس اااااخ اخ.. وبدأت ابجي لاول مرة بحياتي..
بعد ساعات وتوسل وفلوس كدرت ألمها للسالفة واخذتها ودفنتها.. "كلبة ولاتسوى بلاشاهد ولا اي احترام " هيج جان ردي من سألتني رحاب
رحاب بدموع :بنتك هاي تعوف حقها؟
فؤاد:حق حقيش وهسة صارت بنتي ؟ من هملتيهن ومهتمة بنفسج وحياتج هسة جاية تحجين.. اشششش سدي الموضوع ولاتفتحين اي باب
رحاب:انته السبب مااهتميتلهن ولاالي مشغول العمر كله
فؤاد:مشغول المن غير الكم وللبيت.. اطلع من الصبح ارجع مهدود غير اريدلكم الاحسن.. غير انتي الام وعايفلج مسؤليتهن.. من اطلع اني.. اثاريني عايفهن على حل شعرهن سايبات والام ملتهية.. اي كلمة بعد مااسمع..
تمر الايام واحس البيت يخنك خنك.. بين حزني على اختي والوضع اللي مشت بي بس برغم هذا ضليت اصلي وادعي.. ادعي لروحي وروحها.. ادعيلها ربي يغفرلها.. ربي مايسد بابه حاشاه يترك عبده.. ايامي تمر والبيت لايطاق جنت اشوف البرود اللي صار بيتنا مثل عاصفة من ثلج سكنت كل ركن وخصوصا بين امي وابوية.. مرات اكعد احلل الوضع بعلاقتهم وفهمت هواي اشياء وتوضحتلي هواي اشياء واولها من عرفت انه عند امي جان اكو ولد بس ماكدرت افهم اكثر لان طرفي المشكلة ساكتين وكمت اشوفهم وهم كل واحد بعالمه وحياته.. اما أمير ههه مااعرف يكولون الدم مستحيل يصير مي.. بس ويه هالبني ادم لاااا مي ومي مستنقعات انضف من عنده.. لادمعة لا حزن ولاحتى اي حركة او كلمة يواسينا بيهة او عالاقل يواسي بيهة نفسه لان الماتت برغم قباحة فعلها اخته بس شنكول اليكره مايحب.. وهو متغذي بكرهنا والسبب امي الما احتوتنا وحسستنا انه هو اخونا واحنه اخواته..
