ذات الرداء

وبدأت اتعلق بهـم

السـلام عليكم عزيزاتي .. اعرف البعض منكم لربما صار عنده نوع من الملل .. او البعض الاخر يكول حزن كثير .. والبعض الاخر يريد ان تنتهي او تسرع الاحداث .. كل هذا والله لادخل لي بي ولست السبب به .. لانه ببساطة .. احداث القصة تمتزج بين الحزن والفكرة عن الحب والمصالح الشخصية .. اما الاحداث تسلسلها هو من يتحكم بي ولست انا .. لكن اعود دمتم لي ياورود 

#ذات_الرداء

بقلمي السيدة العلوية

الجزء 18

أمـا بالنسبة لرسل اللي ضلت مفزوعة وقلقة كلش على دجلة ومحتارة ترجع تتصل لو لا بجواد .. اني ماادري بروحي اكيد غلطت من أمنت بواحد مااعرف عنه شي ! بس اني جنت مجبورة ردت اطمئن على دجلة او احد يوكف وياي ..ماجان كدامي اي حل ثاني يربي حيل القلق كتلني الفجر راح يطلع وماكو لاأمير ولا دجلـة ياربي دخيلك طمني ..

جواد: ضليت الليل كله كاعد لا اكدر اتحرك من مكاني ولا اكدر اتصل بالولد خاف يكونون بمهمة واني احرجهم .. اخر شي قررت اتصل ب{فرقد} بس مااعرف كل شوية وينطيني رفض .. كلت خلي اتصل على واحد بلكت يساعدني..

جواد: ألو ليث شلونكم

ليث بنعاس: هلة جواد شلونك شلون صرت اخبارك

جواد: ماتكلي فرقد وين اشو ادك عليه ينطيني رفض .. شنو بعدكم مارجعتو؟؟

ليث: لا بس

جواد: بقلق شنو ؟؟ صاير شي

ليث: اي فضل تصوب وبالمستشفى !!

جواد: احجي يمعود وفكني ترى حيل قلقت

ليث: اي جواد فضل تصوب وهسة مخطر وبالمستشفى وفرقد المسكين يمه واحنه تونا رجعنا اني وأمجد ومتفقين الصبح من الغبشة نرجعلهم !!

جواد: لااله الا الله .. لاحول ولاقوة الا بالله ..

ليث : مستدرك كلامه .. وغير طلعت بنية تركض عليه وتصيح .. حبيبي وما حبيبي اثاري اخوك جان سكوتي .. من السكوتي موت .. طلع شلون ضام ضمة

جواد: يعني الولد متمدد بالمستشفى وماخلص من عيونك الليزرية ..

ليث: لا ولك بس كلنا اتسغربنا لان هي جانت بنفس المكان مال المداهمة وكعدت شلون تخرمش بية بس غلطت عليها ..