اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ذات_الرداء
بقلمي السيدة العلوية
الجزء 14
فضل: شكد اكره الازدحام
فرقد:وشبدينه احنه هسة بس اصبر شوية ونوصل
فضل:كافي تسولف يمعود
فرقد: شكلت اني صوجي جاي اهديطك وهاي عود احنه من الصبح طالعين
وصلنا للمستشفى ونشوف مرية عجوز مكطع نفسها من البواجي والنواعي .. ووحدة بصفها تحاول تهديها وهي الله اليساعدها الدموع اربع اربع ومنظرهم يكطع القلب ..
يايمةةةةةةةةة ياوليدي اخ ياتالي رباتي... ولك جواد ليش هيج.. والك المن انطي الوجه وين اروح اني واختك وين ..
وكفت واني مستحي ومدنك راسي من الحزن عليهم وعلى صاحبي .. خالة الله يخليج هديء والله هسة الاطباء يطمنونه عليه
الام : وين انطي وجهي لو صار بي شي
فضل: ادعيله يمة الله يخليج ادعيله
وهناك ونشوف فرقد يركض ووراه ممرض مستعجلين ..
عفت امه وحدها وركضت ورى فرقد : هااااااااااا شكو شصار شكال الطبيب
الممرض: انتو وية جواد عبد منهل
فضل: اي الله يطمنك بشر
الممرض : محتاجين بسرعة دم لان محتاجينها بصالة العملية
فرقد بلهفة : اي أأمر يافصيلة
الممرض: AB
فضل : اني فصيلة دمي O
الممرض : لعد استعجلو لان العملية كلش خطرة وحالته حرجة ..
فضل: جاي اتبرع واني روحي تلوب ومقهور ومعصور واني مااعرف هذا الصاحب الجديد اللي لمع بسماي من وكت قصير شنو مصيرة .. ضلت صورته وضحكته وكلماته ترن براسي وحيل خايف لااافاركه .. اني اليشوفني صلب بس قلبي مايتحمل ويتكطع .. من هلكد مااكمت امثل دور الجلاد القاسي .. من هلكد ماكمت ابتسم وفرحتي مرسومة بوجهي .. من هلكد ماجنت اخفي دموعي وصلابتي هي بس اللي تظهر ..من هلكد مابحر من الكلمات بس تتسولف بداخلي وحوارات وحجي وكدام الناس بس وجهي الساكت ولساني الاخرس .. كامت الناس تصدك بية انه اني قلبي ميت .. والله قلبي بخطر وروحي بخطر .. من هلكد ماخايف يوم وتنفجر بية المشاعر مثل هسة واريد الممرض يخلص من سحب دمي .. لان بديت احس روحي انسحبت واحس دموع تجمعت وخفت تفضحني كدام اقربهم الية وهو فرقد .. كمل الممرض وكمت دايخ والدنيا بعيوني تلف والغواشة واللون الاصفر اللي بعيوني .. كمت وسألت الناس وين تكرمون حمامات الرجال ..
