ذات الرداء

لاتموت ..

هذا الجزء هديـة رغم انه قصير.. احبكم اخواتي ..

#ذات_الرداء

بقلمي السيدة العلوية

الجزء 17

لاااااااااااااااااااااااااا لاتموت لاااااااااااااااااااااااااااااااااا ... جان هذا صوت انطلق وية صوت الرصاصة وهي تستقر بجسد فضل .. بس ياترى صوت منو ومنو اللي مهتم وحيل اندهش مثل أم وضيعت ولدها ومثل حبيبة وفاركت روح جانت بالنسبة الهـا سلوى وعزاء ..

مرات من يوكع عزيز كدامك ترتبك وتنسى شلون تتصرف او حتى تدبر حالك .. هيج تاخذك الصفنه والصدمة تخليك مثل البسمار المتسمر بنفس المكان ماجنت اشوف شي كدامي الا قصي اللي يركض كدامي يحاول يلحك فضل اللي دمائه ترست ارض الشارع .. ماجد عرف وين يصوب وين يوجه مسدسه ..

دجلة: اني احس مثل اللي جنت مغمضة وفتحت من بعد غياب روحي .. بس اول شي وجعني واني اشوفه كدامي يوكع وكانما عادي عااااااااااااادي ومادريت الا اني اركض اركض كانما اني بسباق بدموع ماتفاركني وتنزل بحرارة حركتني اكثر من حركة قلبي المشتعل وكانما ردت الحك .. الحك انفاسه قبل لاتغيب عني وقبل لاتوجعني بفاركهـا ..وصلت ومادريت هو جسمبي الضعيف لوهو ثكل جسمه لو هو حيلي اللي انهد .. يمعود كوم كومممممممممممممم الله يخليك لاتموت لااااااااااااااااااا لاتعوفني .. كوم احجي واصرخ بي واكعد بي كانما طفل طول بنومته وامسح دموعي الجانت تنزل على وجهه .. كوم ماصدكت رجعتلي كوم الله يخليك مواجيت انته علمودي ليش هسة جاي تعوفني .. رجعتلي روحي من شفتك ليش ناوي تلحكها هم انته كوم الله يخليك .. كافي اتوسل بيك انته موتحبني كوم هسة علمودي ..فكدتك ومن رجعت لكيتك هسة جاي تروح هماتين .. مامااااااااااااااااااااااااااااا مامااااااااااااااااااااااااا عوفيلياه عوفي يبقى يمي الله يخليك رجعني وياك لاتروح انته هم .. جنت مستمرة اصرخ واشوف ولد هواي يحاولون يبعدوني عنه ويسحبوني من يمة ..

ومااعرف ياردائي ليش نزعتك وليش ردت احضنه هو .. تعال اغطيك .. كوم لاعبني مثل قبل .. انتو منو !! لاتاخذوه الله يخليكم لااااااااااااا .. جنت اتمناك ترجع لالاتعوف دجلة ياروح دجلة والله حنيتلك وكمت اتخيلك واسولف وياك وهسة من اشوفك تريد امشي لااااااااااااااااااا

قصي: اصبرنفسي واقويها واريد اسحب فضل من أيدها وماجاي أكدر كل الولد عبالهم وحدة من المشبوهات بس من بدت تحجي هيج كلنا توقعنها حبيبة لفضل .. جنت أشوف الالم والحسرة بصوتها وبواجيها .. اخر شي سحبناها بقوة وهي صارتلك مثل النمرة المتوحشة ماخلت وجه الا ماخرمشته وتضرب بكل قوة .. عفناها بالمكان واخذنا فضل وصعدنا بكل سرعة للسيارة