زواجي_مجرد_تضحيه
الحلقة السادسه
للكاتبة ملاك الشريف
وانا في عز البكي قمت راسي وشفت قصي واقف ويشبحلي
انا مسحت دموعي وبصوت يدعي القوه :خيرك تشبحلي
قصي:تبكي
انا: لا وعلاش منبكي اصلا
قصي:والدموع هما
انا: عيني مش عارف شن خش فيها
قصي: اممم باه صوت بكاك
انا:رقبتي توجع فيا بس وانا ندير في روحي نغني
قصي: باه وشهقاتك
انا:قلبي يوجع فيا اصلا هذا وقته
قصي:مبكري شن درتلك
انا:قصدك شن مدرتش
قصي جاني :قصدك صار شي
انا:قداش ماتفكيرك تافه وحيواني
قصي مسك شعري؛تكلمي الزح ومعش تقولي عليا حيوان
انا شبحت لعيونه بنظره كلها قوه ودفيته من عليا:انا مانسمحلك تمد يدك مهما كنت تكون انت مجرد نكرة في حياتي مجرد حثاله
قصي:انتي بالغتي وخاطرك تبي تنتحري الباين
انا: هه تقدر تقول عليا مجنونه لو تبي بس صدقني ياقصي اني مهمتي هني ان نكسر غرورك يالي واصل لسماء وعموما ياريت ما تروح زي توا لما نجيب خوتي ..تمام
قصي قرب مني بنظرت تحدي: امم بش انتي موجوده بش تكسري غروري انا موجود بش نكسر عظمك
انا:هههه خفت تعرف ههه صدقني انت تلعب مع الشخص الغلط ياقصي
وجيت منمشي وماحسيت الا بقصي لفني ليه وقال : متنسيش اني راجلك ونقدر ندمرك بسهوله وهذا انذار وقرب باسني ع ....بقوة لدرجة فمي دم
انا:هه توا وليت متاكده انك تافه بامتياز ولفيت بكل برود ومشيت
ثاني يوم نضت بعد قصي وكنت نحسابه مشي وانا كيف خشيت هو طلع من الحمام ولف منشف ع خصره بس
انا حطيت يديا ع وجهي وعيطت بقوة
انا:استر روحك ...ياماما ...البس حاجه بسرعه
قصي:اطلعي انتي يالي خشيتي طول
انا:باه وجيت طالعه وعيوني مسكرت وبعدين لقيت روحي مقعمزه من قوة الخبطه في الحيط
قصي جاي بسرعه: فيك شي
انا: لا حول من عليا بس والبس حاجه
قصي تحشم وناض
اما انا طلعت طول وكنت مازلت في حالة صدمه من شكل قصي ..
قعمزت ع الكنبه ودقايق وطلع قصي وفات ولا كاني موجوده اما انا طلعت للدار وخشيت لبست بلوزه وتحتها شرت لنص الفخد وقمت شعري كعكه وكان فيه خصلات ع جبهتي وشويه كحل وروج وردي خفيف
ونزلت نجهز في الفطور وقصي طول الوقت عيونه عليا
اما انا كنت مورقتله مع هذا نتصرف عادي
حطيت الفطور وجيت بنطلع
قصي:وين وين وين
انا:خيرك
قصي:قعمزي افطري
انا:منبيش معنديش نيه
قصي :ليك 3ايام ماكليتي شي ..توا يصيرلك هبوط
انا:بش قتلك من قبل ع اساس هامك وتاني شي نخاف نسدلك نيتك ع الاكل
قصي: اممم بس انا نبي نتاملك بش منكترش من الماكله ونحافظ ع جسمي
انا ضحكت ببرده :ههههه كول كول توا نسمسكم بش ميطلعش عليك
قصي: انتي تستفزي في الشخص الغلط
انا:وانت تتحدى في الشخص الغلط
قصي:لعبة هي
انا:تقدر تقول هكي
قصي :اممم توا تقدري تسكتي بش ناكل
انا ضربت يديا ع الطاوله ونضت ومانلقى غير يدين قصي ع خصري ومقربني ليه
وبصوت روجولي هادي:صبح يافتاح منبيش نمد يدي ....وع فكره نبيك تقعمزي معاي في كل وجبه وردي بالك تعاودي حركاتك هذي مره تانيه وطلقني ومشي وبعدين تلفت وقال
قصي:والحوش يبي تنظيف اليوم كله
انا: هه حقير تافهه
ومالقيت قصي الا خانقني
قصي:الالفاظ المقززه يالي زيك ياريت معش تقوليها
انا ضغطت ع يده وقلت بكل برود:والا شني
قصي زاد ضغط:شن رايك انتي
اما انا جيت بنرد بس معش قدرت وخصوصا ان عندي القلب وهذا خلاني نغيب عن الوعي بسرعه
قصي لما ارتخيت طلقني وقال
قصي:بدون تمتيل زايد نوضي
انا:.......
قصي ضربني برجله ع وجهي:تي قتلك نوضي الزح
انا:........
قصي توتر ونزل لمستوى: منار منار يابنت انتي تسمعي فيا
ومع عدم ردي خاف قصي وقدم قام راسي ولقي فمي وخشمي دم
قصي قامني لدار وقعد يفيق فيا
انا:بعد من عليا
قصي:اسف مش قصدي يالي صار
انا دفيته ونضت مع اني مش قاده نوقف فتحت الباب وكيف بنطلع جبدني قصي ليه حطيت يدي بيني وبينه
قصي : كلامك ....ونظراتك ليا ...علاش تحبي تستفزني ....يمكن تبي تنتقمي مني بس علاش
انا غمضت عيوني بقوه وفتحتهم:انا مش موجوده بش نبرر شي خصوصا ليك
وطلعت واما قصي رجع للدار
وانا نازله سمعت صوت الباب وعرفت انه اكيد خوتي جو
طلعت نجري بدون مانركز ع لبسي واول مافتحت الباب لقيت راجل متوسط العمر قدامي ومعاه مرا وصغار انا انصدمت وسكرت الباب
وتلفتت ولقيت قصي وراي وهو داهش ومعصب من لبسي
قصي :خشي البسي حاجه مستوره ووشاح بسرعه
انا:.... ومشيت بدون رد
قصي فتح الباب :اهلين اهلين نورتونا
شن حالك ياعز الدين انت وهناء
عز الدين :الحمد الله شن حالك انت
قصي:الحمد الله ...شن حالك ياهناء
هناء:الحمد الله بخير ....متقوليش من الكتكوته يالي فتحت الباب وهربت ..بنت من هذي
قصي تنحنح :ااحم احم هذي مرتي ياهناء
عز الدين : بجديات
قصي: والله ...خيرك انصدمت
عز الدين وهناء: لابس حسيتها صغيره
قصي:ياعزو يافالح هذي بنت خالك راه
عز الدين :شن تقول انت
قصي:خش وتوا نحكيلك توا تفضلوا
وخشو قعمزو
وشويه وجيت انا
انا :السلام عليكم
عز الدين وهناء:وعليكم السلام
كيف حالكم والحمد الله ع سلامتكم
عز الدين:الحمد الله ....منار صح
انا: ايه ...شن حالك ياهناء
هناء:الحمد الله شن حالك انتي وقصي ان شاء الله كويس معاك
قصي في الدقيقه هذي شبحلي وكان خايف من ردت فعلي..
انا:الحمد الله مش منقص عليا حاجه راجل وسيد الرجاله
عز الدين وهناء : دوم يارب
انا: عن اذنكم توا
وطلعت ولحقتني هناء
اما عند عز الدين و قصي
عز الدين:تكلم واحكيلي كيف صار
قصي يالي صار ان بوي وامك مشو جابوا صغار خوهم وانا عجبتني البنت وتزوجتها بس هذي هي
عز الدين: بس صغيره باين عليها
قصي: عادي ...احسن من تقعد في حوش فيه ولاد ويدو علينا الناس
عز الدين : في هذي عندك الحق
وكملوا تهدريز عادي
اما عندي انا وهناء
هناء؛ مواليد كم انتي
انا:2001
هناء: امم ان شاء الله بطولت عمرك يارب
انا:تسلمي اجمعين يارب
هناء: اصغر وحده في خوتك معناها
انا:لالا اكبر وحده انا
هناء:مشاء الله ....كيف عيالك عطوك بكري
انا خنقتني العبره: بوي وامي توفوا
هناء:اسفه مش قصدي ...ربي يرحمهم
انا: لالا عادي ...امين يارب
وقعدنا ندردشوا عادي وشد فيهم قصي يقعدوا للغداء وحطيت الغدي ع النار وكان كسكسي ومعاه مبطن وبوريك
وبعدالغدي روحوا عز الدين وهناء وكنت في المطبخ ونغسل في الماعين ومركبه السمعات وع بالي قصي راقد كنت نغسل وفجاءه اذكرت كلام جدتي زمان
قبل 7سنوات
انا: ياميما
جدتي: نعم
انا: اميما علاش سميتيني منار
جدتي: زمان كانت عمتي الله يرحمها اسمها منار كانت مرا بعوض الرجاله كلهم مسكينه كانت تعاني هلبا وماكانتش تحب تبكي قدام حد ولا تخلي حد يشوفها وقت ضعفها ...كانت عندها لمعة في عيونه زي عيونك بالزبط كانت حركاتها وكلامها زيك بالزبط ومن اول ماشفتك وشفت عيونك ضحكت وقلت هذي منار
انا: نحبك ياميما
جدتي:ههه روح اميما
نزلت دمعه مسحتها بسرعه وضحكت ع كلام اميما
ومع العصر نزل قصي وكان رايق بشكل غريب
وقالي ....
يتبع🌚
Malak Ma(Dzeko girl)
