#زواجي_مجرد_تضحيه
الحلقة التاسعه
للكاتبة ملاك الشريف
قصي: افتحي الباب
انا: لا مستحيل
قصي: تعرفي لو ماتفتحي نهارك احرف
انا فتحت الباب
قصي مسكني من شعري طول: تعرفي يا..../&$^*
مزال تقولي كلامك هذا مره تانيه تشوفي شي مش ح يعجبك
انا: قصي اطلقني خلاص اطلقني ااه قصي خلاص
قصي طلقني وانا طول طلعت من الدار ونزلت للصاله او زي مالمفروض نسميها غرفتي
وانا كيف بنرقد سمعت صوت تلفون قصي يرن ولقيته ع الممر ولقيت الرقم يالي متصل نور عيوني وخديته وركبت لقصي
انا: هاك ...بالك لو عطلت اديرلك قضيه
قصي : ........
انا:تصبح على خير😏
قصي:......
وطلعت اما قصي استغرب من اتصال فاديه توا
وحس انه صاير شي
قصي: الووو
فاديه: قصي اسمعني ....
قصي: فاديه فيك شي ...خيرك تكلمي
فاديه : قصي حني معش نقدروا نكملوا مع بعض
قصي: فاديه فكيني من بصارتك البارده
فاديه : قصي انا نتكلم بجد في واحد جاني واهلي وافقوا عليه والتلبيسه بعد بكرا
قصي: شن تقولي انتي مبكري كنا مع بعض مافيه شي
فاديه: قصي خلاص انت تزوجة وانا لازم نكمل حياتي ونلقى نصيبي يالي فعلا لقيته
قصي : نصيبك ؟؟؟ ولقيتيه؟؟؟
اوكي انا حنكون معاك راجل ومش حندير شي بس من بعدك معش عندي ثقه في اي شخص حتى نفسي
وحذف قصي الفون ع الحيط بقوه وقعد يكسر ويخبط بهستريا لدرجة فقت من نومي وركبت للدروج بخوف ووقفت في نص الطريق لما لقيت قصي نازل وكان شكله يخوف
قصي: اعطيني تلفونك
انا : علاش
قصي بصراخ وعصبيه: انا قتلك عطيهولي مش فرخ انا ال^#/&/$**@! لما نقولك هاتيه تعطيهولي وفمك ساكت
انا: باه اعصابك اهو ع الملحق في الممر
قصي : ان شاء الله ننحرق شن دخلك في ..^^/$#@& سكري عليا فمك انتي بس
وطلع وانا قاعده في حالة صدمه
وسمعت صوت لسياره مشيت لاقرب روشن
وشفت قصي طالع بسرعه نزلت لوطى وفورا قعدت نتصل بيه من الارضي بس ما رد عليا ومع محاولتي اكثر من مره مارد
ركبت للدار وانا بالي مشغول واول مافتحت الباب انصدمت من شكل غرفة النوم يالي كانت مكسره وحالتها حاله وزاد خوفي لما لقيت المرايا مسكره والدنيا معبيه دم
ونزلت بنتصل ب عمي وسراج بس قلت ليل
ورجعت نتصل بقصي وبعد ساعتين بالزبط رد عليا وبصوت مخنوق وضعيف اول مره نسمعه
قصي: خيرك تتصلي شن تبي
انا وتكلمت كاني مش مهتمه: تقدر تقولي انت وين وعلاش الدار مقلوبه
قصي.......
انا بصوت هادي وحنون : قصي انت كويس
قصي سكت وشرب باقي الشيشه وبعدين قال: كويس هه لا في عز الراحه
انا: باه روح وياسرك من السم هذا ونقعمزو نهدرزو في الحوش غر روح توا
قصي: باه
انا:ورد بالك لما تسوق لانك زي متعرف سكران
قصي سكت وناض يضحك بهستيريا
انا: قصييي فيق ع نفسك بدون هبال
انا: قصي انا نستنى فيك راه ...سلام توا
نرجعوا للخلف عند قصي شويه
درس قصي سيارته ع البحر ونزل وهو ماسك شيشه وصل للبحر حط يديه يالي كلهم دم وحس بالم في يديه زاده هم مع الم قلبه
طلع للشط وقعمز يشرب وحس بدمعه ع خده ناض وقف وقال مستحيل قصي يبكي ع بنت
ورجع للسياره وقعمز يفتش في تلفوني وحطاته الصدفه ع اغنية Fake love يالي كانت ع الواتر الحساس
وقطع عليه اتصالي ....
اما في مكان تاني
سكرت فاديه من قصي ولا كانها جرحت شخص وتركاته وشبحت لفونه واتصلت بخطيبها وهي تضحك وتهدرز عادي
( فاديه كان كل همها الفلوس واول ماجاها واحد حالته الماديه احسن من قصي وافقت ولا كانه )
اما عندي انا وقصي
ركبت للدار انظف فيها وانا انظم فيها شفت البوم صور قديم كانوا فيه صور لقصي وهو صغير خديته وقعمزت نتفرج عليه وفي وحده من الصور كان فيها قصي ماسك بيبي صغير وهو حاضنه بقوه عجبتني الصوره وخديتها ورديت الالبوم ورجعت كملت تنظيف
ودقايق وسمعت صوت السياره وكان قصي
نزلت بسرعه
وهو كيف خاش وكان مش قادر يوقف ويتنفس بقوة
انا مسكته بخوف وحطيته ع اقرب كرسي في الجنان
انا: قصي ...شن فيها تكلم خيرك
قصي مسك يدي بقوه : انتم كلكم خاينات وكذابات تلعبوا بمشاعرنا وتسيبونا في ابسط حاجه
ضحيت بكل شي ع خاطرها وفي النهايه باعتني باسهل حاجه وقالت عذر اقبح من ذنب
انا :قصي شن تقول انت فهمني من هي
قصي زاد ضغط ع يدي لين حسيت بشي سخون ولما شفت لقيت يديه ينزفوا
انا:قصي يديك اكيد يوجعوا فيك
قصي:يديا ...انا قلبي يوجع فياااا عيتتت
انا: اشششش خليك هني نجيب حاجات ونجي
ومشيت جبت شويه مطهر وشاش طبي ومنديل
قعمزت ع ركبتي وخديت ايده وقعمزت نداوي فيها وهو يتالم وبعدها ايده الثاني وهو كان دايخ من كثر النزيف ساعدته في الوقوف وبعدين هو بعدني
قصي: علاش انتي هكي حتى بعد ماضربتك وخنتك وكل شي مش كويس درته
انا قربت منه وقتله : مع اني متاكده انك حاليا مازلت تحت تاثير الكحول وانك حتنسى كل شي الصبح بس مع هذا حنقولك انه مش كل الناس زيك في ناس مع كل شي مش كويس مزالت كويسه وفي بعض الناس مع كل شي كويس هي مش كويسه
وساعدته انه يركب للدار وسطحته ع السرير وجيت
وجيت بنطلع بس وقفني قصي
قصي :ممكن تجي شويه
اناجيته: نعم
قصي: طبسي شويه
انا: توا
قصي: اي هكي وقرب مني وباسني ع ...
انا بعدت بسرعه
قصي: شكرا ع كل شي ...حبيت نشكرك توا لاني حننسى كل شي الصبح
انا: ابتسمت وطلعت
نزلت لوطى ولقيت فوني ع الممر قعمزت ع الكنبه وكانت الدنيا ضي وقتها ولعت قران وقعمزت نقرى في روايه كان اسمها( امراءه في بلد السافلين)
ومع الساعه10 ناضوا خوتي فانضت فطرتهم وبدلتلهم وجهزت صفرة لقصي وركبت ولقيته كيف نايض
انا: صباح الخير
قصي: صباح النور
انا : احسن اليوم
قصي: الحمد الله ...بنخش ندوش انا
انا: باه افطر مابين ماجهزتلك حوايج
فطر قصي وناض بيدوش ونزلت انا غسلت الماعين ودرت دوره ع الحوش وبعدين ركبت طقيت مرتين
قصي: تفضل
انا: نعيما
قصي: ينعم عليك
انا: صليت
قصي: ....
انا: عموما انا استنيتك شن رايك نصلوا مع بعض
قصي: ....
انا: مسكت يده وشحيته معاي للصاله وحطيتله المصليه ولبست عباية الصلاه
انا: هيااا
قصي: باهي
وكبر قصي تكبيرت الاحرام
وصلينا مع انهم كانو ركعتين للصبح وؤكعتين للضحى حسيتهم اطول 4 ركعات في حياتي وصوت قصي يالي كان اية في الجمال في القراءه
وبعد السلام قعدت مقعمزه ونشبح لقصي
قصي: خيرك تشبحيلي
انا: صوتك يهبل تبارك الرحمن
قصي: اها
انا:ديما بنصلوا مع بعض
يتبع❤
Malak Ma(Dzeko girl)
