#زواجي_مجرد_تضحيه
الحلقة الخامسة
للكاتبة ملاك الشريف
خشيت للبلكونه ودرت فيها كرسي وحطيت سمعاتي وقعمزت نسمع في الاغاني وماسكه دموعي لحد ما جتني ع اغنيةAirplanet bts
قعمزت نضحك لان الاغنيه هذي كانت تحكي ع احلامي وفجاءه تبخرت
ضميت رجليا وقعد شريط حياتي يرجع بيا للبدايه او بالاحرى بداية النهايه
وطق الباب مرتين بس انا مرديتش لاني منسمعش فيه
خش قصي وشاف للدار ولقاها فاضيه فاطلع للبلكونه ولقاني فيها
قصي:شن اديري
انا: نبي ننتحر عندك مانع
قصي:......
انا:منبيش نخش فالهذا لو تبي ترقد برا
قصي: اوكي
وخش امتد ع السرير وطلع تلفون تاني واتصل بي فاديه
اما انا فابدون قصد سكرت الاغنيه وجت في ودني كلمة نحبك يااميرتي
وقعدت نسمعله
قصي:نحبك يااميرتي
فاديه:صدقت هذا علاش انت معاها توا
قصي: معاها؟؟ اوينها في البلكونه بروحها انا مستحيل نقرب منها وعندي زيك يااحلى حاجه عندي
فاديه؛انا زعلانه منك مع هذا
قصي: علاش
فاديه: مشريتليش الفستان يالي قتلك عليه
قصي:حاضر بكرا يكون عندك ياقلبي
فاديه: اممم وجيبلي معاه اكسسوارات وميك اب
قصي:حاضر من عيوني ياعيوني
فاديه:امم بنرقد توا
اما انا كنت نسمعله وعيوني يدمعو بروحهم كنت نسمع وانا مش مركزه اني نبكي
للحظه فكرة نلوح نفسي من البلكونه بس خوتي...لمن
تعوذت من الشطان ومسحت دموعي وخشيت وكان قصي راقد
درت كرسي جنبه وقعمزت نتفرج عليه ومركزه ع ملامح وجهه يالي كانت هاديه عكسه وشبحت للفيلوا وضحكت ضحكه ترجمة كل شي في قلبي ضحكت شخص كل احلامه صارت انه يموت
قعمزت ع الكرسي نقرى في قران ولما وصلت في اية(وبشر الصابرين) غمضت عيوني بحسره وتنهدت بطريقه كنت فيها نطلب من ربي النجدة
وطلعت برا وقعمزت ع الكنبه وحاولت نرقد بس ماجاني نوم لعند الصبح
نضت صليت ولبسة بلوزه طويله للركبه
وتحتها سروال دجينز ودرت شويه روج احمر ومسكره
وشوية وطق الباب وكان الفطور
دخلته للداخل واستنيت قصي يالي دقايق وطلع
قصي :صباح الخير
انا:صباح النور
قصي: انا جعان راه
انا: باه اصلا جابو الفطور
وحطيت الفطور
قصي:تعالي افطري اكيد من امس ماكليتي شي
انا:منبيش ...عااساس هامك فطرت او لا
قصي :استغفر الله ...عموما وتي روحك لان بتجي عمتي رجاء وفاديه بيلبسوك العربي بش بنروحوا
انا :اوكي ...ونضت
قصي:انا بننزل لوطى بش تاخدو راحتكم
انا:تمام
ونزل قصي اما انا فالبست توته عرايسيه بش ماحد يشك
وقعمزت بش ندير مكياج خفيف وشويه وطق الباب وكانت عمتى رجاء وفاديه
عمتي:صباحيه مباركه ياعروس
انا:يبارك فيك عقبال عند فاديه
فاديه:ان شاء الله يارب
وخشوا ودقايق وطق الباب وكان قصي جايب معاه ضيافه من لوطى
قصي:علاش لابسه هكي
انا:بش منفضحش بينا وخشيت وقربعت الباب
وضيفتهم وكملت مكياجي
ولبستني عمتي وبعدين لبسة ذهبي ونزلت عمتي وفاديه بيروحوا
اما عندي كنت نساوي في مكياجي مع خشت قصي
قصي في سره:مشاء الله طالعه تجنن🤤🤤🤤
قصي:هيا شنو
انا:الصبر خيرك مستعجل😐
قصي :نبي نبدل
انا :اففف طالعه
وقفت ع مراية الممر ندكن في الروج وماحسيت الا بقصي ماسك الروج
قصي:ياسر منه الهم هذا
انا:شن دخلك
قصي:راجلك انا
انا:ههههه وووك حلوه النكته
وطلعت وقصي لبس كندرته وطلع وراي
قصي نزلي راسك النم كلهم يتفرجو عليك
انا :وكيف بنمشي ان شاء الله
قصي:تمشي تمشي
انا:شبحتله بطريقه مستفزه ومشيت وخليته
وصلت لسياره
قصي :كلب انا تمشي وتخليني ننبح
انا: ع الاقل الكلب وفي
قصي:مطلعيليش جنوني الزح
انا:انا معش نخاف منك تعرف علاش لانك طلعت عيل مش راجل
قصي:شني؟؟؟انا مش راجل ...خلاص توا نروحوا ونوريك الروجوليه
انا:هه انت مزلت ماتعرفني حنفجاءك هلبا يادكتور قصي ..وركبت وقصي وراي وحرق عجل السياره وطلع بسرعه
اما سبحان الله تقول انصبت عليا برودة العالم كله ولا كان في شي بكل
عم الهدوء فتره لحد ماشغل قصي الراديو
وانشغل كل واحد يفكر شن حيدير في مستقبله المجهول وفجاءه قطع علينا رنت تلفون قصي
وكان التلفون قدامي والاسم كان مكتوب نور عيوني قمت التلفون وعطيته لقصي بضحكه بارده
انا:نور عيونك ياراجلي تتصل
وركبت سماعاتي وشبحت للروشن
اما قصي لما شافني فته رد
قصي: الووو
فاديه:صباحو حبيبي
قصي:صباح الورد يااحلى ورده
فاديه :هاحبيبي جبتلي الفستان
قصي:ايه ....وتوا نجي نعطيهولك
فاديه: اوكي سلام توا
قصي:سلام وردي بالك من روحك باي
فاديه: باه باي
اما انا مليت فاخطر علي نفتح الفيس
قعمزت نتصفح وشويه وتسكر عليا الفون بدون شحن
انا:هاك تلفوني اشحنه
قصي:حطيه توا
انا:باه
قصي:انزلي وصلنا
انا:بننزل هكي ان شاء الله
قصي:جبت معاي حاجات من غير متقولي
انا:باه
ونزلت وقصي وراي .وطول جوني خوتي يجرو ويتباكو
مرت عمي:ههه مبروك عليكم يارب وان شاء الله تتهنو
انا ضحكت:ههه ان شاء الله ...وفي نفسي اي هني مع ولدك السيد
انا:شني يامرت عمي خيرك عليهم هههه
مرت عمي:تشبحيش فيا قريب نقتلهم ههههه مدلعين عودتيهم عليك
انا:الله غالب من مزاللهم غيري
مرت عمي:هي خشي العيله كلهم يستنو فيك
انا:دقيقه بس
ووقفت ع المرايا نساوي ع خشت سراج
سراج :اووو مرت خوي سامحينا
انا:عادي ...ومعش تقول مرت خوي قولي منار ولا بنت عمي
سراج:شن صاير معاك توا
انا:ان شاء الله خير ياسراج
سراج :صدقيني اي شي تستحقيه انا معاك وجنبك
ولما سراج قال انا معاك وجنبك كان قصي واقف
خشيت انا وطلع سراج واول ماطلع حصل ضربه ع وجهه لين خشمه نزف
قصي:يا .....&&$@^&#**$&^ تتمعشق انت ومرتي ياحيوان
سراج:قصي ...خوك الكبير انا شن الالفاظ يالي تقول فيها ...احترم نفسك وانا مستحيل ندير هكي ولو مش مصدق كاميرات الحوش ياكدو
وفعلا سراج عطي قصي يشوف كل شي في كاميرات التسجيل متع الحوش وبعدين اعتذر قصي من خوه
ومع هذا قصي زاد تعصب لان سراج يعرف بالموضوع
اما عندي كان الجو حلو لحد ماجي وقت المرواح
وكنت حاسه بشي خصوصا ان عمي قال قصي منزلش من السياره ومستعجل ..بس لما طلعت لقيت سراج بس
سراج:اركبي اركبي
انا:خيرك وين قصي
سراج:قصي مجاش بروح بيك انا وقلت لبوي قصي في السيارة بش مايشك
انا:اوكي ...وينه هو
سراج: والله مانعرف
انا:اها...توا نروح نشوفه
سراج:تمام لو عطل كلميني
انا:اوكي
حطني سراج في الحوش ومشي اما انا اول مافتحت الباب لقيت السياره والباب الرئيسي مفتوح عرفته قاعد
انا:السلام عليكم
قصي وهو يدعدع : ههه وعليكم.. .هههه..واخيرا شرفتي ياهانم ...
انا شبحتله بقرف: وووك شارب انت لامتى بتقعد مقرف هكي
قصي قرب مني بخبث:هه مره مقرف ومره مش راجل شن رايك نتبتلك العكس
انا:تحلم ...بعد من عليا تواا
قصي: هه نخليك وانتي طالعه حلوه هكي
انا:برا ياتافه ياحيوان حول مش لعبه عندك انا حول
قصي سكر عليا بيديه :مستحيل نخليك ..يالعبتي هههه
انا وخرت وبعدين قدمت بقوه ودفيته لحد طاح
و جيت بنمشي مسكني من رجلي فضربته برجلي الثانيه وهربت للدار اما هو لحقني وقعد يقربع في الباب وانا ورا الباب ونسمع فيه
قصي:تعودتي تمدي ايدك يا *&/@/^$**تحسابيها سايبه توا تشوفي يا&^#@&^
انا:قصي احترم نفسك حتى لو كنت سكران مانسمحلك
اما قصي تعالا صوته وزاد من قوته وعرفت انه لو فتحه حتكون نهايتي
مشيت فتحت باب الحمام وفتحت باب الدار ولبدت وراه وهو طول شاف لباب الحمام ومشي
وطلعت انا من ورا باب الدار وهربت للمطبخ ودقايق وكان قصي وراي معش عرفت حل غير اني نخليه يدوخ واخر حل نضربه ع راسه وهذا يالي صار
ضربته بالعصيه ع راسه وبعدين جبت قهوه وشممته وبعدين رفعته للدار وسطحته ع السرير وخديت حوايجي وطلعت بدلت وبعدين رجعت لقيته مزال راقد
فاقررت ننزل لوطى نتفرج وفعلا نزلت قعمزت ع الكنبه ولا اراديا لقيت روحي نبكي
نبكي كاني طفل صغير خدو منه حلوى
نبكي كاني انا الطفله يالي خدت منها الدنيا بوها وبعده امها وتركتها الدنيا تعاني في4اطفال وهي مزالت طفله
نبكي كاني اتزوجت وانا قاصر من شخص يكرهني ويدور في اي شي يستخدمه ضدي
وانا في عز البكي قمت راسي وشفت
يتبع❤🙈.
Malak Ma(Dzeko girl)
