#زواجي_مجرد_تضحيه
الحلقة التانيه
للكاتبة ملاك الشريف
حقوق النشر محفوظه
انا:والله ومن تكون انت
قصي شبح لوضعنا وضحك:حاليا نقدر نكون كل شي ههه
وخشت علينا عمتي بطريقه مثيره للشبهه
عمتي:شن اديروا انتم الزوز هني في الوقت هذا بالتحديد
انا : انا كنت نتمشي وتوا وين خشيت تلاقيت مع قصي
قصي: وانا مش ملزوم نتكلم ...وطلع
عمتي رجاء:شكلكم مايوضح الشي هذا
انا: شن قصدك
عمتى رجاء:قصدي واضح ...مش حل هذا تقعدي مع شباب في حوش كبير زي هذا ...لازم نتصرف وبسرعه
انا:تي شن تقولي بالله عليك
عمتي رجاء:يجيك وقت وحتعرفي فيه وطلعت
مرو 4 اسابيع عاديه مجرد اني نوعا ما بديت نتقبل في العشيه معاهم ويومي كله وانا في الدار وفي الليل نطلع للحلبه وكانت نتلقى مع قصي مرات واما قصي ماتقبلي بس حسيته تعلق هلبا ب ريناد ورنا ه وحتى هما حبوه
لحد ما جي يوم الخميس وكنت وقتها سكرت شهر عايشه هني
مع الساعه 10:30 في الليل جتني مرت عمي
مرت عمي: منار يامنار
انا كنت مقعمزه نكتب
انا:نعم ..تفضلي خشي
مرت عمي:رقدو خوتك
انا:ايه .. علاش
مرت عمي: عمك يبيك لوطى
انا:دقيقه ونجي
وغيرت ملابسي ونزلت وتلاقيت مع قصي في طريقي لمكتب عمي ابراهيم
قصي:هييي انتي وين ماشيه
انا:لقطع رقبتي تمشي معاي
قصي:تي نكلم فيك الزح جاوبي من غير براده
انا:طريق شنو هذي ...للمكتب يعني وين ماشيه
قصي:علاش؟؟؟
انا : استغفر الله بوك يبيني وين نعلم انا
وخشينا للمكتب ولقيت عمي وعمتي مقعمزين
انا :السلام عليكم
قصي :مساء الخير
هما :وعليكم السلام ..مساء النور
عمتي رجاء: اكيد مستغربين علاش ناديناكم
انا وقصي: ايه ...ان شاء الله خير
عمي :انا وعمتك ياقصي قررنا انك لازم تتزوج منار
انا وقصي :😲😲😲شنييي
عمتي رجاء : يالي سمعتوه
انا:مستحيل نتزوج قصي تحلموا انتم
عمتي : لا مانحلموا والعرس الاسبوع الجاي
انا: تي شن تخرطوا منكم ليكم تحسابوها سايبه وطلعت وانا معصبه اما قصي كان ماسك الدخان ويدخن بكل برود
عمي:شني ياقصي انت موافق ولاكيف
قصي: مستحيل نتزوجها هالمتخلفه بس ضربني الفضول نعرف علاش دبستوني فيها
عمتي : ياقصي البنت قعدتها في الحوش معك غلط وسراج عرسه قريب وعز الدين متزوج ومافي حل غير انها تتزوج
قصي: وانا مش موافق شن تقدروا اديروا
عمتي رجاء بتحدي :لو ماوافقت لا انا ولا بوك ولا امك راضين عليك ليوم الدين ولا ولدنا ولانعرفوك
قصي ضرب الطاوله بقوه لين تكسرت: تي شن عيل صغير انا لين تحكموا فيا وتزوجوني ع كيفكم
عمتي رجاء :قصيييي ...احترم نفسك انت حتتزوجها وحتبين قدام باقي العيله انك فرحان وكانك تبيها تسمع فيا وله
قصي :تمام بس صدقوني مستحيل في يوم نعاملها كانها مرتي هي حتكون مجرد خدامه لا اكثر....وطلع
عمي ابراهيم: اففف كيف خدامه هذي بنت عمه ولازم يتقبلها
عمتي رجاء : صدقني ياخوي حتغيره وحتقلبه وحتشوف قصي شخص تاني متغير للاحسن
عمي ابراهيم : ان شاء الله
اما عندي كنت مقعمزه في الحلبه زي المجنونه نضحك بهستريا ونبكي لين سمعت صوت حد جاي مسحت دموعي ...وكانت مرت عمي
مرت عمي :عادي نقعمز
انا : وتسئلي فيا في حوشك
مرت عمي :عادي ....اكيد مش عاجبك قرار رجاء صح
انا: قصدك عمتي رجاء صاحبة الفكره
مرت عمي: ايه كانت ليها فتره تجي وتقنع في ابراهيم وهو وافق مجبور لانها اخته الكبيره
انا:بس انا مستحيل نعيش مع حد يكرهني
مرت عمي : قصي صح مايحبك لكن مايكرهك هو حاليا ماعنداش مشاعر ليك بس تعلق بسرعه بخواتك ...وانتي تقدري تكسبي قصي بالشويه عليك
انا : الشي الوحيد يالي نقدر نديره اني نضحي بمستقبلي وحياتي ع خاطر خوتي اما قصي فاانا معنديش مكان في حياته
مرت عمي :انتي ماتعرفي شن ممكن يصير
انا: مستحيل يكون اسوء من هكي
مرت عمي : مرات احسن ...وتوا تعالي نخشوا صقع
انا :لالا مش خاشه توا مزال
مرت عمي : براحتك ..تصبحي ع خير توا
انا :وانتي من اهله
وخشت مرت عمي وانا مازلت في نفس المكان
مقعمزه لعند ماجي قصي
قصي:شن اديري هني صقع
انا:قصي انت راضي ع الشي يالي صاير
قصي: منار خشي صقع وانتي مازلتي مريضه
انا:قصي انا نكلم فيك ماتغير الموضوع
قصي: استغفر الله انا راضي باهي وموافق باهي توا خشي معاي
انا: هههه نكته حلوه انت تبصر صح ...تبصر علياا
قصي:لا مانبصرش ...انتي حتكوني ..م...مر....انتي حتكوني مرتي...
انا:........
قصي:توا خشي داخل صقع
انا:منبيش
قصي:وووك من عنادك وحذف عليا التوب متاعه وخش
اما انا اكتفيت بابتسامه ولبست التوب و فكرت في كلام مرت عمي وكانت ريحة التوب مميزه كانت ممزوجه بريحة عطر قصي والدخان 🔥❤
قعدت مقعمزه نفكر لحد ما خداني النوم ...وفقت تاني يوم ولقيت روحي في فراشي استغربت ونزلت لوطى
وانا نازله نخبط في قصي يالي كان راكب وهو معصب لدرجة تحطت لما خشيت فيه
انا:اييي ياراسي
قصي بصياح: شوفي قدامك مرة تانيه عمي
انا:يعميك
قصي: .... وطلع هو كامد غضبه
نرجعوا للخلف شويه
(اليوم الصبح في الجنان)
قصي:صباح الورد يااحلى ورده
فاديه :صباح النور
قصي: ها علاش ناديتي عليا
فاديه: عندي موضوعين ...الاول عندي عرس اليوم ونبي فلوس للمزين
قصي: كم تبي
فاديه : 2000
قصي: تمام تبي شي تاني
فاديه : لا ...والشي التاني ...كيف تبي تتزوج منار وانا وين مشيت
قصي : حبيبتي انا مانبي منار بس امك هي سبب كل شي
فاديه : قصييي...شن تخرف
قصي: ياعيوني انا نحبك ومانبي غيرك هي حتكون زي الخدامه بس
فاديه : باه ان شاء الله توا اعطيني الفلوس
قصي : فاديه شن هالبرود يالي عندك
فاديه: قصي مش برود هذا ...انا عارفه انك حبيبي وحدير كل شي ع خاطري
قصي: اوووكي توا نشوفوا
وعطي قصي فاديه الفلوس وركب
اما انا نزلت لوطى فطرت انا وخوتي وبدلتلهم ونزلت
عمي: شن صار يامنار
انا :موافقه ياعمي
عمي :كويس يابنتي ربي يتممك بعقلك
انا:عن اذنك توا
وانا طالعه نتلقى مع سراج
سراج:صباح الخير يامرت خوي
انا: صباح النور وياريت تقول منار او بنت عمي احسن
سراج :علاش وخيرها مرت خوي
انا :......
وكيف بنتكلم حسيت بقصي يشح فيا
قصي:عن اذنك ياسراج نبي مراتي دقيقه وقالها بضحكه
ورفعني قصي للمطبخ الخارجي
قصي: ماتقولي لحد ان زوجنا غصب
انا :شن تقول انت
قصي: يالي سمعتيه
انا:...تمام حول توا
قصي:اطلعي هيا
وطلع قصي وانا وراه
سراج:مزال العرس راه
قصي: مثقل دمك الزح ...اسكت
سراج: تحشم خوك الكبير انا
قصي:بالجوده ...منار خشي داخل
سراج:شن يقولوله هذا
ولد عمها انا مش واكلها راه
قصي :سراج معنديش ليك خلوق راه اطلع من راسي ياراجل
سراج : ..... ومشي بدون ولا حرف
عندي انا
مرت عمي : ....
انا: .....
يتبع
Malak Ma(Dzeko girl)
