#زواجي_مجرد_تضحيه
الحلقة الثامنه عشرا
انا: شكرا
سراج: شن قلت انا
....وتوا تصبحي ع خير وردي بالك من روحك
انا:حتى انت
وطلع سراج ...اما انا خديت تلفوني واتصلت بمرت عمي
انا: اهلين ...شن حالك توا مرت عمي ..اسفه خوفتكم عليا
مرت عمي؛ الحمد الله ع السلامه ...هكي شغلتينا عليك ...ان شاء الله احسن توا
انا: الحمد الله احسن ..
مرت عمي: هاك كلمي رامي وريان مشغولين عليك
انا: متخفوش حالي باهي توا شويه ونروح
رامي: باهي معش تخلعينا هكي
انا: اسفه ياسيدي
ريان: اكيد حالك باهي
انا:ايه والله احسن
مرت عمي: تعلمي بقصي وسفره
انا خديت نفس وتكلمت: ايه نعلم ....اهم شي خدمته ....وخنقتني العبره وكملت بقوة
انا: خدمته اهم شي اهم حتى مني ...عادي اصلا حالي باهي
مرت عمي: .......
انا: نبيش نعطل عليكم ...واصلا الدكتور جي ...تصبحوا ع خير
مرت عمي: وانتي من اهله
في مكان تاني كان فيه شخص يحاول يرقد بس مقدرش
قصي:اففف شن هذا ...كلامها يرن في وذني ...زعما تقدر ادير شي اففف مستحيل خصوصا موضوع الطلاق
اما عندي كنت مقعمزه نفكر بكل شي حيصير وفي الشخص يالي حيدخل في حياتي ويحاول يغيرها وفجاءه انفتح الباب من جديد وكان سراج ومعاه شاب الباين انه في بداية90 بس كان طويل وعريض
نعرفكم بالشخصية الجديده يالي حتقلب الرواية
زكريا شاب مواليد92 يخدم محامي كان شاب صاحب شكل رياضي طويل وعريض يعني ...كان صاحب بشره حنطيه وعيون سوداء كبيره الصراحه منعرفش نوصف المهم كان شاب قنين وصديق لسراج
انا ساويت وشاحي وقعمزت
سراج: اسف جيت توا ...بس الحق قلت توا احسن
زكرياء: اسف ع دخولي في وقت غلط ...والحمد الله ع السلامه
انا: الله يسلمك ..لا عادي ولايهمك
سراج: هذا المحامي يالي طلبتيه مستحيل تلقي احسن منه
انا: ليا الشرف يا استاذ.....
زكرياء: اسمي زكرياء من غير استاذ
انا: سراج ياريت ننزلوا للحديقه بس ناخدو راحتنا
سراج: بش الدكتور قالك متطلعيش
انا:وع اساس نسمع في الكلام من قبل ...
سراج: تمام توا ننطلعوا وانتي الحقينا
وطلعوا وانا نفك في الاجهزه من عليا
اما يالي صار برا
زكرياء: انت قتلي عندي شخص يبيك في موضوع ومقتليش طفله
سراج: زكرياء مرت خوي هذي وبنت عمي راه
زكرياء: .......
سراج: زكرياء ....تعرف انك اعز عليا من الاخ ...وتعرف مكانتك عندي ...لازم تساعد منار ...
زكرياء: اكيد ...ولايهمك ياصاحبي ناديني وانا نلبي ...بس شن الموضوع
سراج:بعدين تو تحكيللك منار
زكرياء :تمام ...بلحق شن صار في العرس
سراج: بعد اربع شهور
زكرياء: اها ...امتى قررتوا
سراج: تعرف توا وانا جايبها للمشفى ...انت اول من يعلم
زكرياء: حتى انا رفيق دربك
سراج؛ ضم هالفم هذا فاش فالح
وشويه وطلعت انا
نزلت ووراي سراج وزكرياء للحديقة متع المستشفى
قعمزت ع الكرسي والكرسي يالي بعدي كان فيه زكرياء اما سراج قعمز بعيد شويه بس مقابلنا
زكرياء: زي ماتعرفي انا محامي ...وانتي طلبتيني بس علاش
انا: انا نبي نرفع قضية خلع ع زوجي
زكرياء : سراج يعلم
انا: ايه ....عموما سراج عارف بكل شي حنقوله ليك
زكرياء : تمام ...حنبدو من توا وياريت تحكيلي كل شي بالتفصيل لو مافيش مانع
انا: اكيد....طبعا انا يتيمه توفى بوي من 10شهور تقريبا وامي من 3شهور ...انا الكبيرة في خوتي ..
زكرياء: ربي يرحمهم وعضم الله اجرك ...قداش عندك خوت واعمارهم
انا:عندي4 خوت واحده2004ووحد2008 ووحده 2013وحده2016
زكرياء: وانتي يالي تخدمي عليهم وتهتمي بيهم
انا: بعد وفاة بوي اطريت نخدم ...كنت نظف في الحياش بعد المدرسه
زكرياء؛ ايه ...
انا: ومن بعد وفاة امي ...جي عمي وعمتي رجعونا ...
زكرياء: يعني كنت متعاركين معاهم
انا: لا هما يالي تبرو من بوي ...لانه طالب بحصته من الورث بس عمتي قالت انه معنداش ...عموما رجعونا وقعدنا فتره ...وبعدها انفرض عليا موضوع الزواج من قصي
زكرياء: باه علاش تبي تتطلقي ...انا ننصحك راه الناس ماترحمش
انا:كلام الناس اخر همي ...انا حاليا عايشه في جحيم ..تاني شي حتى لو الناس تكلموا ...هما بياخدو الذنوب وانا بنرتاح
زكرياء: .....صدمتيني بكلامك مستحيل حد يصدق ان طفله بعمرك صار معاها هذا كله وعندها نظره للحياة هكي
انا: العمر مجرد رقم يازكرياء ...وانا هني بش نتبت هالشي ...عموما انا نبي نرفع قضية خلع ونبي حاليا كل شي يكون بالسر ...لبعد عرس سراج ...
زكرياء: اكيد زي ماتبي ...عموما نقدر نعرف السبب
انا: للاسف اسباب شخصيه خاصه
زكرياء: ان شاء الله حنكون قد المقام ونساعدك في الشي يالي تبيه ...وتوا نكلم سراج ع الاوراق يالي تبيها كله
انا: اااه نسيت مقتلكش ...سراج انسه في هالموضوع ....وتقدر تتواصل معاي انا
وقف زكرياء: تمام متفاهمين هذا رقمي ...وحنخبرك بكل شي ناقصك من اوراق
انا وقفت: تمام وشكرا تعبتك معاي
زكرياء بابتسامه: تعبك راحه ...ولو
وطلع زكرياء وسراج.....
اما انا ركبت....لغرفتي واول ماخشيت لقيت قصي لابس ومتانق ومعصب
الاخ مزال عنده وجه بش حتى يجي ويتكلم
قصي: وين كنتي ياابلة وانتي تتصرفي ع راحتك
انا:هذا شي ميخصكش
قصي: انا راجلك
انا: ههههههههه راجلي؟؟؟مزالت حاسب انك راجلي ...عموما انت خلاص مجرد حثاله في حياتي
قصي مسكني بقوة وانا دفيته .....
انا:تي وين ماشي بيه يااستاذ ....بس استعد للمفجاءه الحلوه متاعك ...وياريت تطلع توا احسن مانعيط ونقوللهم كل شي
قصي: ......
وتلفت وطلع ووقف وشبحلي انا ضحكت وهزيت راسي وشيرتله بيدي باي
يتبع
بنات الرسائل متعكم ماتفتحش هذا علاش منردش
