#زواجي_مجرد_تضحيه
الحلقة الحادية عشرا
للكاتبة ملاك الشريف
ودقايق وخشوا اهل العريس
وكنت انا وهناء ومرت عمي في استقبالهم
وكانوا مجموعه بسيطه وهما اخت العريس وامه وكنتها وخالته 4 عمات
قعمزت معاهم مرت عمي وعمتي وعمات فاديه
اما انا مشيت للمطبخ مع هناء
هناء : ايه شن جوك مع قصي
انا:الحمد الله كويسين
هناء: هذا علاش مش صابر عليك مبكري ههه ربي يدوم محبتكم
انا: ههههه اجمعين يارب
وف نفسي : كان تشوف عركتنا مبكري
طلعت هناء تفرق وانا وقفت بنسخن الحليب لنسكافي
ع طقت باب المطبخ الخارجي
انا: منووو
رامي: منار في حد معاك في المطبخ
انا: لالا
وفتح الباب وخش قصي واما رامي طلع
قصي: وين ال..... وسكت لما شافني
انا : اييي نسيتكم بكل ...دقيقه وتوا نجهزلك السفره وقعدت نحوس بسرعه ومش مركزه ع قصي يالي بياكلني بعيونه
انا: هيييي الحليب نسيته
ومشيت من جنب قصي يالي وقف مترنح من ريحت العطر
انا: هذي السفره وبعدين تعالى تاخد القهوه والحلو
قصي: وانتي امتى
انا: شنو؟؟؟
قصي: امتى تبي تريحني
انا: اولا ياقصي انت يالي كنت ماتبيني وتانيا لما تعركت مع حبيبتك وسيباتك جيتني
قصي:والمقصود
انا : مع اني عارفه ان هذا غلط والملائكه تلعني بس انا عند قراري ولما نعرفك تستاهل تكون زوجي بجد يمكن
قصي ضغط ع السفره بقوه
قصي:يعني انا توا شنو
انا: هييي ايدك بالشويه
قصي: انا شنوووو توا
انا: ولد عمي بس
قصي :......لف وطلع بدون ولا حرف
اما انا حسيت بدوخه وقعمزت وشويه وجتني هناء
هناء: خيرك
انا: حسيت بدوخه فجاءه
هناء: اكيده هبوط من الصبح ماكليتي شي
انا: مخاطريش نيتي مسدوده
هناء : خودي حتى طرف شكلاته وكاس عصير
انا: لالا مخاطريش
هناء : هييي نسيت
انا: خيرك
هناء: عمتي فتحيه تبيك
انا: اها توا نمشيلها ودرت دوره بسيطه ع روحي وطلعت وقعمزت حدا مرت عمي
مرت عمي :وهذي كنتي مرت الدكتور
انا ابتسمت
عمت العريس: مشاء الله ربي يبارك ... هذي نفسها بنت سلفك
مرت عمي: ايه
عمت العريس: مشاء الله مشاء الله
انا: عن اذنكم
وخشيت للمطبخ لما حسيت روحي خلاص بندوخ
ولحقتني مرت عمي
هناء: قاعده دايخه صح
مرت عمي: دايخه؟؟؟ وانا نقول خيرها مرخيه
انا: مافيا شي
مرت عمي: خوذي كاس العصي هذا اشربيه قدامي
انا؛ مخاطريش
وقطعنا الباب
مرت عمي: منو
قصي: هذا انا افتحي بنخش
هناء طلعت وفتحت مرت عمي الباب لقصي
قصي: خيرك يام صوتك لبرا
مرت عمي: الفالحه هذي من الصبح ماعد ذاقت حاجه وتوا دايخه
قصي: هاك كولي توا
انا: قصي مخاطريش والله توا بناكله بنستفرغ
قصي: مش طالع لين تاكليها وتشربي العصير
مرت عمي: انت وهي زي الصغار الصغيرين تفاهموا في بعضكم وطلعت
قصي قعمز ع الكرسي ونادني
قصي: تعالي وجيبيهم
انا: قصي بالله عليك مخاطريش
قصي بصوت حنون : باه تعالي
انا:نعم وجيته
قصي مسكني من خصري وقعمزني في حجره وهمسلي
قصي: تشربيها ولا يصير كلام مش حيعجبك
انا: لالا توا نشربها حول بس
قصي: اشربي قبل
انا :باه
انا: كملتها اطلقني توا
قصي حط راسه ع كتفي وخدي نفس
قصي: ريحتك تهبل
انا: قصي اطلقني خلاص ياسر
قصي: ...... وباس خدي ونزل لرقبتي وكتفي
انا: قصي بعد حسه حد جي
ناض قصي: وتيي العشي
انا : باه
وبعد طلع قصي طلعت برا وقعمزنا نهدرزوا
وشويه وجت فاديه وبعدين ركبت تلبس الفستان يالي جابوهلها
وحطينا العشي للنساوين وطلعت لقصي بنعطيه سفرة الرجاله
قصي يعارك: كيف تطلعي هكي افرضي يفوت سراج ولا عز الدين وانتي هكي
وهو يهزب وانا نشبحله ومبتسمه زي الهبله
قصي : علاش تضحكي زي المجنونه
انا: لا شي ....رامي وين
قصي: رامي يلعب هو ولد عزو برا ...توا خشي قدامي ومزال تطلعي هكي نقتلك
انا: حاضر ❤
قصي: تواا
وخشيت واول ما خشيت لقيت عمتى رجاء
عمتي:سلم بنتي بري لفاديه تبي من يساعدها ووقت وتوا العريس شويه ويخش
انا:باه ...وركبت للدار لقيت فاديه مقعمزه ولاويتهم
انا: خيرك شن فيه
فاديه :الفستان اخييي معجبنيش
انا: حييي ع العار ... توا انتي تفكري في هذا النبي البسي وانزلي
عمتي خشت: هيييي البسي بسرعه بلا فضايح وبعدين تفاهمي انتي وهو
انا:هيا انزلي
ووبدلت فاديه بعد هزايب من امهاونزلت وشويه وخش العريس كان شكله عادي يعني قصي احلى منه اسمه عبد الفتاح كان في وسط الثمانينات
وكان يخدم تاجر
ومر بقيت الوقت عادي لبسها الدبله وعطوها حاجاتها و قصوا القاتو
وبعد ماروحوا الضيوف كنت انا وهناء نغسلوا في الماعين وباب المطبخ الخارجي مردود
هناء: شن رايك في العريس
انا: باهي حسيته
هناء: ماصحك مش حلو الحق بس الشكل مش كل شي
انا:ريتيه كيف يرعش عليها
هناء: حسيته كبير
انا:بل العكس لما شفته الحق يمكن وسط الثمانينات تعطيعه
هناء: انا حسيته اكبر ...تلفوني يشرين توا نجي
انا: خودي راحتك
وهناء طلعت من هني خش عليا قصي معصب
قصي: مشاء الله حسيتيه باهي وتعطيه وسط الثمانينات شن تاني ياابله بالك تبيني
نزوجهولك وخلاص
انا: ........
قصي: تتكلمي خيرك ساكته
انا: قصي خيرك معصب ..انت من الصبح مش ع بعضك
قصي:...... مافيا شي بس انتي اديري في حاجات عبيطه
انا: زي ...
قصي: استغفر الله ...انا طالع توا
انا ؛ وين بتمشي ليل
قصي:توا نجي مش معطل
انا: قصي شن قلنا ع الشرب
قصي؛ مش شارب متخافيش
وطلع قصي اما عندنا
كملنا الماعين وروحت انا وخوتي ومرت عمي والبنات اما خوات قصي الصغيرات باتو والكبار روحوا مع رجالتهم
مرت عمي : توا باهي هكي عاجبك حالك كيف مرخيه ولا بيتي تاكلي ولا تشربي
انا: .......
مرت عمي: صاير شي بينك وبين قصي
انا : لالا بس طلع وحتى تلفونه فاسد وانا مشغوله عليه لان عطل
مرت عمي: خشي ارتاحي متخافيش عليه الحافظ ربي ان شاء الله
انا: ان شاء الله ...
مرت عمي: حقا نسيت ماقتلك
انا:شنو ان شاء الله خير
مرت عمي: قالت رجاء العرس بعد 3 اسابيع
انا: وقت ضيق كيف بيلحقوا
مرت عمي: والله حسيت حتى انا
انا: المهم ربي يهنيهم
مرت عمي: ان شاء الله .....تصبح ع خير توا
انا : وانتي من اهله
يتبع
Malak Ma(Dzeko girl)
