#زواجي_مجرد_تضحيه
الحلقة العاشرة
للكاتبة ملاك الشريف
نضت وقفت ونحيت عباية الصلاه وقمت المصليه
وناض قصي وقام المصليه وجي معاي
قصي بتوتر: صار شي امس
انا مع ابتسامه بسيطه؛ لا مصار شي ارتاح
قصي: احم انتي دويتيلي يديا
انا: ايه ... عموما امك اتصلت وقالت لازم نجو اليوم
قصي: اها مقالتش السبب
انا؛ خاطي تجهيزهم لخطوبة فاديه لا
قصي: خطوبة فاديه؟؟؟ من امتى تعرفي
انا: من يوم عرسنا حكتلي عمتى رجاء وقالت مش اكيد
قصي:......😪😪😪
انا: خيرك
قصي: لالا شي سلامتك
انا: وين بتمشي
قصي: مش عارف ....جهزو روحكم ساعه بالكثير ونجي
انا: قصي ممكن دقيقه
قصي: منار... منبيش نتكلم متضغطيش عليا
انا: لالا مش متكلمين بس تعالا معاي
قصي: تمام
ومشي قصي وانا وراه للجنان
قصي: اي تكلمي شن تبي
انا: هي حاجه وحده انا منحبش نشوف قصي الضعيف انا نبي نشوف قصي العصبي القاسي حتى لو كان الشي هذا ع حساب صحتي وصدقني ربي لما يبعد عليك شي مش كويس فاهذا لمصلحتك
قصي:.....
انا: رد بالك ع نفسك
ومشي قصي وانا خشيت لخوتي جهزتلهم ملابسهم وحاجاتهم لانه بنباتوا
وبعدين خشيت لدار النوم جهزت شنطه فيها حاجات لقصي وشويه ملابس ومكياج ليا وبعدين درت دوره بسيطه ع الحوش مسحته ونشفته وبخرته وجهزت الغدي وركبت غسلت وبدلت ولبست بلوزه سوداء عليها زي الجاكيت ابيض واسود وقونه سوداء
ودرت شويه كحل ومسكره وشويه روج ملمع احمر خفيف ونزلت لقيت قصي كيف خاش
قصي؛ شني واتيه
انا: ايه ...نحط الغدي
قصي: طيبتي قصدك
انا: اكيد .. باه تعالى نصلوا الظهر
قصي: صليت في الجامع
انا: اها اوكي ...معناها نحط الغدي
قصي: وين الصغار الحوش هدوء
انا: مدامك شريتلهم البلاستيشن مزال بتشوفهم
من بعد الفطور بدلوا وقعمزوا عليه
قصي:اها باه حطي لابين مامشيتلهم
انا: تمام
وكنت متفاجاءه من التغير الغريب في معاملة قصي وكملت تجهيز السفره وانا نفكر في هالتغير وشن وراه
اما عند قصي
قصي: رنا تعالي جاي يامكركبه
ريناد: هيييي امو قصي
قصي قام رنا؛ نعم ياعمو
ريناد: قيمني
قصي: هههه حاضر ياغيوره
قصي: شن تلعب يارامي
رامي: كوره
قصي: من ضد من
رامي: برشا ضد الريال
قصي: انت برشا
رامي: اكيد وانت شن تشجع ان شاء الله مش ريال
قصي: لالا برشا
رامي: انت زيني ...منار المهبوله تشجع في الريال مش عارف كيف تحبهم
قصي: قصدك تتفرج ع الكوره
رامي: تتفرج هههه هي تلعب وتتفرج وتفهم في الكوره اكثر من الاولاد
قصي: هههه باه تعالى تغدى
رامي؛ نكمل الشوط بس ...شن رايك تلعب معاي
قصي : منقولش لا ههه
وبدو يلعبو مع بعض لين خشيت عليهم ولقيت رامي وقصي يتعاركو من بياخد البرشا
انا: هيا تعالوا تغدو
رامي: باه
تسريع الاحدات
بعد العصر مشينا لحوش عمي ابراهيم خشينا سلمنا وبعدين مشو خوتي مع صغار هناء يلعبوا اما انا مشيت لحوش عمتي وقصي مخشش اصلا
قعمزنا نهدرزو وعمتي طول الوقت تحكي ع خطيب فاديه وانه مليونير وفلوسه هلبا وانا ماعجبني الكلام فا نضت نتمشى وانا ماشيه تلاقيت مع قصي
قصي: شن اديري هني
انا: شي نضت نتمشى عيت من التقعميز
قصي فجاءه فات كل شي وبدون مقدمات قرب مني وباسني
وانا حولت وقعدت نشبحله مستغربه شن قصته
وهو يشبحلي ويضحك
وفجاءه لف ومشي بدون حتى حرف انا استغربت وكملت طريقي للحوش وكل تفكيري هو تصرفات قصي حسيته عنده انفصام ...كل مره يتصرف بطريقه معاي وهذا شي محيرني
وانا ماشيه ونفكر سمعت صوت وقفني في مكاني
فاديه: منار
انا: نعم
فاديه: ساعه وانا انادي فيك
انا: كنت سرحانه
فاديه: شني امالا في قصي
انا:.......
فاديه: يالي يسمع بيقول حق والمشكله كلنا نعرفوا انتي وقصي شني
انا: شن تقولي انتي
فاديه: شن نقول ...هه ..نقول اني عارفه انك وقصي زواجكم بالغصب ... ونقول اني عارفه ان زواجكم ع الورق بس ...ونقول اني عارفه ان قصي يكرهك ومايحبك ابدا ولاعنده ذرة من المشاعر ليك
انا: هذا كله مجرد كذب ونسج من خيالك ولفيت وكملت طريقي
اما فاديه كملت كلامه وقالت: عموما الكل يعرف بالشي هذا فالهذا معش تمثلوا قدامنا
انا: ........
وبدون مقدمات اتصلت بقصي فورا
انا: قصي انت وين ...
قصي: مع بوي وعز الدين علاش
انا: تعالا جنب السياره بسرعه
قصي : مش فاضي اخطيني
انا: قصي تعرف لو ماجيت حندير شي مجنون ولنت عارفني مجنونه وانديرها
وسكرت في وجهه
