#زواجي_مجرد_تضحيه
الحلقة الثامنه
للكاتبة ملاك الشريف
رامي : نبي اميه منار
انا: اقعد هني توا نمشي نجيبلك
وانا طالعه شفت شي خلاني نتصنم في مكاني
شفت قصي مقعمز ومعاه بنت كانت عاطيتني بظهرها وماسكه ايد قصي يالي اول مره نركز انه مش لابس دبله
قمت عيوني وشفت البنت متوجهه للباب وقصي قريب منها هلبا وع قد ماحاولة نشوفها ماقدرت وشفت قصي ماسك يدها ويضحك وبعدين باس يدها
انا رجعت بيا الذكرى لي اول يوم في اسبوع العرس
انا: سراج هيا
سراج : انا واتي هيا
طلعنا انا وسراج للمحل الذهب
انا: عفوا ياخوي نبي نبيع الخاتم هذا
صاحب المحل: اوكي ممكن نشوفه
انا: اكيد ...تفضل
صاحب المحل: هذا خاتم ذهب والباين قديم لانه ذهب من عيار ثقيل واصلي وناذرا ماتلقي زيه توا
انا: اها هو ذكرى من امي
صاحب المحل: اها ...حقه يمكن الف ومعاها
انا: اوكي بنبيعه وكنت ماسكه دموعي بالسيف
صاحب المحل : تمام ...تفضلي
وطلعت للسياره
سراج: بش قلتي الخاتم هذا هو لشي الوحيد يالي مزال من امك
انا: الله غالب كنت مستحقتله
سراج : علاش وحني شن نديروا ....تاني شي علاش شن ناقصك
انا: سراج اولا انا نكره الشفقه من حد تاني شي لازم نشري دبله لقصي وحاجات للعيله هذا سبرنا
سراج: عليك عناد عندك ...ومش حنتناقش معاك
لاني عارفك
انا: شكرا
وبعدها مشيت بنشري دبله لقصي
سراج : لو تبي فلوس زياده عادي
انا: سراااج اسكت شن قتلك
وفعلا شريت دبله ونقصو عليا الفلوس فاطريت ناخد من فلوسي متع المصروف
كان المهم عندي ماينقص شي كان امي وبوي مزالوا معاي
فقت ع نفسي وشفت قصي راجع للداخل
مشيت نجيب اميه وقصي مشي للطاوله
عند قصي وخوتي
قصي بتوتر : وين منار
رامي: مشت بتجيبلي اميه
قصي: من امتى مشت
ريان: يمكن ليها 10 دقايق توا
رامي: عطلت
ريان: يمكن مشت للحمام
قصي : يمكن
وشويه وجيت انا
قصي: وين كنتي
انا: مشيت جبت اميه وكنت في الحمام
ريان: قلت حتى انا
انا: هاك رامي
رامي: صحيتي
انا: سلمك
وكاملوا خوتي العشي وطلعنا وانا نحاول نتصرف عادي
روحنا للحوش في حدود الساعه10:30
خشيت انا وخوتي وبدلتلهم ورقدتهم وبعدين مشيت لدار طقيت مرتين مارد عليا حد خشيت
لقيت قصي في البالكونه ويتكلم ومسكر الباب
خشيت لبست توته وعلقت ملابس قصي وملابسي ونزلت للجنان لوطى
درت كرسي وقعدت نفكر وكل مره يزيد الوجع في قلبي ومع اني نسيت الدواء ومعش ناخد فيه
معش قدرت نوقف قعدت شويه عالكرسي وبعدين حسيت روحي احسن جيت بنوض لقيت قصي جاي
قصي: ممكن نقعمز
انا: هو حوشك ....وتاني شي انا نايضه ونضت وخبطت الكرسي بقوه
قصي جبدني لين طحت:قصي قداش مره بنقولك معش اديري حركاتك متع الاطفال
انا: دخلكش فيا
قصي ناض: دقيقه وجايك استني
ومشي للسياره جاب شيشه مرش وجي
انا: شن هذا
قصي: مش مجبور نرد
انا فتحت عيوني ع وسعهم : قصدك ...ه..هذ...هذا.
قصي هز راسه: يالي في بالك
وشرب منها لين وصلت للنصف
انا قربت منه وخديتها
قصي: هاتي جاي مطلعيش جنوني
انا ؛ .....
وحذفتها ع الحيط بقوه
قصي: نعن ..&^*$@/ يا..*/$*#^^
انا: ياسر اسكت خلاص شن هالمعامله هذي شن هالتكبر والغرور شن هالخيانه يالي عندك
مع كل شي درته فيا مزلت محترماتك وصايناتك تتمعشق انت وحبيبتك قدامي قلت عادي هو مجبور عليا
ضربتني قلت عادي نتحمل ع خاطر المساكين يالي ماذنبهم شي
قلت عليا كلام مش كويس قدام حبيبتك سكتت وبلعتها
لكن ادير روحك طيب وطلعني لمكان بش ادبر فيه موعد وتهدرز معاها وحطيت يدي ع فمي ومسحت وجهي وكملت
انا: وتهدرز معاها وتبوس يدها هذا كوم بروحه
قصي مسكني من شعري : كنت تراقبي فيا يا .....
انافكيت شعري منه : ولا الدبله ...ضحيت بااغلى شي كان عندي ع خاطرها وانت ولا ع بالك
علاش بس فهمني علاش
وتجي تشرب وتدعدع قدامي وتضحك ولا كانه شن درت انا بس
قصي مسك شعري من جديد: مدرتي شي بس كل الموضوع اني نحب نعذبك ونحب نشوفك مذلوله
انا: معليشي انا نذل مش يذلوني وحتشوف ياقصي الدنيا دواره ورد بالك تستغل طيبة الشخص الغلط
وخشيت للداخل وقصي وراي
قصي: انتي انتي يافرخه نكلم فيك
انا: شن مزال تبي مني توا
قصي شاف ريناد جايه هي ورامي حاول يذارك الموقف
وقرب مني قصي بسرعه وباسني ع ....
انا جيت بندفه ثبتني ع الحيط قصي وقتها حس بشي غريب وانا نسيت روحي
وتكلمت ريناد بصوت عالي: منااار
قصي تحشم وطلقني ووخر مشي للدار
وانا مشيت لرامي وريناد
انا: شنو اديروا هني
رامي: ريناد ناضت تبي الحمام وانا مانعرف وينه
انا: خلاص تعالوا معاي
وبعد ما خششتهم ورقدتهم رجعت للجنان بنجيب فوني
طلعت وانا خاشه شفت قصي مقعمز
انا: احم
قصي بدون مايلتفت: خيرك
انا: اسمعني معش نبيك تشرب
قصي: شنو تقولي انتي
انا: يالي سمعته
قصي : اصلا مستحيل حتى لو انا نبي مش حنقدر
انا: قصي انت تصلي؟؟؟
قصي : .......
انا: نكلم فيك جاوبني لينا فتره نعرفوا بعض ومع هذا مشفتكش ماشي للجامع او تصلي في الحوش
وحتى ..وحتى يوم عرسنا مشفتكش ركعة ابدا
قصي: شن دخلك انتي
انا بعصبيه : تي كيف شن دخلي متزوجه يهودي انااااا قصي ارجوك متخلينيش ننجن كيف متصليش انت وتسكر سبوع تاني تعالا قولي انك .....
وحطيت يدي ع فمي في اخر لحظه
قصي: كملي شني نقولك اني شني ...تكلمي بسرعه
انا: شي شي انسى
قصي قرب وحط يديه ع كتفي وناض يخض فيا بقوة: تكلمي متخلينيش نفصل عليك
سبوع تاني شنو
انا دفيته: قصي بعد من عليا والا ...
قصي مسكني من شعري: كانه رخولك الحبل مرة تماديتي
انا: اطلق شعري اطلقني شني في كل مره تكرني منه اطلق يامجنون اطلقني
قصي: مش طالقك انا حر
وانقدني منه رنة تلفونه
وانا خشيت طول للداخل اما التلفون كان سراج
سراج: اهلا
قصي: خير
سراج : ان شاء الله منوضتكش من النوم مع اني متاكد انك مقعمز تشرب في هالسم
قصي: لا هذا ولاهذا كنت مقعمز في الجنان
سراج : اها غر كلمت منار قبل شويه ماردت فقلت نكلمك انت
قصي : منارررر علاش شن تبي فيها في هالليل
سراج : قصي بدون تفكير تافه ....هي مكلمتني ع ملفها متع المعهد العالي وانا كملتلها كل شي بنخبرها امتى تبدا بس
قصي:...؟؟؟؟معهد عالي ...وملف ...تي شن تخرف بالزبط انت
سراج: نقولك شي انت نفاخ اعطيها التلفون نشرحلها
قصي وهو معصب: تي شن تشرحلها طرطور انا توا بتحكيلي كل شي زيك زي الراجل الطيب
سراج: باه اسكت انت بش نحكيلك
قصي: سكتنا هي انطق الجوهره
سراج : يالي صار ان منار كلمتني من فتره انها خلاص كملت الثانوي وبسبب ظروفها متقدرش تخش للجامعه فاتبي معهد عالي ادارة اعمال وانا قلتلها اني موافق وسجلتها في معهد جنب حوشنا وتوا تقدر تقوللها انها ح تبدا من الاسبوع الجاي ....
قصي: الوووو ...سكر عليا خزي
وجاني قصي وانا كنت في الدار مع خوتي
لاني عارفه ان قصي مش حيجي
لكن انصدمت بالعكس لما قصي طق ع الباب
قصي:ممكن دقيقه
انا فتحت الباب وبدون سابق انذار مسك مرفقي ورفعني للدار وخش وسكر الباب
قصي: انا طرطور هني
انا:؟؟؟؟
شن تقول انت
قصي: انتي توا مرتي ع الورق يعني اي شي يخصك انا المسؤل عليه مش سرررراج فهمتي
انا: تي شن تقول مفهمتش
قصي: سراج قالك من مبكري نتصل بيك بنخبرك ع موعد المعهد بس انتي مارديتي
انا بفرحه: حق
قصي: ايه ....بس معش نبي اي شي يخصك تقوليه لسررراج فهمتي والا ناويه ع خوي
انا: stop منسمحلك تقول هكي عليا
قصي: هههه وتتكلمي مزال هههه
انا : حيييوان معش تقول عليا هكي حقير منحط
قصي وخر وقدم وجي بيضربني بس تجنبته ومشيت للحمام بسرعه
قصي: افتحي الباب
انا:لا مستحيل
قصي: ......
يتبع
Malak Ma (Dzeko girl)
