#زواجي_مجرد_تضحيه
الحلقة السابعة عشرا
للكاتبة ملاك
قصي:انتي لازم اطيحيه
انا: مجنون انت مستحيل هذا عمره شهر ونص حرام نقتل روح مذنبها شي
قصي: مش حرام تسمعي فيا انا منبيكش ومنبيشي
انا:....... نزلت راسي ولفيت بنطلع
قصي: صدقيني مش حتشوفيه بين يديك وانا معاك
وكملت طريقي
تسريع الاحداث جي يوم الثلاثاء ...انتشر موضوع حملي من وراء هناء اما خبر سفرة قصي فما فيه حد يعلم بيه
يوم الثلاثاء ...في الصبح نضت بكرى وجهزت الفطور وشويه وجي قصي
طبعا طول الفتره يالي فاتت كانت نادرا متجي بيناتنا كلمة
قصي: صباح الخير
انا: صباح النور
قصي: جبتلك دواءك
انا: اوكي ...بعدين في دواء متاعي تم نبي زيه
قصي ؛ متع شني
انا: .....
وكيف بنتكلم رن تلفون قصي يالي بعد المكالمه ناض مستعجل
قصي: حطيه الدواء في السياره بش نجيبلك زيه توا بنركب في المستشفى يبوني ضروري
انا: باه
ركب قصي وانا وراه
قصي: نبي ....
انا: سوريتك الكحلة معلقه ومحدده
وسرروالك الاسود محطوط ع طاولة الحديد
قصي: ....
انا: والغدي اليوم رشده بما انك قلت تبيها
وكملت كلامي ونزلت
وشويه ونزل قصي وطلع
اما انا خشيت للمطبخ بناخد الدواء واستغربت شكله وبعدين قلت في النهايه هو دكتور ويعرف احسن مني
خديته وبعدين طلعت نظم في الحوش وفي اقل من خمس دقايق بديت نحس في الم مش طبيعي في بطني ويالي زادني انه اثر ع قلبي ووفجاءه رن الباب
اما عند قصي اول ما طلع يفكر هل يالي داره صح ولاغلط وشاف بالصدفه باكو الدواء متاعي
قصي:دواء شني هذا؟؟؟
وقامه وقعد يقرى فيه واول ماعرف دواء شني هذا انصدم ولاول مره حس بخوف وشغل السياره وطلع للحوش وهو قاعد موصلش جاه اتصال من امه
قصي: خير يام
مرت عمي: خير ....وين انت ياقصي
قصي: كيف مروح للحوش
مرت عمي: قصي ارجع للمستشفى توا
قصي: امي خيرك شن فيه ...بوي فيه شي ولا سراج
مرت عمي : لا لكن منار كيف رفعناها
قصي ضرب راسه بايده ع غباء يالي داره
وطلع بسرعه للمستشفى
وبعد ربع ساعه خش قصي للمستشفى ولقي سراج قدامه
قصي : خيركم فهموني شن فيه ؟؟ خيرها منار
سراج: اسئل روحك ... متوقعتكش اناني لهدرجه
قصي: شن فيه تكلم
سراج: خلي منار تحكيلك لو عندك وجه ...وامي ماتعرف بشي لان منار ماتبي هالشي سامحني ياخوي بس طحت من عيني
قصي تعصب ومشي خش قصي للغرفه لقي امه مقعمزه وانا راقده والاجهزة مغطيتني
مع خشت دكتور
الدكتور: اهلين دكتور قصي
قصي:اهلين ...شن حالها منار توا
الدكتور : تقدروا تطلعوا توا لانه ممنوع تخشوا بس ع خاطر امك يالي طلبت دخلتها وبعدين نتكلموا
قصي: اوكي
طلعو قصي ومرت عمي والدكتور
وجي سراج خدي امه
اما قصي والدكتور
الدكتور : تبي الحق يادكتور قصي
قصي بخوف: اي اكيد
الدكتور: الباين ان المدام واخده دواء متع اجهاض بس هو ما يمشي مع يالي عندهم القلب وهذا مخلي حالتها خطيره وحاليا نبضها ضعيف
قصي وكان اميه سخونه انكبت عليه
الدكتور: الباين ان حالتها النفسيه ليها دور وزيدها اهمالها عن اخد دواها
قصي وهو متوتر: باه والجنين
الدكتور: الحمد الله سليم وحالته كويسه بس الام هي يالي حالتها صعبه
قصي : .....شكرا يادكتور
ومشي قصي لامه
قصي: امي انتي روحي حتى ع خاطر الصغار
مرت عمي: طمني عليها لماتفيق
قصي: تمام ....امي
مرت عمي: شن فيه
قصي: انا غدوا مسافر
مرت عمي:شنييي ومرتك يالي ملوحه داخل
قصي: منقدرش يام ومن توا عطيتك علم
طلعت مرت عمي وهي ملخبطه من يالي صار ومن افعال قصي
اما عندي بديت نفيق خصوصا اني عارفه بكل شي صاير معاي
فتحت عيوني لقيت روحي في دار وكلها اجهزه قعمزت مع اني مش قادره وبديت نفك في الاجهزة ودموعي ع خدي مكنتش متوقعه ان فيه ناس ماعندها ذرة رحمه زي قصي .... وانا نفك ناض جهز يصفر ودقايق ولقيت الدكتور والممرضه قدامي
الدكتور: معليشي مدام وقفي انتي حالتك ماتسمحلك توقفي حتى
انا: ........ونفك في الاجهزة
الدكتور: متخافيش واهدي والجنين حالته كويسه
انا لما سمعت كلمته قعمزت ارتحت وفجاءه ناض عليا الم قلبي من جديد واخر شي شفته كان وجه قصي وهو خاش للحجرة
مع اذان العشي فتحت عيوني بتعب وانا نسمع في صوت الاذان ...
لقيت قصي مقعمز جنبي
انا بصوت يادوب ينسمع: انت شن ادير هني؟؟ مزال عندك وجه اتجي؟؟؟
قصي: ........انا قتلك مانبيه
انا مسحت دموعي وقعمزت وبصوت مصتنع القوة: انا مش راضيه انه يكون عندي طفل من شخص زيك بس مع هذا انا مانبي ندير شي حرام
قصي: ...
انا: ياريت تطلع لاني بجد ولاول مره كرهت نشوف وجهك ....ياخساره ....ياخساره ...
وقف قصي: انا بنطلع واصلا طيارتي وقتها قريب
انا: ممكن تقرب شويه
قصي قرب: هه شن تبي
انا قربت وجهه لوجهي وبصوت خفيف : انت ماشي صح ....بس لما ترجع تذكر تهديداتي كلها حنفذها في ارض الواقع ....وحتندم بطريقه مش طبيعيه ...وسلام توا وشفت له بنظرات كلها ثقه
قصي كان يشبحلي وهو خايف ومتوتر خايف اني فعلا ننتقم ونخليه يندم
بطريقه او تانيه لانه شاف لمعه غريبه في عيوني عمره ماشافها
بعد واتجه للباب ووقف ع كلامي
انا: وزي مايقولوا المصريين يالي بعنا خسر دلعنا ههه
وطلع قصي من باب الغرفه وهو ميعرفش انه طلع حتى من قلبي ...لاول مره تغير السيناريو لان كل الروايات تبدا بالكره وتنتهي بالحب الا هاذي بدت بالكره والباين ان هذي حتكون حتى النهاية
اما انا قررت ناخد تلفوني ونطمن مرت عمي وخوتي وانا كيف مسكت التلفون انفتح الباب وكان سراج ومعاه سحر واختها
سراج:السلام عليكم جوك ضيوف يامشفشفه
انا: وعليكم السلام ...هههه نورتوني
سحر: اهلا ...والحمد الله ع السلامه
انا: الله يسلمك
اختها: الحمد الله ع السلامه
انا: الله يسلمك
وقعمزو شويه وطلعوا .... اما سراج قعد
سراج:ممكن نتكلموا
انا: عادي ...
سراج:انا متاكد ان يالي صاير من وراء قصي صح
انا : لالالا
سراج: علاش ادافعي عليه ...وانا عارف كل شي
انا: سراج انا مندافعش عليه بس هذي مشاكل شخصيه ...
سراج: اوكي ...براحتك تبي شي توا
انا: قعمز ....عندي موضوع مهم
سراج:احكي ان شاء الله خير
انا: .........
سراج: من اليوم انا معاك في كل شي ...كونك بنت عمي قبل ماتكوني مرت خوي ويالي تبيه كله حايصير
انا : صحيت تعبتك معاي
سراج: معش تقولي هكي خوك انا
انا: ابتسمت
سراج: هاك كلمي امي وخوتك مشغولين ...واكيد بكرى يجوك
انا:....
يتبع
بنات يالي يبعثوا ع الخاص انا المسنجر مايفتحلي فيهم الرسائل لهذا ما نرد 💔
